a5:1Mt 5:48; 2 Te 3:7
b5:2Eke 29:18; Wee 40:6; Ese 20:41; Lo 14:15; Ga 2:20; Ip 10:10; 1 Jo 3:16
c5:3Ga 5:19; Kl 3:5
d5:4Ep 4:29
e5:5Mt 6:24; 1 Ko 6:9-10; Kl 3:5; Ip 13:4-5
f5:6Lo 1:18; Kl 2:4,8, 3:6
g5:8Jop 24:13; Jo 8:12, 12:36; 2 Ko 4:6, 6:14; Ep 2:11,13, 4:18; Kl 1:12-13; 1 Te 5:4-8; 1 Pi 2:9
h5:10Lo 12:2
i5:112 Jo 10-11
j5:13Jo 3:20-21
k5:14Ais 26:19, 60:1; Lo 13:11; Ip 6:4, 10:32
l5:16Kl 4:5
m5:17Lo 12:2; Kl 1:9
n5:18Pot 23:31; Lu 21:34
o5:19Wee 33:2-3
p5:19-20Kl 3:16-17
q5:201 Te 5:18
r5:211 Pi 5:5
s5:22Jen 3:16; Kl 3:18; 1 Pi 3:1-7
t5:231 Ko 11:3; Ep 1:22-23
u5:25Ga 1:4; Ep 5:2; Kl 3:19; 1 Pi 3:7
v5:26Lo 6:4; Ta 3:5-7; Ip 10:10
w5:272 Ko 11:2; Kl 1:22; Pa 19:7-8, 21:2,9-11
x5:301 Ko 6:15, 12:12; Ep 1:22-23
y5:31Jen 2:24; Mt 19:5
z5:32Lo 16:25; Pa 19:7

Ephesians 5

Nyakama a, b  Gotenya auu kaenge wane joo kalyamino dokonya nyakamame baa kalyamoli pyoo katao Kataisame naima auu kayao payamoli pyoo payalapape. Isataelemame opale tende tundumapi pipae mende pyao yangao Gote kundi maiyaminoli pyoo baame naima alo pyoo baa tange Gote kundi maiya. Endakalipi c  nyele-nyele paenge dokopi, elya pingi napipenge pingi dokopi, nyipu laka lao masingi dokopi, mana dopale dupanya pii kukipi mende nyakama-kisa naepena lao kalyepape. Pii opale mende nyakama Gotenya endakali dupa-kisa ipatamo doko kapa napata. Pii d  aii pyapae dupapi, pii koyapae dupapi, gii kaena lao pii koo lenge dupapi, pii dopale dupa latamino doko kapa napataka. Dopa napinya nyakamame Gote lao yaka pilino lapape. Nyakamame e  pii dake kiningina lao masalapape: endakalipi nyele-nyele paengema dupapi, elya pingi napipenge pingima endakali dupapi, nyipu laka lao masingi endakali dupapi, dupanya mendaipi mendeme Kataisa Gotepanya isingi panda doko kandao nanyeta. Nyipu laka lao masingi doko sambo gote tama pingi mana mende. Akali f  mendeme mee pii mendeme nyakama minakasina lao kayala nayalapape. Mana dopale dupanyaka Goteme baanya pii nepenge endakali dupa kandao imbu kayao yanu nyala epelyamo. Dokonya nyakamame dupa-pipa awapa dopa pyoo payala nayalapape.

Tii pingi dokonya wane joo payalapape

Wamba g  nyakama iminjetae kateamino doko indupa Kamongopa pakatae katao tii pipae kalyamino. Tii pingi dokonya wane joo payao kalyepape. Tii pingi dokome epe pingi dupa pitakapi, tolao pingi dupa pitakapi, kiningi pingi dupa pitakapi dupa sakatasingi. 10 Kamongome h  mana aipale dupa auu kaengepe lao nyakamame mana nyoo kalyepape. 11 Dii i  epe namandenge iminjetae mana dupa nyakamame naminalapape. Dopa napinya nyakamame mana dupa kopetana lao endakali dupa laitaka pyepape. 12 Endakali dupame mana koo yalo pyoo minilyamino dupanya pii lakamaitopa elya pitana nalatoo. 13 Dee j  tii pingi dokome koona lao laitaka pilyamo dupa pitaka panatae silyamo. 14 Panatae k  silyamo dupa pitaka tii pipae dokonya silyamo. Dokonya pii dake silyamo:

