a3:1Jo 7:48,50-52, 12:42-43, 19:39
b3:2Mt 22:16; Jo 2:11, 7:31, 9:16,33, 10:21; Ap 10:38
c3:3Mt 18:3; Jo 1:13; Je 1:18; 1 Pi 1:23; 1 Jo 3:9
d3:5Ese 36:25-27; Lo 8:9; Ep 5:26; Ta 3:5
e3:6Jo 1:13; 6:63; 1 Ko 15:44-50
f3:8Ekl 11:5; Ese 37:9; Ap 2:2
g3:11Ais 50:4; Mt 11:27; Jo 1:4,12,18, 3:32,34, 5:24, 7:16,43, 8:14,26,28,31
h3:12Lu 22:67; Jo 6:60-62; Pl 3:19-20
i3:13Pot 30:4; Jo 1:18, 20:17; Lo 10:6; Ep 4:8-9
j3:14Nam 21:9; Jo 8:28, 12:32,34
k3:15Jo 20:31
l3:16Jen 22:1-19; Sak 12:10; Mt 21:37; Jo 3:36, 10:28; Lo 5:8, 8:32; 1 Jo 4:9-10
m3:17Lu 19:10; Jo 4:42, 5:22, 8:15, 12:47; Ap 17:31; 2 Ko 5:19
n3:18Jo 3:36, 5:24; Ap 4:12
o3:19Wee 52:3; Jo 1:4-5,9, 8:12; Ep 5:11
p3:20Jop 24:13-17; Ep 5:13
q3:21Mt 5:14-16; 1 Jo 1:6
r3:22Jo 4:1-2
s3:24Mt 14:3; Mk 1:14, 6:17-18; Lu 3:20
t3:26Jo 1:26-34
u3:27Jo 19:1; 1 Ko 4:7; 2 Ko 3:5; Ip 5:4
v3:28Mt 11:10; Lu 3:15; Jo 1:20,23
w3:29Mt 9:15, 11:10, 25:1; Mk 2:19-20; Jo 15:11
x3:31Jo 3:12-13, 8:23; 1 Jo 4:5
y3:32Jo 3:11
z3:33Jo 8:26; 1 Jo 5:10
aa3:34Jo 1:32
ab3:35Mt 11:27, 28:18; Lu 10:22
ac3:36Mt 3:7; Jo 3:16-18, 5:24, 9:41

John 3

Jisasapa Nikotimasapa

Akali a  Nikotimasa lenge Jutamanya isingi akali Patasi mende katea. Akali b  dokome kuka gii mendepa Jisasa peteasa ipupala lao pituu, “Mana Lenge Akali, naimame emba Goteme mana lenge akali doko ipu leana lao masilyamano. Gote endakali mendepa nakatatamo kandao doko, endakali dokome kapa pao embame kongali pilino dopale mende napitana,” lea-pyaa. Dopa c  leamopa Jisasame baanya pii yanu pyakamaiyoo lao pituu, “Nambame emba etete kiningi langilyona, endakali mende dee ŋaŋa joo manja nayatamo kandao doko, Gotenya isingi doko kapa pao nakandatana,” lea-pyaa. Dokopa Nikotimasame baa pisoo, “Endakali lyanga jepae mende aipa petala dee ŋaŋa joo mandipengepe? Dee endangimi ŋaŋa joo lapo pyoo mandena lao ingi andaka kapa pao pilyetape?” lea-pyaa. Dopa d  leamopa Jisasame yanu pyao, “Nambame emba etete kiningi langilyona, endakali mende endakipa Oli Sipitisa dokopame dee ŋaŋa joo manja nayatamo kandao doko, Gotenya isingi dokonya kapa pao napata. Endakalimi e  endakaliaka mandenge. Oli Sipitisame sipitisaka mandenge. Nyakama dee ŋaŋa joo mandipenge langilyo pii dutupa sepala emba mona andala nayape. Poo f  dokome poo lao patoo lao masilyali pyoo lao pelyamopa embame poo lelyamo doko singi. Dopaka doko, angi anja pituu lelyape, anja lao pelyape lao nakandenge. Dokotekee joo, Oli Sipitisame mandelyamo endakali dupa pitaka mendai dopaka pingina,” lea-pyaa. Dopa leamopa Nikotimasame yanu pyao, “Leleno dupa aipa petala kapa pao pitape?” lea-pyaa. 10 Jisasame yanu pyao baa lamaiyoo, “Emba Isataelemanya mana lenge akali doko embame pii dutupa masala naelepe? 11 Nambame g  emba etete kiningi langilyona, naimame masingipi kandengepi dupaka nyakama langipumanopa, pii langipumano doko nyakamame nyala naelyamino. 12 Nambame h  nyakama yuunya mana dupa langipupa masoo minala naelyamino doko kaitinya mana dupa langito kandao doko, aipa petala masoo minatamipi? 13 Endakali i  mendaipi mende kaiti-kisa napea. Napeamoaka doko, Endakalinya Ikiningi kaiti-kisa katao isa epeamo doko iki pea.

