a1:1Ap 9:13, 18:19-21, 19:1; Lo 1:1,7; 1 Ko 1:1-2; Kl 1:1
b1:2Lo 1:7; 1 Ko 1:3; 2 Ko 1:2; Ga 1:2; Pl 1:2; Kl 1:2; 1 Te 1:1; 2 Te 1:2; 1 Ti 1:2; 2 Ti 1:2; Ta 1:4
c1:32 Ko 1:3; Ga 3:14; Ep 2:6
d1:4Jo 15:16; 17:24; 1 Ko 1:8; Ep 5:27; Kl 1:22; 2 Te 2:13; 1 Pi 1:20
e1:5Jo 1:12; Lo 8:29; 1 Jo 3:1
f1:6Mt 3:17; Kl 1:13
g1:7Lo 3:24; Ep 2:7; Kl 1:14,20; Ip 1:3
h1:9Lo 16:25
i1:10Mk 1:15; Ga 4:4; Kl 1:16,20
j1:11Dit 7:6; Ais 46:10; Lo 8:28-29; Kl 1:12; Pa 4:11
k1:12Wee 66:2
l1:13Ap 1:4, 2:33; Lo 5:5; 2 Ko 1:22; Ep 4:30; Kl 1:4-6, 2:9; Ip 6:12
m1:14Wee 66:2; Lo 3:24
n1:15Ap 9:13; 1 Ko 13:13; Kl 1:4,9; Pm 4-5
o1:16Kl 1:3; 1 Te 1:2
p1:17Eke 24:16; Kl 1:9
q1:18Ep 4:4; Kl 1:12; Ip 3:1; 1 Jo 5:20
r1:19Ep 3:20; Kl 1:11; 1 Pi 1:5
s1:20Wee 110:1; Ais 52:13; Ap 2:33; 2 Ko 13:4; Kl 2:12; Ip 1:3; 1 Pi 3:22
t1:21Pl 2:9; Kl 1:16; 2:10,15
u1:22Wee 8:6; Mt 28:18; 1 Ko 15:24-25; Ep 4:15
v1:22-23Kl 1:18-19
w1:23Lo 12:5; Ep 4:10; Kl 2:17

Ephesians 1

Goteme a  masiamoli pyoo namba Polo Kataisa Jisasanya aposele katao Gotenya endakali Kataisa Jisasa lao masoo minao Epesasa kalyamino dupanya pepa dake nambame pyao peekelyo. Naimanya b  Takange Gotepa Kamongo Jisasa Kataisapame nyakama kandao mona epe mende palyetala nyakamanya mona doko lyuu lasekena.

Goteme Kataisa-kisa naima epe dingi dupa

Naimame c  naimanya Kamongo Jisasa Kataisanya Gote-kisa Takange doko lao tama pimana! Baame baanya ketae kaitinya singi epe dupa pitaka Kataisa-kisa naima dia! Goteme d  yuupi kaitipi wapuala nayao pituu naima baanya enomba ongonya etete epe koopi mende nasingi katataminopa lao baame Kataisa-kisa naima yapao nyia-pyaa. Wamba e  baa tangeme pitona lao auu pyoo masiamoli pyoo naima nea kayao Jisasa Kataisa-kisa naima baanya ikiningina lao yapao nyia-pyaa. Naimame f  baanya mona epe palenge tii pipae doko lao lalyoo kalyepale lao Goteme baanya mona setenge Ikiningi doko-kisa naima etete kondo kaya. Gotenya g  mona setenge Ikiningi dokome baanya taiyoko kai leamo dokome naima kii tamao nyepae koo kunanya nepatae kalyamano. Gotenya mona epe palenge doko eteteaka yale paka! Baame baanya mona epe palenge doko naima-kisa epao palisakao baanya mana kandelyamano dupapi dupanya masilyamano dupapi dupa pitaka naima dia. Goteme h  Kataisa-kisa pitona lao yalo pyoo masoo kateamo doko baa tangeme masiamoli pyoo naima kondo kayapala laitaka pia. 10 Baame i  yalo pyoo masiamo doko dapa: indupa Gote baame isoo kalai pilyamo doko pyoaka pao tenda pipenge gii doko ipatamopa baame yuunya singipi kaitinya singipi dupa pitaka Kataisa-kisa nyoo elyambu petala dupa pitakanya Kataisa baa aiyomba joo katena latona lao masia-pyaa. 11 Goteme j  opale mende pipuli lao masilyamo dupa pitaka pingi. Dopaka pyoo wamba baa tangeme masiamoli pyoo naima Kataisa-kisa makande petala baanya endakali joo katataminopa lao yapao nyia-pyaa. 12 Naima k  Kataisa wambao malisoo kateamano endakali dupame Gotenya tii pipae doko lao lalyoo katataminopa lao baame dopa pia-pyaa. 13 Goteme l  nyakama pyoo nyiana lapae kiningi pii epe doko nyakamame apata sepala Kataisa lao masoo miniaminopa Goteme baanya Oli Sipitisa dituna leamoli pyoo diamo dokome nyakama baanyana lao kongali pia. 14 Goteme m  naima epe maitakao ditamo dokonya makande pyoo mende Oli Sipitisa doko wambao ditia. Dopa piamo dokonya baame baanya endakali sambao nyiamo dupa etete mokatana lao masilyamano. Dokonya naimame baanya tii pipae doko lao lalyemana!

Polonya loma siamo doko

15 Tenge n, o, p  ongonya minao nyakamame Kamongo Jisasa lao masoo minao katao Gotenya endakali dupa pitaka auu kayao kalyamino lapae sepala, nambame nyakama lao masetala Gote lao yaka pilino leo doko mee lawaka kalyo. Nambame nyakama nisalanya Takange tii pipae naimanya Kamongo Jisasa Kataisanya Gote doko lao loma soo tee lekelyo. Nyakamame baa lao etete auu pyoo masalapale lao Oli Sipitisanya mana kandapenge dokopa Goteme panasekeamo dupa lao masepenge dokopa dolapo baame nyakama dina lao nambame loma sakao kalyo. 18 Goteme q, r  nyakama nyalapale lao ipupa leamo masoo malisoo kalyamino doko akipi lawapi, baame baanya endakali dupa epe maituna leamo dupa etete longo paka silyamona lawapi, dee baanya pupu lapae naima masoo miningi endakali dupa-kisa singi doko yale etete lamona lawapi nyakamame dutupa masalapale lao Goteme nyakamanya monanya lenge doko tii pisekena lao loma sekelyo. 20 Baanya s  etete pupu lapae naima-kisa silyamo mendai dokomeaka baame Kataisa malunya sakatasetala kaiti yuu dokonya baanya kingi tolae-kaita nyoo pisia-pyaa. 21 Kaitinya t, u, v  isingi dupapi, enomba nyoo isoo katenge dupapi, pupu lapae dupapi, kamongo dupapi, yuu dakenya minilyamino kenge dupapi, kaitinya minilyamino kenge dupapi dupa pitakanya Goteme Kataisa etete ketae katena latala dupa pitaka baanya moko pundipundi dokonya sina lea-pyaa. Dupa pitakanya aiyomba joo ulusale katenge Kataisa baa Goteme naima sosa doko dia. 23 Sosa w  doko Kataisanya yonge. Kataisa sosa dokonya tumbatae katenge. Baa yuupi kaitipi dupa pitakanya tumbingi.

Copyright information for `ENQ