a1:12 Ktl 36:15
b1:2Wee 2:8; Mt 4:3, 21:38; Jo 1:3,18; Ga 4:4
c1:3Ap 2:33-34; 2 Ko 4:4,6,18; Kl 1:14-15,17,20; Ip 8:1
d1:4Pl 2:9-11
e1:52 Sam 7:14; 1 Ktl 17:13; Wee 2:7
f1:6Dit 32:43; Wee 97:7; Lo 8:29; Kl 1:15
g1:7Wee 104:4
h1:8-9Wee 45:6-7
j1:10-12Wee 102:25-27
k1:13Wee 110:1; Ap 2:33-35
l1:14Wee 34:7, 91:11; Mt 4:11, 18:10, 26:53; Lu 1:26

Hebrews 1

Goteme baanya Ikiningi doko-kisa naima pii langiana leamo doko

Wamba a  Goteme paa longosa potopesa dupa-kisa kaitini lyaa wakale wakale longonya naimanya yumbange dupa pii lamaiya-pyaa. Dopaka b  doko, yuu gii ete pyoo dakepa baame baanya Ikiningi doko-kisa naima pii langitilyamo. Goteme baanya Ikiningi dokome dupa pitaka nyetamopa lao katena lea-pyaa. Dee baame baanya Ikiningi doko-kisa yuupi kaitipi wapuiya-pyaa. Gotenya c  Ikiningi doko Gote baanya tii pipae dokonya niki lenge joo katenge. Baa Gote waingi tao katenge. Baanya pii pupu lapae dokome dupa pitaka sakatae katenge. Baame koo kuningi kalai doko pyoo etapala baa kaiti-kisa Kiŋi Andake dokonya kingi tolae-kaita katea-pyaa.

Gote Ikiningi dokome enjele dupa ita minao ulusale katengena leamo doko

Goteme d  baanya Ikiningi dokome enjele dupa ita minao baa etete kenge soo katena lea-pyaa. Kenge soo katena leamoliaka pyoo baa etete andake joo enjele dupa ita minao alyasale kalyamo. Doko, e  gii mendepa Goteme enjele mende kandao,

“Indupa nambame emba mandipilyona,
emba nambanya Ikiningina,” nalea-pyaa.
Dee baame enjele mende kandao,

“Namba baanya Takange joo katatona, baa nambanya Ikiningi joo katatana,” naleaka-pyaa.
Dopaka f  doko, Gote baanya Ikiningi wambao mandipae doko dee isa yuu dakenya laminao ipatamo dokonya Goteme lao pituu,

“Gotenya enjele dupa pitakame baa lao tama pipengena,” lea pyaa.
Dee g  Goteme baanya enjele dupanya lao lao pituu,

“Nambame nambanya enjele dupa popotau joo katena lenge.
Dee nambame nambanya kalai pyekenge enjele dupa itate yuli joo katena lengeakana,” lea-pyaa.
Dopaka h  doko, baame baanya Ikiningi dokonya lao dapa lea-pyaa:

“Gote emba Kiŋi doko katawaka katenge.
Embame mana tolatae minao isoo katenge.
Embame tolao katenge mana doko auu kayapala mana setapae yalenge mana doko maka kaee.
Tenge dokonya minao namba embanya Gote dokome emba yapao nyepala
a yapao nyepalaJuta dupame akali mendeme Gotenya kalai andake pina lao yapao nyepala olipi ita dii ipangeme aiyombanya kai pyakamaingima-pyaa.
emba etete mona yaepasiona,
embapa awapa katenge dupa dopa pyoo mona yaepasala nayona,” lea-pyaa.
10 Dee j  baame baanya Ikiningi doko kandao dapa leaka-pyaa:

“Kamongo, embame tee pyao yuu dake setee.
Dee embanya kingi dokome kaiti doko wapuiyaka.
11 Dolapo koyata.

Dopaka doko, emba mee katate.
Yonge pee atingi jili pyoo dupa pitaka atingi jeta.
12 Embame dupa yonge pee ketae pingi dupa lyokao lakengeli piti.

Dupa yonge pee mende lyokao aloo petala mendepale mende pingimali piti.
Dopaka doko, emba mee katengeli pyoo katatenopa
embanya gii doko etala nayatana,” lea-pyaa.
13 Gii k  mendepa Goteme enjele mende kandao lao pituu,

“Emba kandao yandapipi jingima dupa embanya pundipundi katena lato gii dokonya tuu lao emba nambanya kingi tolae-kaita katape,” nalea-pyaa.
14 Enjele l  dupa pitaka Gotenya kalai pyakamaingi sipitisa dupa daape. Baame endakali pyoo nyalanya pilyamo dupa enjele dupame nisala pena lenge.

Copyright information for `ENQ