a16:2Ais 66:5; Mt 10:17, 24:8; Lu 6:22, 21:12; Jo 9:22; Ap 26:9-11; 1 Ti 1:13
b16:3Jo 15:21
c16:4Mk 13:23; Jo 13:19, 14:29, 17:12
d16:5Jo 7:33, 13:36, 14:5
e16:6Jo 14:1
f16:7Jo 14:16,26, 15:26
g16:9Jo 3:18, 8:21-24, 15:22
h16:10Ap 3:14, 5:31, 7:52; Lo 4:25; 1 Ti 3:16; 1 Pi 3:18
i16:11Jo 12:31
j16:121 Ko 3:1-2
k16:13Jo 14:26; 1 Jo 2:27
l16:14Jo 7:39
m16:15Jo 17:10
n16:16Jo 7:33, 14:19
o16:19Jo 16:30
p16:20Wee 126:6; Jo 20:20; Ip 12:11; 1 Pi 1:6; Pa 11:10
q16:21Ais 26:17, 66:7-14; Jet 31:13; Osi 13:13; Mai 4:9-10; 1 Te 5:3
r16:22Jo 14:19, 15:11, 20:20
s16:23Jo 14:13,20
t16:24Jo 14:14, 15:11
u16:25Mt 13:34-35; Jo 10:6
v16:26Jo 14:13
w16:27Jo 14:21,23
x16:30Jo 16:19
y16:32Sak 13:7; Mt 26:31,56; Mk 14:27; Jo 8:29
z16:33Jo 12:31, 14:27,30, 15:18; Lo 5:1; 2 Ko 2:14; 2 Ti 3:12; 1 Jo 2:14; Pa 3:21

John 16

Dee Jisasame lao pituu, “Nambame nyakama pii dopa langyo doko nyakamanya masoo miningi doko yakinala nayalapale lao langitilyo. Dupame a  nayakamanya losuu anda dupanya nyakama watao pyatami. Kini, tanga gii doko ipatamo dokopa nyakama pyao kumasetamo endakali doko pitakame Gote kundi maiyoo Gotenya kalai pyakamailyona lao maseta. Dupame b  dutupa pitami doko, Takangepi dee nambapi nakandengema dokonyana pitami. Dopaka c  doko, nambame pii dutupa nyakama langilyo doko, tenda dutupa pipenge gii doko ipatamo dokopa nyakamame dutupa dee masetaminopa lao langitilyo. Dutupa tee pyao nambame nyakama langya nayo doko, namba nyakama-pipa awapa katao dokomena langya nayo.

Oli Sipitisanya kalai doko

“Indupa d  namba puu leamo doko katatasa paanya pilyo. Dopa pipu dokopa nyakamanya mendeme, ‘Emba anja patepe?’ lao pisala naelyamino. Daa, e  nambame nyakama pii langyo dokonya nyakama etete mona kenda kaelyamino. Dopaka f  doko, nambame nyakama kiningi langilyona, nyakama yakinatala pato dokome nyakama niseta. Nambame nyakama yakinatala napato kandao doko, nisingi doko nyakama-kisa naipata. Dopaka doko, namba pato doko pupala baa epena lato. Baa ipatamo doko ipupala yuunya endakali dupame koo dokonya koelyamano lawapi, mana tolatae dokonya koelyamano lawapi, Goteme kosa lao mokosetamo dokonya koelyamano lawapi kandena lao panaseta. Dupame g  namba lao masoo minala naelyamino dokonya dupa koo dokonya koyatami doko panaseta. 10 Namba h  Takange katatasa patopa nyakamame namba dee nakandataminosa mana tolatae dokonya koyatami doko panaseta. 11 Kosa i  dokonya baame dapa pyoo tenge panaseta: yuu dakenya isingi doko kosanya alu petelyamo.

12 “Nambame j  nyakama opale longo langipenge mee silyamo. Dopaka doko, indupa nyakamame kapa pao soo masala nayalapimino. 13 Dopaka k  doko, kiningi lenge Sipitisa doko ipupala dokopa baame nyakama kiningi pii dupa pitakanya kaita laitaka pita. Baame nyakama pii langitamo dupa baa tangeme masoo langya nayata. Daa, baame pii singi dupapi dee tenda pita dupapi dupa nyakama langita. 14 Baame l  namba-kisa pii nyepala nyakama langitamo dokome namba lalyeta. 15 Takange m  dokonya singi dupa pitaka nambanya. Tenge dokonya minao baame namba-kisa pii nyepala nyakama langitana lelyo.

