a11:1Mk 1:35; Lu 3:21, 5:16,33, 6:12, 9;18
b11:5-8Lu 18:1-8
c11:8Isi 14:17; Mt 15:23; Lu 18:5
d11:9Mt 18:19, 21:22; Mk 11:24; Jo 15:7, 16:23-24; 1 Jo 5:14-15
e11:9-13Jo 14:13-14
f11:13Jo 14:15-16
g11:14Mt 9:32
h11:15Mt 9:34, 10:25
i11:16Mt 12:38, 16:1; Mk 8:11; Lu 11:29; Jo 2:18, 6:30
j11:20Eke 8:19; Mt 4:17, 12:28; Lu 17:21
k11:21Ais 49:25
l11:22Jet 31:11; Kl 2:15
m11:23Mk 9:40; Lu 9:50
n11:24Lep 16:22
o11:27Lu 1:28,42,48, 23:29
p11:28Dit 6:3; Pot 19:16; Lu 8:15,21; Jo 15:14; Pa 1:3
q11:29Mt 16:4; Mk 8:12; Lu 11:16; Jo 6:23-31
r11:30Jon 3:4-5
s11:311 Kiŋ 10:1-10; 2 Ktl 9:1-12
t11:32Jon 3:1-10
u11:33Mk 4:21; Lu 8:16
v11:37Lu 7:36, 14:1
w11:38Mt 15:2; Mk 7:2,5
x11:41Mt 12:33; Mk 7:19; Ta 1:15
y11:42Lep 27:30; Mai 6:8
z11:43Lu 20:46
ab11:47-48Ap 7:51-53
ac11:491 Ko 1:24; Kl 2:3
ad11:51Jen 4:8; 2 Ktl 24:20-21; Sak 1:1
ae11:53Lu 6:11, 19:47, 20:19, 22:2
af11:54Mt 19:3, 22:15; Lu 20:20
ag11:53-54Mk 12:13

Luke 11

Loma singi mana Jisasame lamaiyamo doko

(Mt 6:9-15; 7:7-11)

Koto a  mendepa Jisasame mendasa loma soo kateamo doko soo etapeamopa, baanya disaipele dupanya mende epea-pyaa. Ipupala Jisasa lamaiyoo, “Kamongo, wamba Joneme baanya disaipele dupa mana lamaiyamoli pyoo embame loma singi mana doko naima langi,” lea-pyaa. Dokopa baame dokaita lamaiyoo, “Nyakamame loma setaminoli pyoo dapa lao loma salapape:

Apane, embanya kenge doko auu pyoaka sina lape.
Embame naima isoo ipao katape.
Koteaka lao embame naima nee natamanoli pyoo dipi.
Embame naimanya koo pingi dupa kunanya nepakape.
Endakali dupame naima koo pingilyamino dupanya yanu dupa kaelyamanoaka.
Koo pyepa lao makande pingi dupanya embame naima laminao napupi.
Dopa lao loma salapape,” lea-pyaa.

Dee b  baame dokaita lamaiyoo, “Nyakamanya akali mendeme baanya kaita miningi mendenya andaka kuka andatombe pupala baa-kisa tee lao, ‘Kaimia, yanu pyakatona, embame betesa tepoma namba dii. Nambanya kaiminingi mende kaitaka payapala nambanya andaka ipumopa, nee maipenge mende nasilyamona,’ lao tee latamo kandao doko, akali andakote palitamo dokome baa lamaiyoo, ‘Nambame anda kaita pai latala nambanya wane dupa-pipa palipilyona, dee sakatatala kapa pao emba nandyapo lumuna, embame namba maka pisala nayape!’ lata. Dee c  anda tange dokome akali tee latamo doko kaiminingina lao masala naenya nisala naipatamoaka doko, akali tee latamo dokome kayala nayao teaka lao katatamosa anda tange dokome sakatatala akali dokonya daa jetamo dupa pitaka maitana lao nambame nyakama langilyo. Dee d, e  nambame nyakama dapa langilyo: nyakamame tee laapape! Kapa pao nyetami. Kutalapape! Kapa pao kandatami. Anda kaita watawata pyepape! Kapa pao lumbakata. 10 Tee lelyamino endakali dupa pitakame nyingima. Kutilyamino endakali dupa pitakame kandengema. Anda kaita watawata pilyamino endakali dupa pitakanya kaita lumbakamaingi.

