a10:1Lo 7:7; Kl 2:17; Ip 7:19, 8:5, 10:11
b10:4Ip 9:13
c10:5-7Wee 40:6-8
d10:9Mt 26:39-42; Jo 6:38
e10:10Jo 10:17-18; Ep 5:2; Ip 7:27, 9:12,14,28, 10:12,14
f10:11Eke 29:38; Ip 10:1-4
g10:12Ap 2:33; Ip 7:27, 10:10
h10:12-13Wee 110:1
i10:13Jo 17:19; Ip 1:3
j10:16Ip 8:10
k10:16-17Jet 31:33-34
l10:17Ip 8:12
m10:19Ip 7:19, 14:16
n10:20Jo 14:16; Ip 6:19-20, 9:8,11-12
o10:21Sak 6:11-12
p10:22Lep 8:30; Ese 36:25; Lo 6:4; Ep 5:26; 1 Pi 3:21
q10:231 Ko 1:9; Ip 3:2, 4:14, 11:11
r10:251 Ko 1:8; Ip 3:13
s10:26Ip 6:4-8, 12:17
t10:27Ais 26:11
u10:28Dit 17:6, 19:15
v10:29Eke 24:8; Ip 6:6, 9:20, 13:20
w10:30Dit 32:35-36; Wee 135:14; Mt 12:31-32; Lo 12:19
x10:31Mt 10:28
y10:32Ep 5:14
z10:331 Ko 4:9
aa10:34Mt 5:11,40, 6:20, 19:21,29; Ip 13:3
ab10:36Lu 21:19; Ap 14:22; 1 Te 3:4
ac10:37Ais 26:20; Lu 21:28
ad10:37-38Apa 2:3-4
ae10:38Lo 1:17; Ga 3:11
af10:39Lu 21:19; 1 Pi 1:9

Hebrews 10

Kundi maingi wamba dokome kapa pao koo kunala naya

Opale a  epe maitakao ipanya pilyamo dupa mana setapae dupame naima laitaka pyaakao pyaa naenya, dupanya imambu iki laitaka pilyamo. Ee kana dii lao kundi tata mendaiyaka mailyami dokome kapa pao endakali pii sala epeamino dupa eteteaka auu pisala naenge. Pii sala epeami endakali dupa kundi mendai ikimi etete auu pisiali kandao doko, dupame nyakamanya ingi monapinya koo dupa masala nayao, kundi maingi mana doko kayao piamili. Dopaka doko, ee kana dii lao dupame kundi maingima dokome dupanya koo dupa deaka masina lenge-pyaa. Doko, b  pulumakao maipapi memepi dupanya taiyoko dupame etete kapa pao koo kunala naenge-pyaa.

Dopa c  pianya Kataisa yuunya epeamo gii dokopa baame dapa lea-pyaa:

“Dupame pulumakao akipi pilyami dupapi emba lao kundi dilyami dupa embame auu nakaenge.
Dopaka doko, embame yonge mende namba dyaanya depa lee-pyaa.
Pulumakao akipi dupa itatenya tao mulyina lelyami dupapi koo kunina lao kundi lelyami dupapi dupa embame auu nakaenge.
Dokopa nambame dapa leo:
‘Pii pepa pyapae singi dokonya namba kandao latae silyamoli pyoo
nambame Gote embanya masingili pitoo latala namba ipatelyo,’ leona,” lea-pyaa.
Wambao baame mana setapae watao kundi maingima dokonya lao pituu, “Dupame pulumakao akipi pilyami dupapi, emba lao kundi dilyami dupapi, pulumakao akipi dupa itatenya tao mulyina lelyami dupapi, koo kunanya nepao kundi lelyami dupapi, dupa embame auu nakaengena,” lea-pyaa. Dopa d  latala baame lao pituu, “Nambame Gote embanya masingili pitoo latala ipatelyona,” lea-pyaa. Dopa latala baame mana wambao doko nepatala mana maitakao doko kyoto joo setea-pyaa. 10 Jisasa e  Kataisame Gotenya masiali petala baa tangenya yonge doko kundi joo paa mendai iki maiyamo dokome baame naima etete epe injisia-pyaa.

Kataisanya kundi dokome etete kapa pao koo kunapenge

11 Pitisa f  dupa pitakame toya katapala nyakamanya kalai dupa koteaka lao pingima-pyaa. Dupame kundi maingi kalai tata dokoaka paa longosa pingima-pyaa. Dopa pingimaka doko, kundi maingi dupame etete kapa pao koo kunala naenge-pyaa. 12 Dopaka g, h  doko, Kataisame koo kunalanya paa mendai iki kundi maiyamo dokome koteaka lao kapa pelyamo. Baame dopa petala baa Gotenya kingi tolae dokonya kalyamo. 13 Dopa i  pyoo katao Goteme Jisasanya yandapipi dupa baanya moko pundipundi katasetamo gii doko malisoo kalyamo. 14 Baame etete epe injisiamo endakali dupa koteaka lao auu pyoo katatamina lao baame kundi mendai ikimi auu pisalakao pisia-pyaa.

