a7:1Mk 9:30; Jo 5:18, 11:54
b7:2Eke 23:16; Lep 23:34; Nam 29:12; Dit 16:13,16; Sak 14:16-19
c7:3Mt 5:15, 12:46; Mk 3:21,31
d7:5Mt 13:55; Ap 1:14
e7:6Mt 26:18; Jo 2:4, 7:30;
f7:7Jo 3:19, 15:8-21
g7:11Jo 11:56
h7:12Mt 27:63; Jo 7:40-43
i7:13Jo 9:22, 12:42, 19:38, 20:19
j7:15Mt 7:28-29, 13:54-57; Lu 2:47; Ap 4:13
k7:16Jo 3:11, 12:49, 14:10
l7:18Jo 5:44, 8:50
m7:19Jo 1:17, 8:37-41; Ap 7:53; Lo 2:17-23
n7:20Mt 11:18; Mk 3:22; Jo 8:48,52, 10:20
o7:21Jo 5:2-9,16
p7:22Jen 17:9-13, 21:4; Lep 12:3; Ap 7:8; Lo 4:11
q7:23Mt 12:1-5,11-12; Mk 3:1-5; Lu 13:10-12, 14:4-5; Jo 5:8-10,16
r7:24Lep 19:15; Ais 11:3-4; Sak 7:9; Jo 8:15
s7:25Jo 5:18
t7:27Jo 1:26, 6:42, 7:41, 9:29; Ip 7:3
u7:28Mt 11:27; Jo 3:34, 8:19,26,42, 19:9
v7:29Jo 6:46, 8:55, 17:25
w7:30Mk 12:12; Lu 4:29-30; Jo 7:44, 8:20, 10:39, 13:1
x7:31Jo 2:23, 8:30, 10:42, 11:45, 12:11,42
y7:33Jo 8:21, 12:35, 13:33, 16:16
z7:34Dit 4:29; Pot 1:28; Osi 5:6; Jo 8:21, 12:21,26, 13:36, 14:3,9, 17:24
aa7:35Jo 12:20; Ap 11:20; Je 1:1; 1 Pi 1:1
ab7:37Lep 23:36; Nam 20:11; Pot 1:20, 18:4; Ais 55:1,3; Jo 4:10,14
ac7:38Ais 44:3, 58:11; Ese 47:1; Sak 14:8
ad7:39Jo 1:33, 16:7, 20:22; Ap 2:4, 19:2
ae7:40Mt 2:11; Jo 1:21
ag7:41Jo 1:46, 4:29, 6:14
ah7:421 Sam 7:1,12; Wee 89:3-4; Mai 5:1-2; Mt 1:1, 2:5-6, 9:2; Lu 2:4; Lo 1:3
ai7:44Jo 3:11, 7:30, 10:39
aj7:45Jo 7:32
ak7:46Mt 7:28, 13:54-56; Mk 1:22; Lu 2:47, 4:22
al7:48Mt 11:25; Jo 3:1, 12:42
am7:49Jo 9:34
an7:50Jo 3:1-2, 19:39
ao7:51Eke 23:1; Dit 1:16-17
ap7:52Jo 1:46, 7:41-42

John 7

Jisasapi baanya kaiminingi dupapi

Maitakao a  Jisasa baa Galili yuu dokonya paya. Juta dupame baa pyao kumasalanya kutiaminosa baa Jutia yuu dokonya pawani nakaya. Juta b  dupame aiyaa andanya palenge gii epe doko ipanya tengesa pia. Dopa c  piamopa Jisasa kaiminingi dupame baa lamaiyoo, “Embanya disaipele dupame embanya kalai pitino dupa kandena yuu dake yakinatala Jutia puu. Doko, endakali mende panao katapuli lao masilyamo dokome opale mende yalo pyoo napingina, embame dutupa pitino kandao doko, yuunya endakali dupame kandena lao panao pyoo katape,” leami. Baanya d  kaiminingi dupamepi apata baa masoo minala nayawaka leami. Dokopa e  Jisasame dokaita lamaiyoo, “Nambanya gii angi doko ipatala naelyamo. Dopaka doko, nyakamanya gii doko koteaka lao silyamo. Yuunya f  endakali dupame nyakama kapa pao imbu nakaelyaminoaka doko, namba imbu kaelyamino. Doko, nambame dupanya mana minapimino dupa koona lamaipusa dopa pilyamino. Nyakama yuu gii epe doko kanja pupa. Nambanya yuu gii angi doko ipatala naelyamona, namba indupa gii epe doko kanja napatowana,” lea. Dopa lamaitala baa Galili yuu dokonya mee katea.

