a15:1Ais 5:1-7; Ese 19:10; Mk 12:1-9
b15:2Mt 15:13; Jo 15:16; Lo 11:17
c15:3Jo 13:10
d15:4Jo 6:56-57; 1 Jo 2:6
e15:5Dit 8:17; Wee 127:1; Jo 15:16; 2 Ko 3:5
f15:6Ese 15:1-8, 19:12; Mt 3:10, 7:9, 13:30,40,42
g15:7Mt 7:7; Jo 14:13, 16:23; Je 1:5; 1 Jo 5:14
h15:8Mt 5:16; Lo 6:22, 7:4
i15:10Jo 8:29, 14:15; 1 Jo 2:5, 5:3
j15:11Jo 3:29, 16:21-22, 17:13; 1 Jo 1:4
k15:12Jo 13:34, 15:17; 1 Jo 3:23; 2 Jo 5
l15:13Jo 10:11; Lo 5:6-8; 1 Jo 3:16
m15:14Mt 12:50
n15:15Lo 8:15; Ga 4:7
o15:16Dit 7:6; Mt 13:23, 18:19; Jo 6:70, 13:18, 14:13, 15:2,5, 16:23; 1 Jo 4:10
p15:17Jo 13:34; 1 Jo 3:23, 4:21
q15:18Mt 10:22, 24:9; Jo 7:7; 1 Jo 3:12-13
r15:19Jo 17:14-16; 1 Jo 4:5
s15:20Mt 10:24-25; Lu 6:40; Jo 13:16; Ap 4:17; 1 Ko 4:12; 1 Pi 4:14
t15:21Mt 5:11; Mk 13:13; Jo 8:19, 16:3; Ap 5:41; 1 Jo 3:1
u15:22Jo 9:41, 16:9
v15:23Lu 10:16; Jo 10:30
w15:24Mt 10:25; Jo 6:36
x15:25Wee 35:19, 69:4
y15:26Mt 10:19-20; Jo 14:16,26, 16:7; Ap 5:32; 1 Jo 1:20, 5:7
z15:27Mt 10:18; Lu 1:2, 22:28; Jo 19:35, 21:24; Ap 1:8; 1 Jo 4:14

John 15

Getepe tenge doko Jisasa

Dee a  Jisasame lao pituu, “Getepe tenge angi doko namba. Getepe ee isingi doko nambanya Takange doko. Nambanya b  wangya dupanya dii manja naenge doko pitaka baame kepao nepenge. Dii mandenge wangya doko pitakame dii epao mandena lao baame wasoo auu pisingi. Nambame c  pii langingi dupame nyakama wasoo auu petelyamo. Namba d  nyakama-pipa pakatae katatona nyakama namba-pipa pakatae kalyepape. Getepe wangya mende getepe tenge dokonya nakatatamo dokome kapa pao dii mende baa tangeme manja nayata. Dokaita joo nyakama namba-pipa pakatae kalya nayatamino doko dii mende manja nayatami.

“Getepe e  tenge doko namba. Wangya dupa nyakama. Endakali mende namba-pipa pakatae katelyamopa namba baa-pipa pakatae katelyo endakali dokome dii longo lao mandenge. Doko, nyakamame namba yakinatamino doko, nyakamame kapa pao opale mende napitami. Endakali f  mende namba-pipa pakatae nakatatamo doko, getepe wangya kepao netesa nepatae sapupelyamopa nyoo elyambu petala itatenya soo yangengesa tao molyingili pita. Nyakama g  namba-pipa pakatae katataminopa nambanya pii dupa nyakama-kisa salakao setamo kandao doko, nyakamame opale mende tee latamino doko lataminoli pyoo nyakama-kisa pita. Nyakamame h  dii longo lao mandyuu nambanya disaipele joo katamino dokome nambanya Takange doko lalyetelyamino. Takange dokome namba auu kaengeli pyoo nambame apata nyakama auu kaelyoaka. Dopana, nyakama nambanya auu kaenge dokonya kalyepape. 10 Nambame i  nambanya Takangenya mana setapae dupa watao minatala baanya auu kaenge dokonya katenge. Dopaka pyoo nyakamame nambanya mana setapae dupa watao minatamino kandao doko, nyakama nambanya auu kaenge dokonya katatami.

