a1:11 Ktl 17:11; Ais 11:1; Mt 9:27; Ga 3:16
b1:2Ip 7:14
c1:3Jen 38:29-30
d1:3-6Lus 4:18-22; 1 Ktl 2:1-15
e1:5Jas 2:1; Lus 4:13-17
f1:62 Sam 12:24
g1:71 Ktl 3:10-16
h1:112 Kiŋ 24:14-15; 2 Ktl 36:10
i1:12Esl 3:2
j1:18Lu 1:26-38, 2:5,11
k1:20Jen 16:7; Mt 2:13,19, 28:2; Lu 1:11, 2:9; Jo 5:4
l1:21Wee 130:8; Lu 1:31,35, 2:11,21; Jo 1:29; Ap 3:16, 4:12, 13:23
m1:23Ais 7:14
n1:25Lu 2:7,21

Matthew 1

Jisasa Kataisanya yumbange dupanya kenge dupa

(Lu 3:23-28)

Jisasa a  baa Dapiti tatanya mandipae. Dapiti baa Apotakame tatanya mandipae. Pii dake Jisasa Kataisanya yumbange tata paliuu epeamino dupanya:

Apotakame b  ikiningi Aisake. Aisake ikiningi Jekope. Jekope ikiningi dupa Jutapi dee baanya kaiminingi dupapi. Juta c, d  ikiningi dolapo Petesapa Satapa. Dolaponya endangi doko Tama. Petesa ikiningi Esotone. Esotone ikiningi Lamo. Lamo ikiningi Aminatape. Aminatape ikiningi Nasone. Nasone ikiningi Salomane. Salomane e  ikiningi Boasa. Boasa endangi doko Leapa. Boasa ikiningi Opeta. Opeta endangi doko Lusa. Opeta ikiningi Jesi. Jesi f  ikiningi doko Kiŋi Dapiti.

Dapiti ikiningi Solomone. Solomone endangi doko wamba akali Yutayame enda nyiamo doko.
Solomone g  ikiningi Liapome. Liapome ikiningi Apaisa. Apaisa ikiningi Esa. Esa ikiningi Jiosapata. Jiosapata ikiningi Jotama. Jotama ikiningi Usaya. Usaya ikiningi Jotame. Jotame ikiningi Easa. Easa ikiningi Esekaya. 10 Esekaya ikiningi Manasa. Manasa ikiningi Emosa. Emosa ikiningi Josaya. 11 Josaya h  ikiningi dupa Jekenayapi dee baanya kaiminingi dupapi. Gii dokopa Isataele endakali dupa Bapilone yuu dokonya lanyoo peami-pyaa.

12 Pateaminopa i  Jekenayame Siatiele mandea-pyaa. Siatiele ikiningi Setapapele. 13 Setapapele ikiningi Apiata. Apiata ikiningi Elayakimi. Elayakimi ikiningi Eso. 14 Eso ikiningi Setoko. Setoko ikiningi Ekimi. Ekimi ikiningi Elayata. 15 Elayata ikiningi Eliesa. Eliesa ikiningi Matana. Matana ikiningi Jekope. 16 Jekope ikiningi Josepe. Josepe doko enda Matia akalingi. Enda Matia doko Jisasa kandao Kataisana lengema dokonya endangi.

17 Dopana, wamba Apotakame kateamo gii dokonya pituu, Dapiti kateamo dokonya tuu lao yumbange tata paleamino dupa kingi ita mende-kisa dee kitomende. Dapiti kateamo gii dokonya pituu, Isataele endakali dupa Bapilone yuu dokonya lanyoo peamino gii dokonya tuu lao yumbange paleamino dupa kingi ita mende-kisa dee kitomendeaka. Bapilone yuu dokonya lanyoo peamino gii dokonya pituu, Kataisa doko mandeamo gii dokonya tuu lao yumbange tata kingi ita mende-kisa dee kitomendeaka paleami-pyaa.

Matiame Jisasa Kataisa mandeamo doko

(Lu 2:1-7)

18 Jisasa j  Kataisa mandeamo dokonya atome doko dapa: Jisasa endangi Matia doko akali Josepeme nyetana lao andaka joo peteambi-pyaa. Dopaka doko, Josepeme Matia endana lao lanyepala nayamopa, Oli Sipitisame Matia wane maiyamopa tongata petea-pyaa. 19 Matia akalingi Josepe doko akali epe tolatae dokonyana, baame Matia elya pisala nayato lao masia-pyaa. Dopa lao masetala baame enda doko elyakao pata-pata lao kayatoana lao masia-pyaa. 20 Dopa k  lao masoo kateamopa, Kamongonya enjele mendeme baa kombeame lamaiyoo, “Josepe, Dapiti yumbange, embame enda Matia doko embanya enda jina lao lanyalanya paka nakayape. Baanya inginya wane pilyamo doko Oli Sipitisame maiya. 21 Baame l  wane ane mende manditana, embame baa kenge doko Jisasa lape. Doko baame baanya endakali dupanya koo dupa kunanya nepatakamaitala pyoo nyetana,” lea-pyaa.

22 Piamo m  dutupa pitaka wamba Kamongome potopesa mende-kisa pii leamo datupa angi injisoo pia-pyaa: “Enda mapuakae akali mendepa tole napingi mendenya inginya wane ane mende pititamopa mandita. Mandipatamopa dupame baanya kenge doko Emanyuele latamina,” potopesa dokome dopa lea-pyaa. (Kenge Emanyuele dokonya tenge doko Gote naima-pipa tole kalyamano.)

24 Josepe paliuu sakatatala Kamongonya enjele dokome baa lamaiyamoli pyoo baame enda doko lanyia-pyaa. 25 Dopaka n  doko, baame enda dokopa tole napyawaka katao wane ane doko mandeamo gii dokonya tuu lea-pyaa. Dopa petala baame wane doko kenge Jisasa lea-pyaa.

Copyright information for `ENQ