a6:1Dit 23:25
c6:2Eke 20:10, 23:12; Dit 5:14; Jo 5:10
d6:3-41 Sam 21:1-6
e6:4Lep 24:5-9
f6:6-11Lu 13:10-17, 14:1-6
g6:8Lu 5:22, 9:47
h6:11Lu 11:53
i6:12Lu 3:21, 5:16, 9:18,28, 11:1
j6:13Jo 6:70
k6:14-16Ap 1:13
m6:17Mt 5:1-2
n6:17-19Mk 3:7-12
o6:19Mt 9:21, 14:36; Mk 5:30; Lu 5:17, 8:45-46
p6:21Wee 126:5-6; Ais 61:3; Pa 7:16-17
q6:22Jo 6:2, 9:22, 15:19; 1 Pi 4:14
r6:232 Ktl 36:16; Ap 7:52
s6:24Emo 6:1; Mt 6:2; Lu 16:25; Je 5:1-5
t6:24-26Ais 5:8-25; Lu 10:13-15, 11:38-52, 17:1, 21:23, 22:22
u6:25Pot 14:13
v6:27-30Lo 12:17; 1 Ko 6:7
w6:281 Pi 3:9
x6:29Pot 21:26
y6:30Lu 12:33
z6:31Mt 7:12
aa6:32-34Lu 14:12-14
ab6:34Pot 21:26
ac6:35Lep 25:35-36; Mt 5:9
ad6:36Lu 15:1-7
ae6:37Eke 34:6-7; Mt 6:14; Je 2:13
af6:38Pot 12:14; Mk 4:24; Ap 20:35
ag6:39Mt 15:14
ah6:40Mt 10:24-25; Jo 13:16, 15:20
ai6:43-45Je 3:11-12
aj6:44Mt 12:33
ak6:45Mt 12:34; Mk 7:20
al6:46Mal 1:6; Mt 7:21
am6:47-49Je 1:22-25

Luke 6

Sambasa giinya kalai napyepape latae singi doko

(Mt 12:1-8; Mk 2:23-29)

Sambasa a  gii mendenya Jisasame wiisa ee kaina mendenya kaita peamopa, baanya disaipele dupame wiisa dii mendapua kii lao nyepapu kuka pinya nepata napa
a napaJuta dupanya mana mendeme wiisa ee kainanya kaitini singi dupanya kaita endakali dupa payao pituu wiisa dii dupa kii lao nyoo napa pyoo paengema-pyaa.
pyoo peami-pyaa.
Dopa c  piaminopa Patasi mendapuame lao pituu, “Aipuma nyakamame mana setapae dupa nepao Sambasa gii dokonya daa latae singi mana doko minilyamipi?” leami-pyaa. Jisasame d, e  pii doko yanu pyao, “Nyakamame Dapitimi piamo doko pepanya itaki pyala nayamipi? Baapi baa-pipa awapa kateamino akali dupapimi lopo kayapala Gotenya losuu anda dokonya kolandatala betesa Gotenyana lao setapae pitisa dupame iki napenge dupa nyepala baa-pipa awapa kateamino dupa maiyoo nea-pyaana,” lea-pyaa. Dopa latala Jisasame dokaita lamaiyoo, “Endakalinya Ikiningi dokome Sambasa gii doko isoo kalyamona,” lea-pyaa.

Akali kingi kumapae doko

(Mt 12:9-14; Mk 3:1-6)