15 Oli j, k  Sipitisa dokome naima kandao pii dapa langilyamoaka:

“Kamongo dokome lao pituu,
‘Gii dutupa etapatamopa maitakao nambame dupanya pii waka mende dapa lao lao setakamaito:
nambanya mana setapae dupa dupanya monanya setapakaimaitala,
dupanya masinginya pepa pyaanya katakamaito.
17 Dopa l  petala dupame koo pitamipi mana koo minatamipi dupanya nambame deaka masala nayatona,’” lelyamo.
18 Goteme koo kunao nepatatamo kandao doko, deaka koo kunekena lao kundi maipenge kalai nasilyamo.

Naimame masoo minokondape petala Gote tengesa pupenge

19 Dopana, m  kaimia paluma, Jisasanya taiyoko dokome naima kapa pao Gotenya anda etete epe dokonya kolandao pituu paka nakaelyamano. 20 Baame n  lete katenge kaitini mende naimanya lumbekeamo silyamo doko, lapalapa pyatu doko nyoo kapya latala palo eteteaka epe dokonya kolandenge kaitini mende setekea-pyaa. Kaitini doko Jisasa baa. 21 Naimanya o  pitisa mupa doko katao baame naima Gotenya tata doko isilyamo. 22 Baame p  baanya taiyoko dokome naimanya mona dupa wasawasa pyakao naimanya koo tenge masiamano dupa pitaka kunao nepekea-pyaa. Baame endaki auu petae dokome naimanya yonge kaimbu pyekea-pyaa. Dopana, naimame naimanya monanya masingi koo dupa pitaka soo nepatala Gote lao masoo minalakao minatala baa tengesa mona. 23 Naimame q  masoo malisoo kalyamano dokonya lao pii lao panenge doko mona lapo napaliuu minalakao minamana. Doko, Goteme pitona lateamo dupa pitaka kiningi etete baame pita. 24 Dee naimame naimanya mende lao masa masa petala dupame auu kaenge mana watao minao pituu mana epe minina lao sakatasemanaka. 25 Endakali r  mendapuame pingimali pyoo naimame kaiminingi dupa-pipa kambu pingi mana doko yakinala nayamana. Naimame dupanya mona minao kyoto injisoo katamana. Kataisa dee ipupenge gii doko tengesa petelyamona lao masetala eteteaka kyoto injisoo katamana.

Gote Ikiningi doko naimame maita maiya nayamana

26 Naimame s  Kataisanya kiningi pii doko mana nyepala maitakao naima tangeme koo pyuani kayao pitamano kandao doko, koo doko kunina lao naimanya kundi maipenge mende etete nasilyamo. 27 Naimame t  dopa pitamano kandao doko, naima etete pakame kumao Goteme naima yapatamo dokopa Gotenya yandapipi dupa pitaka tao mulyingima itate etete itaita pipae dokopa dolapo malisoo katapenge jilyamo. 28 Mana u  setapae Goteme Mosese maiyamo dupa endakali mendeme angotamopa endakali lapomapi tepomapi mendeme baa kandatala koo pitamo doko lao pantamino kandao dokopa, endakali doko kondo nakayao kumasepenge. 29 Dopana, v  Gote Ikiningi doko maita mailyamo endakali doko kandao nyakamame aipa lao masilyamipi? Endakali doko baa eteteaka kenda pipae nyeta. Kataisanya taiyokome pii lao setapae dokome endakali doko eteteaka epe injisia. Dopa piamoaka doko, endakali dokome taiyokome pii lao setapae doko mee injisetala mona epe palenge Sipitisa doko kandao etete mana koo minilyamo. 30 Pii w  leamo akali dokome lao pituu, “Koo pinginya yanu nyingi doko nambana, nambame yanu pyatona,” lea-pyaa. Dee baame lao pituu, “Kamongo dokome baanya endakali dupa yapatona,” leamo doko masilyamano. 31 Gote x  lete katenge dokome endakali yanu nyetopa lao masepeta katatamo kandao doko, etete paka kayapenge mende lamo.

Masoo miningi dokonya naima kyoto joo katapenge

32 Dopaka y  doko, wamba nyakamame Gotenya tii pipae nyiamino gii doko dee masalapape. Gii dokopa nyakama endakalimi lekeleke andake tasiaminopa tanda longo nao pituwapi kyoto joo kateami. 33 Gii z  mendapuanya dupame nyakama endakali pitakanya enombasa katatala pii koo lao nyakama kenda pisiami. Dee gii mendapuanya kenda pipae dopale nyiami endakali dupa-pipa nyakama awapa nyiami. 34 Nyakamame aa  anjetae paleami endakali dupa kondo leami. Dee nyakamanya oapi dupa nyiaminopa nyakamame mona yaepatala nyina kayami. Doko, nyakamame nyakamanya angi etete doko mee silyamo doko koteaka lao setana lao maseteami. 35 Dopana, nyakamame nyakamanya masoo miningi kyoto doko yakinala nayalapape. Dokonya yole andake doko silyamo. 36 Nyakamame ab  Gotenya masilyamoli pimana lawapi baame opale nyetami lateamo dupa nyemana lawapi nyakamame maka nakayao kyoto joo kalyepape. 37 Gii ac, ad  kuki iki sepatamopa akali ipanya pilyamo doko malisala nayao ipata. 38 Dopaka ae  doko, masoo miningi dokonya-kaita Goteme nambanya tolataena lelyamo endakali doko lete etete katata. Baa paka setamo kandao doko, nambame baa kandao mona koo palyeto. 39 Dopaka af  doko, naima paka sowapi koyatama endakali daa. Naima masoo miningi endakali dupa pyoo nyepae kalyamano.

Copyright information for `ENQ