11 “Nyakamanya wane mendeme wapaka mende tee latamopa, nyakama takange dupanya mendeme kanopato koo nanenge mende maitamipi? Daa, namaitami. 12 Dee, ‘Yaka tuku mende dii,’ latamopa, pupusalyoo mende maitamipi? Daa, namaitami. 13 Dopana, f  nyakama takange koo dupame nyakamanya wane dupa oapi epe dupa maingima tamo kandao doko, Takange kaitinya katenge dokome nyakamanya wane mailyamino doko etete ita minao baa-kisa tee lelyamino endakali dupa Oli Sipitisa doko maingina,” lea-pyaa.

Jisasapa Belesapulupa

(Mt 12:22-30; Mk 3:20-27)

14 Koto g  mendepa enjele pii laa naenge koo mende akali mende-kisa paleamo doko Jisasame watao pyatakamaiyamopa akali dokome dee pii lea-pyaa. Dokopa endakali kambu piamino dupa mona andeami-pyaa. 15 Dee h  endakali yangimi lao pituu, “Baame enjele koo dupanya isingi Belesapulu lenge doko mambele enjele koo dupa watao pilyamona,” leami-pyaa. 16 Endakali i  mendapuame baa minao makande pyoo, “Baame kaitinya-tae kongali mende pina,” leami-pyaa. 17 Dopa lao kateaminoaka doko, baame dokaitanya masiamino doko kandatala dapa lea-pyaa: “Yuu dupanya kiŋi mendeme isingi tata dupanya mende wakale pyoloo petala yanda pitaminopa tata doko koyata. Dee anda mendenya palu dupa wakale pyoloo petala yanda pitaminopa koyataka. 18 Dokaita joo Satane baa tangeme wakale pyoloo petala yanda pitamo kandao doko, baame isilyamo tata doko aipa petala katatape? Nyakamame namba kandao Belesapulu mambele nambame enjele koo dupa watao pilino lelyamino. 19 Kiningi, nambame Belesapulu mambele enjele koo dupa watao pyapuli kandao doko, nyakamanya mana nyingi dupame api mambele enjele koo dupa watao pyapimilipi? Dokonya dokaitame, ‘Nyakamame kopeta leami lamona,’ latami. 20 Goteme j  namba kingi ditamopa nambame enjele koo dupa watao pyato kandao doko, Goteme nyakama isala ipatamosana,” lea-pyaa.

21 “Akali k  pupu lapae mendeme yanda yandatepi minatae katao baanya anda doko tange isilyamopa baanya oapi dupa auu pyoo singi. 22 Baame l  yanda yandatepi dupame baa nisetana lao masetamoaka doko, akali etete pupu lapae mendeme ipao baa yanda pimaitala ita minata. Dokopa akali etete pupu lapae dokome yanda yandatepi dupa nyoo nepatala baanya oapi dupa pitaka endakali waka dupa mokosoo maitana,” lea-pyaa.

23 “Endakali m  mende namba tata joo nakalyamo doko nambanya yandapipi lamo. Dee endakali mendeme namba-pipa endakali nyoo limbala naelyamo dokome endakali dupa saa lasingina,” lea-pyaa.

Enjele koo dee pilyoo epeamo doko

(Mt 12:43-45)

24 “Enjele n  koo mendeme endakali mende yakinatala dokopa, baa mendasa koto nyoo kalyanya yuu sapu dupanya paelya paena pyoo panda kutingi. Kutao kayapala baame lao pituu, ‘Nambame anda wamba yakineo dokonya dee pilyoo patoo,’ lenge. 25 Dopa latala baame anda dokonya pao kandelyamopa, potoma polao yati petae kalyamo kandenge. 26 Dopa petae kalya silyasa baame pupala enjele etete koo mendapua lanyepala anda dokonya dee pilyoo ipao katengema. Dokopa akali doko wamba kopeta kateamoaka doko, indupa etete kopeta katengena,” lea-pyaa.

