a17:11 Ko 8:12
b17:3-4Mt 18:15
c17:5-6Mt 17:20, 21:21; Mk 11:22-23
d17:6Mt 9:24
e17:7-10Jo 13:4-5
f17:8Lu 12:37; Jo 13:3-5
g17:9Jop 22:3, 35:7
h17:11Lu 9:51-52, 13:22, 19:11
i17:12Lep 13:45-46
j17:13Lu 5:5, 8:24,45, 9:33,39
k17:14Lep 14:1-32; Mt 8:4; Mk 1:44; Lu 5:14
l17:15Lu 2:20
m17:16Lu 9:52-53, 10:33
n17:19Mt 9:22; Mk 5:34; Lu 7:50, 8:48, 18:42
o17:20Mt 4:17; Lu 19:11, 21:7; Jo 3:3, 18:36
p17:21Mt 3:2; Mk 13:21; Lu 11:20
q17:22Mt 9:15; Mk 2:20; Lu 5:35; Jo 8:56
r17:23Mk 13:21; Lu 21:8
s17:25Lu 9:22
t17:26Jen 6:5-8
u17:27Jen 7:6-24
v17:28-30Jen 18:20—19:25
x17:31Mt 24:17-18; Mk 13:15-16; Lu 21:21
y17:32Jen 19:26
z17:33Mt 10:39, 16:25; Mk 8:35; Lu 9:24; Jo 12:25
aa17:37Jop 39:30

Luke 17

Koo pina lao mapisingi mana dupa

(Mt 18:6-7, 21-22; Mk 9:42)

Dokopa a  Jisasame baanya disaipele dupa lamaiyoo, “Koo pyepale lao mapisingi makande tata tata dupa kiningi etete kapa pao ipata. Ipatamoaka doko, endakali mendeme nyakama koo pyepale lao mapisetamo endakali doko koyata iki lamo! Aopyoo latala endakali mendeme wane koo datupanya mendeme koo pina lao mapisetamo doko kana andake mendeme mapisingi endakali dokonya mangenya anjetala baa solowata pete andake dokonya soo pyandataminopa auu pita. Nyakamame b  nyakama tange kandao isoo kalyepape!

“Embanya endakali yango mendeme koo pitamo kandao doko, embame baa pyalanya lape. Dee baa mona kapilyetamo kandao doko, embame baanya koo pingi yanu dupa kayape!
Dee baame emba-kisa yuu gii undinaka paa kalangesa koo pitamo kandao doko, petala paa kalangesaka ipao emba langyoo, ‘Nambame koo petala mona kapilyetelyona,’ lea kandeno doko, embame baanya koo pingi yanu dupa paa kalangesaka kayape!” lea-pyaa.

Masoo miningi doko

Aposele c  dupame Kamongo doko lamaiyoo, “Embame naimanya masoo miningi doko andasakape,” leami-pyaa. Dopa d  leaminopa Kamongo dokome lao pituu, “Nyakamame awa wainginya dii palenge dopale joo masoo minapimili kandao doko, nyakamame diiwi ita dake lamaiyoo, ‘Emba tangeme embanya pingi dupa yukuopala pao solowata pete andake kaina dokonya pokatae kata!’ laminopa laminoli pipyalina,” lea-pyaa.

Kendemane akalimi kalai pyakamaingi mana dupa

“Akali e  nyakamanya mendenya kendemane mendeme mendasa ee kalai pyoo katao tamopi dee mena sipisipi setao katao tamopi maitakao andaka ipatamopa embame baa lamaiyoo, ‘Emba yapa ipao pitipala nee naa,’ latepe? Daa, f  dopa nalenya embame kendemane doko lamaiyoo, ‘Emba nee endakipi tenda natale namba wambao natoo depa latakala emba lapalapa epe mende nyoo ketae petala nee natoli pyoo minakao ipu!’ late daape. Kendemane g  dokome embanya pii latenoli pyoo pitamosa embame baa lalyetepe? Daa, lalyala nayate. 10 Dopaka pyoo Goteme nyakama kandao, ‘Pyepa!’ latamo dupa pitaka petala dokopa nyakamame dapa laapape: ‘Naima kendemane endakaliaka dupame naimanya isingi akalimi kalai pyepape leamo dutupa ikiaka petelyamanona,’ laapape,” Jisasame lea-pyaa.

