a4:1Ep 3:1; Pl 1:27; Kl 1:10
b4:1-3Kl 3:12-15
c4:21 Ko 13:13
d4:4Jo 12:5; 1 Ko 10:17, 12:12; Ep 2:16,18
e4:5Jo 10:16; 1 Ko 1:13, 8:6, 12:4-6
f4:7Lo 12:3,6
g4:8Wee 68:18; Ap 2:33; Kl 2:15
h4:9Jo 3:13; 1 Pi 3:19
i4:111 Ko 12:28
j4:12Ep 2:21, 4:16; 2 Ti 3:17; Ta 1:5
k4:13Ep 1:23; Kl 1:23,28, 3:11
l4:141 Ko 14:20
m4:15Ep 1:22, 5:23; Kl 1:18, 2:4,8
n4:16Kl 2:19
o4:17Lo 1:21; Kl 1:21; 1 Pi 1:14,18, 4:3
p4:18Ep 2:12
q4:19Kl 3:5
r4:22Lo 8:13; Kl 3:5,9
s4:23Lo 12:2
t4:24Jen 1:26; Kl 3:10
u4:25Sak 8:16; Lo 12:5; 1 Ko 12:12; Kl 3:8-9
v4:26Wee 4:4; Mt 5:22-24; Je 1:19-20
w4:272 Ko 2:11
x4:28Ap 18:3, 20:34-35; 1 Te 4:11
y4:29Mt 15:11; Ep 5:4; Kl 3:8, 4:6; Je 3:10-12
z4:30Ais 63:10; Ep 1:13-14; 1 Te 5:19
aa4:31Lo 1:29; Kl 3:8
ab4:32Mt 6:12,14-15; 18:22-35; Kl 3:12-13

Ephesians 4

Yonge mendai iki katengena Polome leamo doko

Dopana, a, b  namba Kamongonya kalai dokonya anjetae akali dokome nyakama langyokondape pyoo dapa langilyo: Goteme nyakama ipupa leamo dokonya nyakama payatamino dokome baanya ipupa latae endakali joo payalapape. Nyakamame c  koteaka lao masoo miningi endakali yango dupanya anasale joo katao andiki andiki pyoo kalyepape. Nyakamanya mendeme mende-kisa koo pingyatamo dokopa nyakamame yanu nanyoo mende auu kaya kaya pyoo kenda pipae dupa soloo pyoo kalyepape. Oli Sipitisa dokome nyakama mendai injisetea. Mendai injisetae kalyamino mana doko nyakamame mende mona lyuu lasa lasa pyoo awapaka katao kyoto joo minao kalyepape. Yonge d  mendai iki katenge; Oli Sipitisa mendai ikiaka katenge; dopaka pyoo masoo malisingi mendai iki malisoo kalyepale lao Goteme nyakama ipupa lea. Kamongo e  mendai iki katenge; masoo miningi mendai iki singi; kaimbu mendai iki singi; naima pitakanya Gote-kisa Takange mendai ikiaka katenge. Baame naima pitaka isoo naima-kisa kalai pyoo katao naima-pipa pakatae katenge.

Dee f  Kataisame epe dupa naima mee diamoli pyoo naima pitaka mendai mendai lao dupame epe mende nyepeama. Dokonya g  dapa lao pepa pyapae silyamo:

“Baa etete ketae kaitinya pyakalyiamo dokopa baame anjetae palenge endakali dupa baanyana lao anjoo laminao pea.
Dopa petala baame epe dupa naima dia.”
“Baa h  ketae pyakalyiamo” pii dokonya tenge doko akipi? Doko dapa: baame ketae iki pyakalyala naenya isa yuu dakenya yuu koko singi dupanya apata pyakaneaka-pyaa. 10 Akali pyakaneamo mendai dokomeaka yuupi kaitipi pitakanya katao tumbasalanya kaiti yuu doko pitakanya etete ketae waka pyakalyia-pyaa. 11 Baame i  akali mendapua aposelepi, mendapua potopesapi, mendapua waiyakalipi, mendapua isingi akalipi, tisaapi joo katena lea. 12 Baame j  dopa pyoo Gotenya endakali dupa kapa pisetala baanya kalai doko pyakao baanya yonge doko kyoto injisekena lao dopa pia. 13 Kalai k  doko dopa pyoo soaka pao naima pitaka Gotenya Ikiningi doko lao masoo miningi dokonya mendai joo katao, baa lao masokondape pyoo masetamano gii dokonya tuu lata. Dopa pitamopa naima andao akali angi joo Kataisapa etete awapa latama. 14 Naimame l  dopa pitamano dokome deaka ŋaŋa joo nakatatama. Waa katenge akali kalyamino dupame nyakamanya sambo mana dokome endakali dupa kaitini uanga pipae dokonya pyalya lao nyingimaka doko, dupanya mana lamaingi dokonya poo poo pii dupame naima soo yangi puu puu pyoo lombanya setapala soo napata. 15 Daa. m  Naimame auu kayao kiningi pii doko mende lamai lamai pyoo katatamano dokome Kataisa aiyomba joo kalyamo doko-kisa mana dupa pitakanya andao katatama. 16 Baame n  yonge dokonya kongapupi, luma lengepi, kulipi dopale dupanya pupu lapae dokome yonge doko pitaka awapa nyoo tumu pyao mendai injisilyamo. Yonge dokonya mendai mendai lao dupame kalai pina lao mailyamoli pyoo pilyaminopa, yonge dokome auu kayao adao baa tange pupu lasingi.