14 “Wamba j  Moseseme endakali napalenge yuu dokonya kanopato doko minalyia-pyomo mendai dopaka pyoo Endakalinya Ikiningi doko minalyepenge. 15 Baa k  lao masoo minata endakali doko pitaka lete etete katena lao dopa pipenge. 16 Dopana, l  Goteme yuunya endakali dupa etete auu kayamo dokome kapa lao baanya Ikiningi mendai iki doko maiya. Doko lao masoo minatamino endakali doko pitaka alu napyoo lete katawaka katataminopa lao maiya. 17 Goteme m  baanya Ikiningi dokome yuunya endakali dupa-kisa tenge setena lao yuunya pena laa naya. Daa, yuunya endakali dupa pyoo nyina lao pena lea. 18 Baa n  lao masoo minilyamo endakali doko-kisa baame tenge setala naenge. Baa lao masoo minala naelyamo endakali doko-kisa baame tenge setapae katenge. Doko, baame Gotenya Ikiningi mendai iki doko lao masoo minala naelyamosa dopa pingi. 19 Tii o  pipae doko yuunya ipateamoaka doko, endakalimi mana koo miningima dokome tii pipae doko auu nakaenya, iminjetae doko auu kayamino dokonya dupa-kisa tenge setapae kalyamo. 20 Mana p  koo miningi endakali doko pitakame tii pipae doko yanda pimaiyoo tii pipae dokonya napenge. Doko, aopyoo latala baanya mana miningi dupa tii pipae dokome panasakatame lao napenge. 21 Dopaka q  doko, kiningi mana miningi endakali dokome Gote-pipa pakatae katao mana minilyamo dupa endakalimi kandena lao tii pipae dokonya pengena,” lea-pyaa.

Jone Kaimbu Pingi dokome Jisasanya lao lao paneamo doko

22 Maitakao r  Jisasa baa baanya disaipele dupa-pipa Jutia yuu dokonya pea. Pupala yuu dokonya yuu gii mendatupa dupa-pipa katapala endakali dupanya kaimbu pyakamaiya. 23 Joneme apata Selima tengesa Ainone yuu dokonya endakali dupanya kaimbu pyakamaiyaka. Yuu dokonya endaki longo epeamosa Jone baa dokonya kateamopa endakali dupa baa kateasa epeaminopa dupanya kaimbu pyakamaiya. 24 (Jone s  anjetala nayaminopa dopa pia.)

25 Yonge kaimbu pingi dokonya lao Jonenya disaipele dupa-pipa Juta mendepinya kainanya pii mende yaka lea. 26 Dokopa t  dupame Jone kateasa pupala baa lamaiyoo, “Mana Lenge Akali, wamba akali mende embapa awapa endaki Jotane omotena kateambinopa, embame baanya lao pii lao paneeno akali dokome endakali dupanya kaimbu pyakamaipumopa, endakali pitaka baa-kisa pelyaminona,” leami-pyaa. 27 Dokopa u  Joneme yanu pyao, “Gote dokome opale mende endakali mende maiya nayatamo kandao doko, tangeme kapa pao nanyeta. 28 ‘Namba v  Kataisa doko daana akali doko ipatana lao namba wambao Goteme puu leana,’ leo doko nyakama tangeme masilyamino. 29 Akali w  mendeme enda mende kelyapelyamo dokopa enda doko baanya etanengena lao petenge. Dopaka doko, akali dokonya kaita miningi dokome tengesa dosa katao enda lanyetamo akali dokonya pii sepala, baa mona yaepenge dokotekee doko namba etete mona yaepelyo. 30 Baa etete alyasale joo katatamopa namba etete anasale joo katapengena,” lea-pyaa.

Ketae katao isa epeamo dokonya leamo doko

31 Ketae x  katao epeamo akali doko dupa pitakanya alyasale. Yuunya akali doko baa yuunya endakali dokomena yuunya dupanyaka lenge. Kaitinya katao epeamo akali doko dupa pitakanya alyasale. 32 Baame y  kandeapi siapi dupa lamaipumopa pii lamaipumo doko endakali mendeme nyoo minala naelyamo. 33 Baanya z  pii doko nyoo miningi endakali dokome Gote kiningina lao laitaka pingi. 34 Goteme aa  pena leamopa epeamo akali dokome Gotenya pii doko lamaingi. Doko, Goteme baanya Sipitisa doko kuki kuki lao maiya nayao pitaka maingi. 35 Takange ab  dokome Ikiningi doko auu kayapala dupa pitaka baanya kingilyaka setea-pyaa. 36 Ikiningi ac  doko lao masoo minilyamo endakali doko lete etete kalyamo. Ikiningi dokonya pii watao naminilyamo endakali doko lete nakatata. Endakali dopale doko-kisa Gotenya imbutongo mandenge doko sulu soo singi.

Copyright information for `ENQ