Jisasame yuu gii epe kanja peamo doko

10 Jisasa baa Galili yuu dokonya mee kateamoaka doko, baanya kaiminingi dupa yuu gii epe doko kanja pateaminopa maitakao baa apata peaka. Baa panao napenya yalo pyoo pea. 11 Juta g  dupame baa anja kalyape lao pisoo gii epe doko kandao kateamino dokonya kutiami. 12 Dopa h  piaminopa endakali kambu kateamino dupame baanya lao pii mumu longo leami. Yangi dupame baa akali epena leaminopa yangimi baame endakali minakasingina leami. 13 Dupame i  baanya lao leamino doko Jutamanya isingi akali dupa paka kayapala panao laa naenya yalo pyoo leami.

14 Yuu gii epe doko kandao kateamino dokonya kainasa Jisasa baa losuu anda andake dokonya pupala mana lamaiyoo katea. 15 Juta j  dupame mona andapala lao pituu, “Baa sukulu nalenge dokome aipa petala epao masingi laa kanjemape?” leami. 16 Dokopa k  Jisasame yanu pyao dokaita lamaiyoo, “Nambame mana nyakama langilyo doko, nambanya daa. Namba puu leamo Gote dokonya. 17 Goteme masingili pyoo endakali mendeme pipu laka lao masetamo kandao doko, baame kapa pao nambame pii lelyo doko Gotenyape pande namba tangenyape lao kandata. 18 Endakali l  tangeme masoo pii lamaiyoo kalyamo dokome baa tange lalyina latala dopa pyoo katenge. Dopaka doko, baa epena leamo doko lalyalanya pyoo katenge akali doko kiningi lenge akali. Baa-kisa koo tengepi mende nasingi. 19 Mana m  setapae dupa Moseseme nyakama nandiape? Diamoaka doko, nyakamanya mendaipi mendeme mana setapae dupa watao minala naelyamino doko, aipuma nyakamame namba pyao kumasalanya pilyamipi?” lea. 20 Dokopa n  endakali kambu dupame yanu pyao, “Emba-kisa enjele koo mende palelyamo. Apimi emba pyao kumasalanya pilyape?” leami. 21 Jisasame o  yanu pyao, “Nambame kalai mendai pipu dokonya nyakama pitaka mona andelyamino. 22 Moseseme p  nyakama elya pingi kambu kepenge mana doko dia. (Mana doko Mosese baame setala nayana, yumbange dupame seteami.) Nyakamame Sambasa gii dokonya wanenya elya pingi kambu kepakamailyamino. 23 Goteme q  mana setapae Mosese maiyamo dupa nyakamame auu pyoo watao minamanana lao masetala Sambasa gii dokonya wanenya elya pingi kambu kepakamaingima tamo kandao doko, nambame endakali mendenya yonge doko pitaka auu pyakamaipu dokonya nyakamame namba kandao imbu kaelyamino doko aipuma pilyamipi? 24 Nyakamame r  ketae lengeme kandao yapala naenya kiningi tolao yapalapape,” lea.

Dupame akali dake Kataisa taa aipape leamino doko

25 Dokopa s  Jetusaleme tange mendapuame lao pituu, “Akali dake pyao kumasalanya kutamino doko daa laa kanjemape? 26 Kanau! Baame panao pii lao katapumu dokopa dupame baa kandao mende nalelyamino doko, isingi akali dupame baa kiningi Kataisa dokona lao masetami aipa? 27 Naimame t  baa dosa tangena lao masilyamano. Dopaka doko, Kataisa ipatana latae doko ipatamo dokopa endakali mendaipi mendeme baa dosa tangena lao masala nayatana,” leami.

28 Jisasame u  losuu anda andake dokonya mana lamaiyoo katao puu lao lao pituu, “Nyakamame namba kandawapi dee namba doo tangena lao masowapi pilyamino. Namba namba tangeme masoo naepeo. Dopaka doko, namba puu leamo doko angina nyakamame baa masala naelyamino. 29 Dopaka v  doko, namba baapa tole katao baame namba puu leamopa epeo dokonya nambame baa masilyona,” lea.

30 Dokonya w  dupame baa anjalanya piaminoaka doko, baanya gii doko ipatala nayamo dokonya endakali mendaipi mendeme baa minatala nayami. 31 Dopaka x  doko, endakali kambu kateamino dupanya longome baa lao masoo miniami. Dupame lao pituu, “Ipatana latae Kataisa doko ipupala dokopa baame akali dakeme kongali pilyamo dupa ita minao pita laape?” leami.