Wamba kateamano mana dokopa indupa kalyamano mana enenge dokopa

17 Dopana, o  nambame kyoto joo Kamongonya kenge dokonya nyakama dapa langilyo: nyakama deaka netesa endakali joo payala nayalapape. Netesa endakali dupame nyakamanya masingi doko angi daa dupanya pena lao paelyamino. 18 Dupanya p  monanya masingi doko iminjetae kalyamo. Dupame etete masala nayao katao mona kana joo payapimino dokonya Goteme lete katenge dingi doko nanyoo waka joo kalyamino. 19 Dupame q  elya nakayao luiyawaka payao tuu pyoo koo kalai koyapae tata tata dupa pyoaka katengema. 20 Naimame Kataisanya lao nyakama pii langiamano dokopa nyakamame mana dopale dupa etete nyala nayami! 21 Dopa lelyo doko kini nyakamame baanya pii doko sepala baa watao paenge endakali joo katao Jisasa-kisa kiningi pii silyamo doko mana nyepeamina lao masoo lelyo. 22 Dopana r  nyakamame nyakamanya akali wambatae wamba watao payamino dokonya mana doko soo nepalapape. Akali wambatae dokome sambo lao nyipu laka lao masoo baa tange minao koyasoo katenge. 23 Nyakamame s  monanya masingi enenge doko nyalapape. 24 Goteme t  baa tange waingi tao katena lao wapuiamo akali enenge doko nyoo nyakama-kisa katalapape. Akali enenge doko kiningi pii dokome lelyamoli pyoo tolatae joo payao epe etete joo katenge.

Indupa kalyamano mana enenge dokonya kalai dupa

25 Nyakamame u  sambo pii doko soo nepalapape. Naima pitaka Kataisanya yonge dokonya kingi mokopi joo kalyamano. Dokonya nyakama mendai mendai lao dupame nyakamanya endakali yango doko kandao kiningi pii lamaiyepape. 26 Imbu v  pia kandeno dokopa koo mende napyepape. Imbu kayawaka katao yuu kuisala nayalapape. 27 Aopyoo w  latala Satane panda maitami. 28 Pake x  nenge akali dupame deaka pake nanenya lekeleke tao kalai pina. Kalai epe dupa nyakama tangenya kingimi pitaminopa endakali tipya dupa opale apalepi mokosoo maipenge dupa nyakama-kisa kapa pao seta. 29 Pii y  koo mendaipi mende nyakamanya nenge-kaita dokonya pyakalyina lao kayala nayalapape. Dopa napinya endakali tambo lapae dupa kyoto injisepenge pii epe dupa iki lao kalyepape. Pii epe latamino dupame endakali pii setamino dupa mona epe paliseta. 30 Nyakamame z  Gotenya Oli Sipitisa doko mona minao kenda pisala nayalapape. Goteme nyakama etete mokao nyetamo gii doko kandao nyetaminopa lao baanya Oli Sipitisa dokome nyakama kongali pia. 31 Nyakamame aa  mona koo paletaka katengepi, imbu kaengepi, tii lengepi, ae lengepi, pii koo lengepi, dupa pitaka yakinalapape. Mona koo palenge mana dupa pitaka naminalapape! 32 Dopa ab  napinya nyakama masoo miningi endakali yango dupa-pipa mende auu pisa pisa pyoo mende kondo kaya kaya pyoo kalyepape. Goteme nyakamanya koo dupa Kataisa-kisa kunanya nepekeamoli pyoo nyakamame nyakamanya koo dupa mendenya kunanya nepakamai nepakamai pyoo kalyepape.

Copyright information for `ENQ