11 “Nambame j  nyakama pii langingi dupa, nambanya mona yaepenge doko nyakama-kisa setamopa nyakama etete mona yaepao kalyepale lao langingi. 12 Nambanya k  mana setapae doko dapa: nambame nyakama auu kaelyoli pyoo, nyakamame nyakama tangelapo mende auu kaya kaya pyoo kalyepape. 13 Endakali l  mendeme baanya kaita miningi dupa nisoo kumilyamo mana dokome auu kaenge mana waka dupa pitaka ita miningi. 14 Nambame m  nyakama pyepa lato dupa pitamino kandao doko, nyakama nambanya kaita miningi joo katatami. 15 Nambame n  nyakama kendemanena dee nalapenge. Doko, kendemane dokome baanya akali andake dokome pilyamo doko nakandenge. Dopaka doko, nambame nyakama nambanya kaita miningina leo. Doko, nambame nambanya Takange-kisa pii sio dupa pitaka nyakama langio. 16 Nyakamame o  namba yapao nanyiami. Nambame nyakama yapao nyio. Nambame nyakama yapao nyoo katasio doko, nyakamame pupala dii manjepale lao pio. Dopana, nyakamame koteaka lao dii mandyuu katao namba lao masetala opale mende nambanya Takange-kisa tee latamino doko baame nyakama dita. 17 Nambame p  nyakama dapa pyepape lelyo: nyakamame mende auu kaya kaya pyoo kalyepape,” lea.

Yuunya endakali dupame yandapipi jetamina Jisasame leamo doko

18 Jisasame q  lao pituu, “Yuunya endakali dupame nyakama yandapipi jiami kandeno doko, wambao dupame namba yandapipi jingima doko masalapape. 19 Nyakama r  yuunya endakali pili kandao doko, dupame nyakama tatana lao auu kayapimili. Dopaka doko, nyakama yuunya endakali daa. Nambame nyakama yuunya endakali dupanya kaina dokonya yapao nyio tenge dokonya dupame nyakama yandapipi jetami. 20 Nambame s  nyakama pii langio datupa masalapape: kendemane mendeme baanya akali andake doko ita naminingi. Dupame namba watao piami tamo kandao doko, nyakama apata watao pyatamiaka. Dupame nambanya pii doko watao miniami tamo kandao doko, nyakamanya pii doko apata watao minatamiaka. 21 Dopaka t  doko, namba puu leamo doko dupame nakandengema dokonya, nyakamame namba watao payataminosa dupame mana dutupa pitaka nyakama-kisa minatami. 22 Nambame u  ipupala dupa pii lamaiya nayoli kandao doko, dupa-kisa koo nasipyali. Dopaka doko, indupa dupame nyakamanya koo dokonya pii mende lapenge nanjilyamo. 23 Namba v  yandapipi jetamo endakali dokome nambanya Takange doko apata yandapipi jetaka. 24 Kalai w  tata endakali waka dupame napiami nambame dupanya kainanya pilyo dupa napipuli kandao doko, dupa-kisa koo nasipyali. Dopaka doko, indupa dupame kandatala nambapa nambanya Takangepa nalimba lapota yandapipi jilyamino. 25 Gotenya x  pii pepa pyapae itaki pilyamino dokonya, ‘Namba kandao mee yandapipi jetamina,’ lapae singi pii doko angi jina lao dupame pipenge pilyamino.

26 “Nyakama y  nisingi doko Takange-kisa katao ipatamo dokopa, nambame Takange-kisa katao nyakama-kisa epena lato. Epena lato doko baa kiningi lenge Sipitisana, dokome nambanya lao nyakama pii langita. 27 Dokopa z  nyakamame apata pii lamaitamiaka. Doko, nyakama namba-pipa tee pyao kateamino doko kalyaminona,” lea.

Copyright information for `ENQ