Dee f  Sambasa gii mendenya Jisasame Jutamanya losuu anda mendenya kolandatala endakali dupa mana lamaiyoo kateamopa, akali kingi tolae-kaita kumapae mende petea-pyaa. Peteamopa mana setapae masingi akalipi dee Patasipi dupame Jisasa kosimi lamana lao masetala baame endakali yaina pyapae mende Sambasa gii dokonya mee injisilyape daape lao baa isokondape pyoo peteami-pyaa. Dopa g  lao masoo peteamino doko kandatala Jisasame akali kingi kumapae doko lamaiyoo, “Emba sakatatala ipao kaina dakenya toya kata!” lea-pyaa. Akali doko sakatatala toya katea-pyaa. Dokopa Jisasame dokaita lamaiyoo, “Nambame nyakama pii mende pisilyo. Mana setapae dupame naima langyoo aipa lelyape? Sambasa gii dokonya koo pipenge doko kapa pelyape, pande epe pipenge doko kapa pelyape? Endakali mende pyao kumasepenge doko kapa pelyape, pande pyoo nyepenge doko kapa pelyape?” lea-pyaa. 10 Dopa latala baame endakali pitaka kandayoko lao kandatala akali doko lamaiyoo, “Embanya kingi doko tinoka!” lea-pyaa. Akali dokome Jisasame leamoli piamopa kingi doko dee auu pia-pyaa. 11 Dopaka h  doko, Patasipi mana setapae masingi akalipi dupame etete imbumi kumapala lao pituu, “Naimame Jisasa doko aipa pimape?” lao nyakamalapo leami-pyaa.

Jisasame akali kingi ita-kisa dee lapoma yapao nyiamo doko

(Mt 10:1-4; Mk 3:13-19)

12 Gii i  dokopa Jisasame manda mendenya loma salanya pyakalyia-pyaa. Pyakalyetala Gote lao loma soo katao yuu kuisetala yongasia-pyaa. 13 Yuu j  yongateamopa k  baame baanya disaipele dupa epena latala akali kingi ita-kisa dee lapoma dutupa yapao nyia-pyaa. 14 Akali Saimone doko Jisasame kenge mende Pita leamo dokopi, Saimonenya kaiminingi Endutu dokopi, Jemesapi, Jonepi, Pilipapi, Batolomyupi, Matyupi, Tomasapi, Jemesa lenge Aopiasa ikiningi dokopi, Saimone
b saimoneKenge Saimone doko Iputu pii lao Saimone Kenanayosa lenge. Gitiki pii lao Saimone Selote lenge. Kenge dolaponya tenge doko baame Gotepi Gotenya mana makandepi etete watao minawanimi kumingi. Mt 10:4 doko kandape.
kenge mende Selote lenge dokopi, Jutasa lenge Jemesa ikiningi dokopi, Jutasa Isaketiote lenge Jisasa enge nyiamo akali dokopi dutupa yapao nyepala kenge aposele lea-pyaa.

Jisasame endakali longo kambu piamino dupa nisiamo doko

(Mt 4:23-25)

17 Jisasame m, n  akali dutupa-pipa yuu lama mendasa lanao ipupala baanya disaipele longopi, Jutia yuu doko pitakanya endakali etete longo epeamino dupapi, Jetusaleme tangepi, solowata pete andake dokonya lembanya yuu singi Taya tangepi, Saitone tangepi dupa awapa kateamiaka-pyaa. 18 Dokaitame Jisasanya pii doko salanya ipao pituu dee baame nyakamanya yaina dupa mee injisekena lao epamiaka-pyaa. Enjele koo dupame endakali kenda pisiamo dupa epeaminopa Jisasame dupanya enjele koo paleamo dupa watao nepakamaiyoo mee injisakamaiya-pyaa. 19 Jisasanya o  pupu lapae dokome endakali auu pisiamosa endakali pitakame baa kingimi watandalanya ipata piami-pyaa.

Mona yaepengepi dee mona kenda kaengepi

(Mt 5:1-12)

20 Dokopa Jisasame baanya disaipele dupa kandatala lao pituu,

“Nyakama endakali tipya dupa Goteme isoo kalyamona lao mona yaepao kalyamino.
21 Nyakama p  indupa lopo kayao katenge endakali dupa tiaka kayao katatamana lao mona yaepao kalyamino.
Nyakama ee lao katenge endakali dupa gii kayao katatamana lao mona yaepao kalyamino.
22 “Endakali q  dupame nyakama kandao imbu kaengyowapi dee nyakama maka kayapala pii koo lawaka nyakamanya lao nambonambo pyowapi pitaminopa, dokaitame Endakalinya Ikiningi doko daa lao masetala dopa pilyaminona lao nyakama mona yaepao katatami. 23 Endakali r  dupame nyakama kandao dopa lataminopa, nyakamame nyakamanya yole etete andake kaiti-kisa silyame lamona lao masoo mona yaepao lyoo katatami. Dupanya yumbange dupame potopesa dupa kandao dopaka piami daape!