“Akali luu paleleno doko emba sakata!
Malu petae kateleno doko emba sakata!
Dopa pitinopa Kataisame emba tii pisina.”
15 Dopana, nyakama aipa pyoo paelyamape lao kandokondape pyoo kandao payalapape. Nyakamame masala naenge endakali joo payala naenya masingi endakali joo payao kalyepape. 16 Indupa l  gii koo silyamo dokonya kalai pipenge jetamo doko nyakamame pyokondape pyoo pyepape. 17 Dopana m  nyakama masala naenge kyakaenge joo nakatenya Kamongome pipimili lao masingi doko auu pyoo masoo kalyepape. 18 Nyakamame n  waene longo lao nao kyakala nayalapape. Dopa pitamino dokome nyakama minao koyasetana, dopa napinya nyakama Goteme Oli Sipitisa dingi doko nyoo tumbao kalyepape. 19 Nyakamame o, p  nyakama tange-lapo Losuu Wee dupa lao, Gote lao tama pingi wee dupa lao, masoo miningi dokonya wee dupa lao kalyepape. Nyakama tangenya mona dokome Kamongo doko lao wee lao male pimaiyoo kalyepape. 20 Koteaka q  lao nyakamame dupa pitakanya naimanya Kamongo Jisasa Kataisa lao masetala Takange Gote doko lao yaka pilino laapape. 21 Nyakamame r  Kataisa andanda semaiyoo katao mendenya pundipundi joo kata kata pyepape.

Enda akalipanya Polome leamo doko

22 Nyakama s  enda dupame Kamongonya pundipundi joo petele lao nyakamanya akalingi dupanya pundipundi joo pilyepape. 23 Doko t  aipuma? Kataisa baa sosa dokonya aiyomba. Mendai dokaita joo akali doko baanya etanenge dokonya aiyomba. Sosa doko Kataisanya yonge. Kataisa tangemeaka yonge doko pyoo nyia. 24 Sosa dokome Kataisanya pundipundi katenge. Mendai dopaka pyoo nyakama enda dupame dupa pitakanya nyakamanya akalingi dupanya pundipundi pilyepape.

25 Kataisame u  sosa doko auu kayapala etete epe injisalanya baame sosa doko alo pyoo baa tangeme kumia. Dopaka pyoo nyakama akali dupame nyakamanya etanenge dupa auu kayao kalyepape. 26 Sosa v, w  doko Kataisame baa tangenya enomba dokonya tii pipae joo kaimala pipaepi kangipu silya sana pipaepi nanjoo opale koo mende nasingi etete epe auu pipae katena lao endaki kaimbu pingi Gotenya pii lapae awapa silyamo dokome baame sosa dokonya koo dupa kunanya nepea. 28 Dokaita doko akali dupame nyakama tangenya yonge doko auu kaengeli pyoo nyakamanya etanenge dupa auu kayalapape. Akali mendeme baanya etanenge doko auu kaelyamo dokome baa tange auu kaenge. 29 Endakali mendaipi mendeme baa tangenya yonge doko maka nakaenge. Dopa napinya baame baanya yonge doko nee maiyoo auu pyoo isingi. Dopaka pyoo Kataisame sosa doko isingi. 30 Naima x  Kataisanya yonge dokonya mokopi kingipi lengepi joo kalyamano dokonya baame dopa pingi. 31 Pii y  dapa lao pepa pyapae silyamo: “Dopana akali mendeme baanya endangi takangepa yakinatala baanya etanengepa tole pyatala dolapo yonge mendai joo pititambi.” 32 Pii z  dakenya tenge angi yale mende yalo petae silyamo. Pii dakenya Kataisapa sosa dokopa kandao lapae silyamona lao masoo lelyo. 33 Dopaka doko, nyakama akali mendai mendai lao dokome nyakama tange auu kaengeli pyoo nyakamanya etanenge doko auu kayalapape. Dee etanenge dokome akalingi doko andanda semaiyoo pitipi.

Copyright information for `ENQ