Mona yaepenge kiningi doko

27 Jisasame o  pii lao kateamo gii dokopaka endakali longo kambu piamino dupanya enda mendeme puu lao dapa lea-pyaa: “Wamba emba mandipala andu diamo enda doko mona yaepao pituu pilyamona,” lea-pyaa. 28 Dopa p  lateamopa Jisasame endakali dupa lamaiyoo, “Dopaka doko, Gotenya pii doko soo watao minilyamino endakali dupa kiningi mona yaepao pilyaminona,” lea-pyaa.

Endakali mendapuame kongali andake mende pina leamino doko

(Mt 12:38-42; Mk 8:12)

29 Dee q  endakali kambu longo dupame Jisasa kateamo dokonya ipao kapata-kapata piaminopa, Jisasame dokaita lamaiyoo, “Endakali indupa palelyamino dupa kooma lamo. Dupame kongali mende kandamana lelyaminoaka doko, nambame kongali waka mende pyakala nayatoana, Goteme akali Jonaa-kisa kongali piamo dokoaka makande petae seta. 30 Wamba r  akali Jonaa dokome Gotenya makande petae joo katao yuu Nenepa tange dupame kandeamino dopaka pyoo Endakalinya Ikiningi doko Gotenya makande petae katatamopa endakali indupa kalyamino dupame kandatami. 31 Wamba s  Isingi Enda Kuini mendeme yuu Sauta-kaita pituu masingi akali Solomone lenge doko kanjanya kaita etete londe mendenya epea-pyaa. Epeamoaka doko, indupa akali mendeme Solomone etete ita minao ae kalyamo. Tenge dokonya Goteme endakali mokosetamo gii dokopa, Isingi Enda Kuina dokome sakatatala nyakama kosimi latana lao masalapape! 32 Wamba t  akali Jonaa dokome yuu Nenepa tange dupa pii panao lamaiyamopa dokaitame sepala mona kapilyiaminoaka doko, indupa Jonaa doko ita miningi akali doko ae kalyamo. Tenge dokonya Goteme endakali mokosetamo gii dokopa, Nenepa tange dupame sakatatala nyakama kosimi latamina,” lea-pyaa.

Yongenya tii pingi doko

(Mt 5:15; 6:22-23)

33 “Endakali u  mendeme lama mende kaiyepala yalo pipenge panda mendenyapi titopene penge nenge lanao setapae mendenyapi setala naenya, endakali andaka kolandatamino dupame tii pitamopa kandao kolandena lao baame lama doko setenge toko ketae dokonya setenge daape! 34 Embanya lenge doko embanya yongenya kia joo telyamo. Embanya lenge doko auu pyoo tao payateno kandao doko, emba tii pita. Dopaka doko, embanya lenge lapo tao payateno kandao doko, emba iminjeta. 35 Aopyoo latala emba-kisa tii pipae silyamo doko iminjetae jetana kandao isoo katape! 36 Embanya yonge dokonya mendasa iminjalapi nayao tii iki pyoo payateno doko lama kaiyepaeme emba tii pisingili pyoo embanya yonge doko pitaka etete tii pipae payatena,” Jisasame lea-pyaa.

Patasipi mana setapae masingi akalipi dupa-kisa Jisasame pii seteamo doko

(Mt 23:1-36; Mk 12:38-40; Lu 20:45-47)

37 Jisasame v  pii dutupa lao etapeamopa akali Patasi mendeme baanya andaka Jisasa nee nala bona epena lea-pyaa. Dopa lateamopa baame andaka kolandatala nee nalanya petea-pyaa. 38 Pitipala w  Jisasame nee nalanya kingi kaimbu napinya nee mee neamopa, Patasi dokome kandatala moname longo lao masia-pyaa. 39 Dopa lao masiamopa Kamongo dokome Patasi doko lamaiyoo, “Nyakama Patasi dupame kapopi pelesapi dupanya ketae-kaita iki kaimbu pyao kalyamino. Dopaka doko, nyakamanya kokotena pake nengepi koo manapi dupame tumbatae kalyamona, nyakama akali kyakaengema lamo! Goteme penge iki wasepala pengenya angi mende wasala nayape? 41 Dopana, x  nyakamame daa jingi endakali dupa nyakamanya angi doko maiyepape. Dopa pitaminopa nyakamanya oapi dupa pitaka auu pipae setana,” Jisasame lea-pyaa.