Jisasame akali kingi ita mendenya kopetali mee jakamaiyamo doko

11 Jisasame h  Jetusaleme paanya yuu Samatiapa Galilipanya kaina dokonya kaita pea-pyaa. 12 Baa i, j  pao yuu taono endakali kuki palenge mendenya pyakameamopa, akali kopetali kingi ita mendeme kaitinisa baa kandeami-pyaa. Dokaitame tengesa naipao omosale katao baa kandao puu lao wii latala, “Isingi Akali Jisasa! Embame naima kondo kayape!” leami-pyaa. 14 Dopa k  leaminopa Jisasame kandatala dokaita lamaiyoo, “Pitisa dupame nyakama kandena pupa,” lea-pyaa. Dopa lateamopa, kaitinisa peaminopa nyakamanya yonge koyapae dupa mee jia-pyaa. 15 Dokopa l  akali dutupanya mendeme baanya yonge dee auu piamo doko kandatala pii puu lao lao Gote tama pyoo Jisasa kateamo dokonya pilyia-pyaa. 16 Pilyoo m  ipupala Jisasanya moko seteamo dosa tombauli soo Jisasa kandao, “Yaka pyene lamona!” lea-pyaa. Akali doko Samatia-pyaa. 17 Dokopa Jisasame lao pituu, “Akali kingi ita mendenya yonge koyapae dupa mee joo pilyamoaka doko, dutupanya akali tata waka mendai dakeme Gote lao tama pyaanya pilyalame lamo doko, akali mange mendai wakyoo dutupa anja kalyamipi?” lea-pyaa. 19 Dopa n  latala Jisasame akali doko lamaiyoo, “Embame masoo minapino dokome emba mee injisetekelyamona, sakatatala puu,” lea-pyaa.

Goteme endakali isala epenge doko

(Mt 24:23-28, 37-41)

20 Dokopa o  akali Patasi mendapuame Jisasa pisoo, “Goteme endakali dupa isetamo gii doko andukupa ipatape?” leami-pyaa. Dopa leaminopa Jisasame pii yanu pyao, “Goteme endakali isala epenge doko endakali lengeme kapa pao nakandapenge. 21 Dee p  endakali mendeme kapa pao, ‘Gotenya isingi doko omosa silyamo kanjepa! Amasa silyamo kanjepa!’ lapenge daaka. Baame nyakamanya mona andaka ipao katapala isilyamona masalapape,” lea-pyaa.

22 Dopa q  latala baame baanya disaipele dupa lamaiyoo, “Tenda nyakamame Endakalinya Ikiningi dokome isetamo gii dupanya mendai iki mende wambao kandamana ipupya laka lao masetamiaka doko, nyakame nakandatami. 23 Tenda r  endakali mendapuame nyakama langyoo, ‘Omo kanjepa!’ ‘Ama kanjepa!’ latamiaka doko, nyakamame mendasa kutao kanja napenya mee kalyepape. 24 Kaitinya yangi-kaita pituu yuu wapaka pilyamopa kaiti pitakanya tii piyoko lelyamoli pyoo Endalinya Ikiningi doko ipatamo gii dokopa dopaka pita. 25 Dopaka s  doko, baa wambao tanda longo nata. Dee endakali indupa kalyamino dupame baa daa lao maita maitamiakana,” lea-pyaa.

26 “Wamba t  akali Noa kateamo gii dokopa endakali dupame piaminoli pyoo tenda katataminopa Endakalinya Ikiningi doko dee ipata. 27 Wamba u  endakali dupame neepi endakipi nao katao, wane dupanya enda lanyakamaiyoo wanaku dupa akali pena lata pyoo kateami-pyaa. Dopa pyoo katao Noa endakinya paenge sipi dokonya kolandeamo gii dokonya tuu leami-pyaa. Dokopa endaki andake dokome ipao dokaita pitaka pyao kumasia-pyaa. 28 Dee v  dokaita joo akali Lote kateamo gii dokopa endakali dupame neepi endakipi nao, oapi dupa sambao aloo pilya pyana pyoo ee pokata anda peta pyoo kateami-pyaa. 29 Dopa piaminopa Loteme Sotoma yuu doko yakinatala pateamo gii dokopaka kaiti-kisa aiyuu epele pyoo itate-pipa kana tao alupae
j kana tao alupaeKana tao alupae doko Gotenya imbu kaenge doko makande petae.
dupa ipupala endakali pitaka pia-pyaa.
30 Tenda Endakalinya Ikiningi doko panao ipatamopa dopaka pita.

31 “Tenda x  gii dokopa endakali mendeme baanya anda patakisa katatamo dokome baanya oapi andakote setamo dupa nyalanya kolandala nayapenge. Dee endakali mende eesa katatamo dokome andaka pilyala nayapengeaka jeta. 32 Nyakamame y  Lotenya enda doko masalapape! 33 Endakali z  mendeme baa tange nea kaenge dupanya iki watao minao katatamo kandao doko, baa tangemeaka alu pita. Dee endakali mendeme baa tange nea kaenge dupa yakinatamo kandao doko, tange pyoo nyoo niseta.

34 “Dee nambame nyakama langilyona, Endakalinya Ikiningi doko kuka gii mendenya ipatamopa endakali lapoma toko mendainya palitambino dolaponya mende baame lanyepala mende yakinata. 35 Dee enda lapomame palawa wasalanya wiisa dii takyoo indyuu pititambinopa, mende doko baame lanyepala mende yakinata. 36 [Dee akali lapomame ee kalai pyoo katatambinopa, mende doko baame lanyepala mende yakinatana,]” lea-pyaa. 37 Dopa aa  leamopa disaipele dupame pii dutupa sepala lao pituu, “Kamongo, andusa dopa pitape?” leami-pyaa. Dokopa Jisasame dokaita lamaiyoo, “Opale mende kumapae silya mendasa yaka lakepame dupa ipao kambu pingimana,” lea-pyaa.

Copyright information for `ENQ