24 “Dopaka s, t  doko, nyakama oapi longo setelyamino dupanya mona yaepasingi tenge dupa indupa etapelyamona koyatami iki lamo!
25 Dee u  indupa nyakama nee napala tiaka kaelyamino dupame tenda lopo kayao koyatami iki lamo!
Dee indupa nyakama mona yaepatala gii kayao kalyamino dupame tenda mona kenda kayapala ee lao koyatami iki lamo!
26 Wamba dokaitanya yumbange dupame sambo potopesa dupanya kenge minalyiaminoli pyoo
endakali pitakame nyakamanya kenge minalyetamino kandao doko, nyakama koyatami iki lamo!

Yandapipi dupa auu kaenge mana doko

(Mt 5:38-48)

27 “Dopana, v  nyakama nambanya pii silyamino dupa dapa lao langilyo: nyakamame nyakamanya yandapipi dupa-pipa auu kayao kalyepape. Nyakama kandao imbu kaengelyamino endakali dupa nyakamame mana epe lamaiyepape. 28 Nyakama w  koyasalanya pii lelyamino endakali dupa auu pyoo katena lao Gote lao loma sakamaiyepape! Dee nyakama minakasoo kenda pisilyamino endakali dupa lao masetala Goteme kondo kaena lao loma salapape! 29 Akali x  mendeme embanya wakena yangi takyoo pia kandeno dokopa, embame kapilyetala yangi etete pina lapeaka. Akali mendeme embanya yonge pee pingi kisa doko nyia kandeno doko, isa pingi doko awapa daa laa naenya nyina kayapeaka. 30 Endakali y  dupame oapi mende emba-kisa tee latamino doko embame maipi. Akali mendeme embanya oapi mende nyia kandeno doko, embame yanu pyekena laa nayape. 31 Endakali z  dupame nyakamanya pyakapimili lao masetamili pyoaka nyakamame dupanya pyakamaiyepape.

32 “Nyakamame aa  endakali nyakama auu kayatamino dupa iki auu kayatamino kandao doko, apimi nyakamanya mana doko ‘Yaka minilyaminona,’ lakatape? Endakali koo mana minao paenge dupame dokaita auu kayatamino endakali dupaka auu kaengema daape. 33 Endakali nyakama auu pisingima dupa iki itingi auu pisatamino kandao doko, apimi nyakamanya mana doko ‘Yaka minilyaminona,’ lakatape? Endakali koo mana minao paenge dupame dokaita auu kayamailyamino endakali dupaka auu kayamaingima daape. 34 Nyakamame ab  nyakamanya oapi mende yanu pyapenge endakali dupa iki maitamino kandao doko, apimi nyakamanya mana doko ‘Yaka minilyaminona,’ lakatape? Mana koo minao paenge endakali dupame dopale yango dupa oapi maitala dopaka pyoo yanu nyemana lao masingima daape. 35 Dopana, ac  nyakamame nyakamanya endakali yandapipi dupa auu kayalapape! Nyakamame dupa auu kayao oapi mende maitala yanu pyakatamina lao masala nayalapape. Nyakamame dopa pitaminopa etete epe mende nyakama-kisa seta. Dee nyakama Etete Ketae Katenge dokonya ikiningi katatamiaka. Epe nyilyamino dupanya tange doko lao masala naenge endakali dupapi koo pingi endakali dupapi dupa kandao Goteme kondo kaenge. 36 Nyakamanya ad  Takange kaitinya katenge dokome nyakama kondo kaengeli pyoo nyakamame endakali dupa kondo kayalapape.