Jisasame baa nakandatamina leamo doko

32 Endakali kambu dupame Jisasa kandao mumu leamino doko Patasi dupame siami-pyaa. Sepala Patasi dupapi pitisa mupa dupapimi yanda singi mendapuame Jisasa anjoo nyala pena leami-pyaa. 33 Dokopa y  Jisasame lao pituu, “Namba nyakama-pipa gii kuki mende awapa katapala namba puu leamo doko katatasa pilyoto. 34 Nyakamame z  namba kutataminoaka doko, kanja nayatami. Namba katato dokonya nyakama kapa pao naipatamiakana,” lea. 35 Dopa aa  leamopa Juta dupame nyakamalapo laloo pyoo, “Baa anja patamopa naimame kapa pao nakandatama laape? Juta endakali mendapua pupala endakali tata waka dupanya kainanya kalyamino dupa katatamisa pupala endakali waka dupa mana lamaiyoo kalyanya lelyape? 36 Baame lao pituu, ‘Nyakamame namba kutataminoaka doko, kanja nayatamina,’ lelyamo. Dee, ‘Namba katato dokonya nyakama kapa pao naipatamina,’ lelyamo. Dopa lelyamo doko, baame aipa lao masoo lelya kanjemape?” leami-pyaa.

37 Aiyaa ab  andanya palenge yuu gii epe dokonya gii etao doko gii etete andake mende. Gii dokonya Jisasame toya katapala puu lao lao pituu, “Endakali mende endaki nanu kayatamo doko namba katatosa ipupala endaki nena. 38 Doko, ac  pii pepa pyapae singi dokonya lapae silyamoli pyoo, ‘Endakali mendeme namba lao masoo minatamo dokonya monanya katao lete katenge endaki doko lee kuotala liyoo patana,’ lapae silyamona,” lea. 39 Baame ad  dopa leamo doko, endakali baa lao masoo minatamino dupame Oli Sipitisa doko nyetamina lao masoo lea. Gii dokopa Jisasa kenge andake nyepala nayamo dokonya Oli Sipitisa doko ipatala naya.

Endakali dupa wakale pyoloo piamino doko

40 Endakali ae  kambu pyao kateamino dupanya mendapuame baame pii dutupa leamo sepala lao pituu, “Kini, akali dake Potopesa
d potopesaJo 1:21 doko kandape.
doko lamona,” leami.
41 Yangi ag  dupame, “Kataisa doko lamona,” leami. Dopaka doko, yangi dupame lao pituu, “Kataisa doko baa Galili yuu dokonya katao ipatape? 42 Pii ah  pepa pyapae singi dokonya Kataisa doko baa Dapiti puu mendenya pyakalyetana, yuu taono yakane Dapiti kateamo Beteleme dokonya manditamina lapae singina,” leami. 43 Dopa latala Jisasanya tenge dokonya lao endakali dupa wakale pyoloo piami. 44 Yangi ai  dupame baa anjalanya piaminoaka doko, dupanya mendaipi mendeme baa minatala nayami.

Jutamanya isingi akali dupame Jisasa masoo minala nayamino doko

45 Yanda aj  singi dupa pilyoo pitisa mupa dupapi Patasi dupapi peteamisa epeaminopa dokaitame dupa pisoo, “Aipuma baa anjoo soo naepelyamipi?” leami-pyaa. 46 Dokopa ak  yanda singi dupame yanu pyao, “Akali dokome pii lelyamoli pyoo wamba akali mendeme kukipi mende naleana,” leami-pyaa. 47 Dopa leaminopa Patasi dupame yanu pyao, “Baame nyakama apata minakaseta aipape? 48 Isingi al  akali dupanya mendemepi Patasi mendemepi baa lao masoo minala naelyamino. 49 Dopaka am  doko, endakali kambu dokome mana setapae dupa masala nayao katapimino dokome Goteme pyapenge joo kalyaminona,” leami-pyaa. 50 Dupanya an, ao  akali wamba Jisasa peteasa peamo Nikotimasa lenge dokome dokaita lamaiyoo, “Endakali mendeme mende pitamo doko wambao soo kanja naenya, mee kosimi laapape lapae naimanya mana setapae dupanya silyape?” lea-pyaa. 52 Dupame ap  yanu pyao, “Emba apata Galili tangeakape? Embame pii doko wangi pyao itaki pyao kandateno dokopa Galili tange potopesa mende yaka nalatana lapae setamo kandatena,” leami-pyaa.

Copyright information for `ENQ