a13:1Jo 13:34
b13:2Jen 18:1-8, 19:1-3; Isi 6:11-24, 13:3-23; Lo 12:13; 1 Pi 4:9
c13:3Mt 25:36; Ip 10:34
d13:4Ep 5:5-6; Pl 4:12
e13:5Dit 31:6,8; Jas 1:5; 1 Ti 6:8
f13:6Wee 27:1-3, 118:6; Lo 8:31-39
g13:71 Ko 4:16; 2 Te 3:7; Ta 1:5; Ip 6:12
h13:8Wee 102:27; Ep 4:14
i13:9Lo 14:17; 1 Ko 8:8
j13:11Lep 16:27; Nam 19:3; Ip 10:4
k13:12Mt 21:39; Jo 19:17,20
l13:13Ap 7:58; Ip 11:26, 12:2
m13:141 Ko 7:29-31; Pl 3:20; Ip 11:10,14-16, 12:22
n13:152 Ktl 29:31; Wee 50:14,23; Osi 14:2
o13:16Pl 4:18
p13:17Ese 3:17; 1 Ko 16:16; 1 Te 5:12
q13:18Ap 24:16; Lo 15:30; 2 Ko 1:12; Ep 6:19; Kl 4:3; 1 Te 5:25; 2 Te 3:1
r13:19Pl 2:24; Pm 22
s13:20Ais 55:3; Jet 32:40; Ese 34:1, 37:26; Sak 9:11; Jo 10:11; 1 Pi 2:25, 5:4
t13:21Lo 16:27; Pl 2:13
u13:23Ap 16:1

Hebrews 13

Naimame naimanya kaiminingi dupa auu kayamana

Nyakamame a  koteaka lao kaiminingi dupa auu kayalapape. Nyakamame b  endakali opone dupa kayala nayao nisalapape. Doko, mendapuame dopa piaminopa enjele mendapua nisiami-pyaa. Dupame enjele lamo lao masala nayao endakali lamo lao masiami-pyaa. Kaiminingi c  mendapua anjetae palelyamino dupa-pipa nyakama apata anjetae palelyamanona lao masalapape. Mendapu tanda nao kalyamino dopale joaka nyakama tanda nelyamanona lao masalapape. Nyakamame d  endakalipa tole pyao petenge mana doko epena lao masalapape. Nyakamame endakalipa tole pingi mana doko minao koyasala nayalapape. Mana doko koyasilyamipi kepo kolelyamipi dupanya Goteme yapata. Nyakamame e  muni putiti nakayalapape. Opale nyakama-kisa silyamo dupa nyakamame yakana lao masalapape. Doko, Goteme lao pituu, “Nambame emba yakinala nayato. Nambame emba maita dyaa nayato, etete daana,” latea-pyaa. Dopana, f  naimame naimanya mona kyoto jetala dapa lamana:

“Kamongome namba nisingina nambame paka nakayato.
Endakali dupame kapa pao namba mende napitami daana,” lamana.

Naimame isingi akali wambatae dupanya mana watao minamana

Nyakamame g  nyakamanya isingi akali dupame Gotenya pii langiamino dupa masalapape. Dupanya kaitini payamino dokonya dii mendeamo dupa masalapape. Nyakamame doko masetala dupame masoo miniaminoli pyoo masoo minalapape. Jisasanya h  mana doko wambapi indupapi koteaka lao mendai dopaleaka. Mana i  pii tata waka longo dupame nyakama pyalya lao nyina lao kayala nayalapape. Gotenya mona epe palenge dokome nyakamanya mona dupa kyoto injisakatamo doko epe. Nee nenge dokonya mana dupame nyakamanya mona dupa kapa pao kyoto injisakala nayata. Mana dupame mana watao miningi endakali dupa nisala naya-pyaa.

Kundi tata Goteme auu kaenge dupa

10 Naimanya olata toko doko kalyamo. Losuu anda seleme petae dokonya kalai pingi pitisa dupame kapa pao olata toko dokonya nee setapae nanengema. 11 Pitisa j  mupa dokome pulumakao akipi dupanya taiyoko dupa nyoo minao palo eteteaka epe dokonya koo kunikena lao kundi maiya penge. Dopaka doko, angi dupa kame dokonya kamalya tena ita yangatala tao mulyina lao soo yangenge-pyaa. 12 Dopa k  pingi dokonyana, Jisasame baanya taiyoko dokome endakali dupa etete epe injisalanya taono kame dokonya kamalya pupala tanda nyia-pyaa. 13 Dopana, l  baame piamoli pyoo naima baa tengesa pao pituu taono dokonya kamaka pupala elya sepenge. 14 Yuu m  dakenya naimanya taono tanga tangapi sulu seta mende nasingi. Dopaka doko, taono maitakao ipupenge doko kutilyamano. 15 Dopana, n  naimame koteaka lao Jisasanya kenge doko lao Gote kundi maili lao tama pimana. Jisasa panasoo endakali pii lamailyamano dokome Gote tama pimana. 16 Nyakamame o  endakali dupa kandao mana epe minapenge doko kayala nayalapape. Nyakama-kisa opale silyamo dupame endakali daa jilyamo dupa nisoo mokosoo maiyepape. Dopa pyoo kundi maingi mana doko Goteme etete auu kaenge.

17 Nyakamanya p  isingi akali dupame maka nakayao nyakamame Gote yakinala nayalapale lao isoo katapala, dupame pingima dupa maitakao Gote lamaipenge. Dupame mona yaepao kalai petala mona kenda nakaenalena nyakamame dupanya pii watao minatala dupanya pundipundi kalyepape. Mana dutupame nyakama niseta.

Mende nisa nisa pyoo loma singi doko

18 Nyakamame q  naima lao masetala Goteme nisina lao loma salapape. Naimame naimanya mona doko Gotenya enomba dokonya tolatae palengena lao masilyamano. Naimame koteaka lao kaitini tolao payawani kaenge. 19 Namba r  nyakama katatamisa yapa ipatona, Goteme namba nisina lao nyakamame loma salapape lao nambame nyakama mona sakatasakao lelyo.

20 Mona s  lyuu lasingi Gote dokome naimanya Kamongo baa Sipisipi Setao Katenge Akali Mupa doko malunya sakatasia-pyaa. Jisasa kumiamo tenge dokome pii latae singi. Pii latae siamo singi dokome lengeli pyoo Goteme Jisasa sakatasia-pyaa. 21 Nyakamame t  Gotenya masingili pyepale lao baame nyakamanya mana dupa pitaka auu pisekena. Dokopa baa tangeme mana auu kaenge dupa Jisasa Kataisa-kisa naimanya kainanya sakatasina. Naimame tanga tangapi Jisasa Kataisa lao lalyepenge. Kiniaka.

Etao lasa leamo pii dupa

22 Kaimia paluma, nambame nyakamanya mona kyoto jakatoo lao pii lelyo dake kale katao salapape lao nambame nyakama sakatasilyo. Nambame pii muu pipae atupa iki pepa pyekelyo. 23 Naimanya u  kaiminingi Timoti mokeaminopa baa dee anjetae napaleamo doko masalapape. Baa namba kalyosa yapa ipatamo kandao doko, nalimba lapotame ipao nyakama kandatamba.

24 Nyakamame nyakamanya isingi akali dupa pitakapi Gotenya endakali dupa pitakapi dupa auu pyoo katena lamaiyakalapape. Itali tange sosa dupame nyakama auu pyoo kalyepape lelyamino.

25 Goteme nyakama pitaka kandao mona epe palena.

Copyright information for `ENQ