42 “Nyakama y  Patasi dupame taluanga takae kambyakomapi dupa paa kingi ita lao mokosepala mende doko Gote maiyaminoaka doko, nyakamame endakali waka dupa-kisa mana tolatae minao pituu dee Gote mona maiya naelyaminoaka. Nyakamame mendatupa dutupa yakinala nayao pituu angi datupa watao miningima pyali, yaka jipyalina, minala naelyamino dokonya nyakama koyatami iki lamo!

43 “Endakali z  dupame nyakama Patasi dupa Jutamanya losuu anda dupanya petenge toko enomba nyoo dupa dina lao masilyamino. Dee kamapi dupanya endakali dupame nyakama lasa lapimi laka lao auu kaelyamino dokonya nyakama koyatami iki lamo! 44 Endakali dupame endakali malu petae kakopala naenge dupanya ketae ambe lao moko katao paelyaminopa, malu
e maluJuta dupame endakali malu dokome endakali kaimala pisingi koona lao masoo wandingima-pyaa.
dupame dokaita koyasingimali pyoo nyakama malu petae dopalema lamo, dokonya nyakama koyatami iki lamona!” Jisasame lea-pyaa.

45 Dopa leamopa mana setapae masingi akali dupanya mendeme baanya pii yanu pyao, “Mana Lenge Akali, embame naima pii lamba lao imbu pisilinoakana,” lea-pyaa. 46 Dokopa Jisasame dokaita lamaiyoo, “Nyakama mana setapae masingi akali dupame endakali waka dupa-kisa kenda pipae setaminosa dupame etete lekeleke tao paelyamino. Dopa pyoo paelyaminoaka doko, nyakama tangeme kenda pipae doko dupa-kisa setapala yuu mendaipi mende kuki kingi maiya naelyamino dokonya nyakama koyatami iki lamo! 47 Potopesa ab  pyao kumasetae dupanya malu petae dupa nyakamame yati pyoo kalyamino dokonya nyakama koyatami iki lamo! Nyakamanya yumbange dupame potopesa dupa pyao kumasiamino doko nyakamame yumbangenya mana doko yaka piamina lao panasoo potopesa pyao kumasetae dupanya malu dupa yati pyoo kalyamino.

49 “Tenge ac  dokonyaka Gote masepae epe dokome dapa lea-pyaa: ‘Tenda nambame endakali dupa-kisa potopesapi aposelepi dupa pena latopa endakali dokaitame mendapua watao pyatala mendapua pyao kumasetamina,’ lea-pyaa. 50 Dopana, akali wamba kateamino dupame potopesa dupa pyao kumasoaka kateamino dupa pitakanya koo tenge wambatae waka doko endakali indupa kalyamino dupa-kisa silyamo. 51 Mana ad  doko wamba akali Epolo lenge doko pyao kumasiamo dokonya pituu tee pyatala akali Sakataya lenge doko losuu anda andake dokopa olata toko dokopa dolaponya kainanya pyanya seteamino dokonya ipao tuu lea-pyaa. Kini, nambame nyakama langilyona, tenge dutupa pitakanya yanu doko Goteme endakali indupa kalyamino dupa-kisa nyeta.

52 “Nyakama mana setapae masingi akali dupame mana nyepenge kaita doko lyokatala nyakama tange mana nyala nayao dee endakali waka dupame nyala naenaka lao dupanya kaita lyokakamailyaminona koyatami iki lamo!” lea-pyaa.

53 Dopa ae, af, ag  latala Jisasame anda doko yakinatala kamaka pyakalyiamopa mana setapae masingi akalipi Patasipi dupame baa kandao pyalanya leami-pyaa. Jisasame pii mende latatamopa naimame kapa pao kosimi latamana lao masetala makande pili lao baa pisetaka pyoo isokondape pyoo isoo kateami-pyaa.

Copyright information for `ENQ