Endakali dupa koo epe lao yapala nayalapape leamo doko

(Mt 7:1-5)

37 “Nyakamame ae  endakali mende koo epe lao yapala nayalapape! Dokopa Goteme nyakama koo epe lao yapala nayataka. Nyakamame endakali mende-kisa tenge setamopa kenda pisala nayalapape! Dokopa Goteme nyakama kenda pisala nayataka. Nyakamame dokaitanya koo pingi yanu dupa kayalapape! Dokopa Goteme nyakamanya koo dupa kunanya nepakata. 38 Nyakamame af  nyakamanya epe dupa endakali dupa maiyepape. Dopa pitaminopa Goteme epe dupa nyakama dita. Baame eteteaka longo dupa dyoo tumbasetala minao lyanda lyanda lao tuu lanya pyandatamopa eteteaka tumbao kai lala pupenge jeta. Dopa pyoo Goteme nyakama oapi dupa sanga pyata. Nyakamame endakali dupa maitaminoliaka pyoo Goteme nyakama ditana,” lea-pyaa.

39 Dopa ag  latala Jisasame pii dokonya waipa soo dee kongali mende dokaita lamaiyoo, “Akali lenge koo mendeme lenge koo yango mende kapa pao kaitini laitaka pitape, pande lapota yuli mendenya pyakatambipi? Dolapo yulinya pyakatambi daape! 40 Dee ah  disaipele mendeme baa mana lamaingi dokonya alyasale joo nakatenge. Dopaka doko, baa mana nyoo etapala baa mana lamaingi dopale jeta.

41 “Aipuma embame emba tangenya lenge dokonya ita waiyepae andake silyamo doko nakandenya embanya endakali yango mendenya lengenya kuni silyamo doko kandakamaiyoo kalyepe? 42 Embame emba tangenya lenge dokonya ita waiyepae andake silyamo doko kandala naeleno doko aipa pyoo embanya endakali yango doko kandao, ‘Kaimia, embanya lengenya kuni silyamona nyakatoo,’ latepe? Emba sambo akali epe jili pyoo kalyeno! Wambao embanya lengenya ita waiyepae andake silyamo doko nyoo nepao embanya lenge takondape petala endakali yango mendenya lenge kuni silyamo doko kapa pao nyoo nepakamaitina,” lea-pyaa.

Ita diipa itangepa

(Mt 7:17-20; 12:33-35)

43 “Ita ai  epe dupame dii koo namandenge. Ita koo dupame dii epe namandengeaka. 44 Ita aj  mendenya dii mandelyamo dupa endakali dupame wambao kandatala ita angi doko dopale lamo lao masingima. Endakali mendeme makua ita mendenya kapa pao anga lyao nanyingi. Dee ikililyambu kende mendenya kopi lyao nanyingiaka daape. 45 Endakali ak  epe mendeme baanya monanya mana epe palelyamo dokoaka miningi. Dee endakali koo mendeme baanya monanya mana koo palelyamo dokoaka miningi. Endakali monanya palelyali pyoo kambunya pyakalyingina,” lea-pyaa.

Akali lapomame anda lapoma piambino doko

(Mt 7:24-27)

46 “Nyakamame al  namba kandao, ‘Kamongo, Kamongo,’ lelyaminoaka doko, aipuma nambanya pii doko watao minala naelyamipi? 47 Akali am  mende namba-kisa ipao nambanya pii soo latoli pitamo akali doko dapalena lao langilyona salapape! 48 Akali dokome baanya anda pyaanya muku minapala yuu kyoto mendasa anda pia-pyaa. Dopa peteamopa maitakao endaki andake lyiamopa anda doko takyalanya piamoaka doko, baame anda doko kyoto joo piamo dokonya emapi mende napia-pyaa. 49 Dopaka doko, endakali mendeme nambanya pii doko sepala watao minala naenge akali doko dapale: baame baanya anda piamo doko muku minala naenya mee yuunya piamosa maitakao endaki lyepala anda doko yapa takyepala etete koya-pyaana,” lea-pyaa.

Copyright information for `ENQ