Mona kenda kaenge dokopa mona yaepenge dokopa

16 “Gii n  kuki mende patatamopa nyakamame namba dee nakandatami. Gii kuki mende patatamopa nyakamame namba deaka kandatamina,” lea. 17 Dopa leamosa baanya disaipele dupanya mendapuame nyakamalapo lao pituu, “Baame naima kandao, ‘Gii kuki mende patatamopa nyakamame namba dee nakandatamina,’ lelyamo. ‘Gii kuki mende patatamopa nyakamame namba deaka kandatamina,’ lelyamo. Dee baame baa Takange katatasa patona lelyamoaka doko aipa lao masoo lelya kanjemape?” leami. 18 Dupame lao pituu, “Baame gii kuki mende patatamopa lelyamo doko aipa lelyape? Baame aki lelyape naima baanya pii tenge doko nasilyamanona,” leami. 19 Dupame o  Jisasa baa pisipuma laka lao masiamino kandatala baame dokaita lamaiyoo, “‘Gii kuki mende patatamopa nyakamame namba dee nakandatami. Gii kuki mende patatamopa nyakamame namba deaka kandatamina,’ lalo dokonya nyakamalapo mende pisa pisa pilyamipi? 20 Nambame p  nyakama etete kiningi langilyona, nyakama ee lao yamataka latami. Dopa pitamiaka doko, yuunya endakali dupa mona yaepatami. Nyakama mona kenda kayatamiaka doko, mona kenda kayatami doko kapilyetala mona yaepenge jeta. 21 Enda q  mende wane maita pilyamo dokopa baanya wane mandipenge gii doko ipatelyamo dokonya baa mona kenda kaenge. Dopa pingiaka doko, wane doko mandipala dokopa, baa tanda nelyamo dupa kame setala wane doko mandipala mona yaepenge. 22 Dopana, r  indupa nyakama apata mona kenda kaelyamino. Dopa pilyaminoaka doko, nambame nyakama dee ipao kandato dokopa nyakama mona yaepatami. Endakali mendaipi mendeme nyakamanya mona yaepatami doko aloo pyakala nayata. 23 Dee s  gii dokopa nyakamame namba-kisa opale mendaipi mende pisala nayatami. Nambame nyakama etete kiningi langilyona, nyakamame Takange-kisa opale mende tee latamino kandao doko, baame namba lao masetala nyakama dita. 24 Wamba t  pituu indupa tuu lao namba lao masetala nyakamame opale mende tee laa naengema. Nyakamame nyetamina tee laapape. Dopa petala nyakama etete mona yaepatami.

Jisasame isa yuu dake ita minatea

25 “Pii u  dutupa nambame nyakama kongali lao langitilyo. Tenda gii mende ipatamo dokopa nambame dee kongali lao langya nayato. Daa, nambame Takangenya lao lao panao nyakama pii langito. 26 Gii v  dokopa nyakamame namba lao masetala Takange-kisa tee latami. Nyakama Takangeme nisina lao nambame tee latona nalelyo. 27 Doko, w  nyakamame namba auu kayawapi dee namba Gotepa tole katao epeena lao masoo minawapi pingima dokonya Takange tangeme nyakama auu kaenge. 28 Namba Takangepa awapa katao baa yakinatala isa yuunya epeo. Dee nambame isa yuu dake yakinatala Takange katatasa patona,” lea.

29 Dokopa baanya disaipele dupame baa lamaiyoo, “Kini, indupa embame kongali lao nalelenona panao leleno. 30 Embame x  dupa pitaka kandenge dokona mendeme emba pisina lao kalya naenge lamo lao indupa naimame kandelyamano. Tenge dokonya emba Takangepa awapa katao epee lamo lao masoo minilyamanona,” leami. 31 Jisasame dokaitanya pii yanu pyao, “Indupa nyakama masoo minilyamipi? 32 Kandeleno! y  Yuu gii ipatamo doko indupa ipatelyamona, nyakama nyakamanya yuu tenge dupanya wakale wakale pupale lao pyao watatami. Nyakamame namba yakinatala pataminopa namba iki katato. Dopaka doko, namba iki kalya naelyo. Takangepa awapa kalyambano. 33 Nambame z  nyakama pii dutupa langilyo doko, nyakamanya mona doko namba-kisa lyuu lao setamopa lao langitilyo. Isa yuunya nyakama-kisa kenda pipae setaka doko, nambame isa yuu dake ita minatelyona, nyakama mona yaepao kalyepape,” lea.

Copyright information for `ENQ