a12:1Eke 20:8; Dit 23:25
c12:2Eke 20:10; Jo 7:22
d12:3-41 Sam 21:1-6
e12:4Lep 24:59
f12:5Nam 28:9-10
g12:6Mt 12:41-42; Lu 11:31-32; Jo 2:20
h12:71 Sam 15:22; Osi 6:6; Mt 9:13
i12:8Jo 5:1-18, 7:19-24, 9:1-41
j12:10Lu 14:3, 20:20; Jo 8:6, 9:14
k12:11Lu 14:5; Jo 7:22-23
l12:12Mt 10:31
m12:14Mk 14:1; Jo 5:16,18, 7:30, 8:59, 10:39, 11:53
n12:15Mk 3:7-10
o12:16Mt 8:4; Mk 1:34, 3:12
p12:18Mt 3:16
q12:18-21Ais 42:1-4; Mt 3:17
r12:20Sak 11:16; 2 Ti 2:24
s12:22Mt 9:32-33
t12:23Mt 9:27
u12:24Mt 9:24, 10:25; Jo 7:20, 8:52, 10:20
v12:26Jop 1:6
w12:28Mt 3:16; Lu 11:20; Ap 10:38; 1 Jo 3:8
x12:29Ais 49:24; Jo 12:31; 1 Jo 4:4
y12:30Mk 9:40; Lu 9:50
z12:311 Ti 1:13; Ip 6:4-6, 10:26
aa12:32Lu 12:10; Ip 10:30
ab12:33-35Mt 7:16-20; Je 3:11-12
ac12:34Pot 10:14; Mt 3:7, 15:11,18, 23:33; Lu 3:7
ad12:36-37Je 3:1-6
ae12:38Ese 3:7; Mt 16:1; Mk 8:11; Lu 11:16; Jo 2:18, 6:30; 1 Ko 1:22
af12:39Mt 6:4; Jo 4:48
ag12:40Jon 1:17
ah12:41Jon 3:5; Mt 12:6
ai12:421 Kiŋ 10:1-10; 2 Ktl 9:1-12; Lo 2:27
aj12:45Mk 5:9; Lu 8:2; Jo 5:14; 2 Pi 2:20
ak12:46Mt 13:55-56; Mk 6:3; 1 Ko 9:5
al12:46-50Jo 2:2-3,12, 7:2-3,10; 19:25-27
am12:48Lu 2:49,50
an12:50Jo 15:14; Lo 8:29

Matthew 12

Sambasa giinya kalai napyepape latae singi doko

(Mk 2:23-28; Lu 6:1-5)

Maitakao a  Jisasa Sambasa gii mendenya wiisa ee kaina mendenya kaita peamopa, baanya disaipele dupame lopo kayapala wiisa dii mendapua kii lao nyoo nama-nama
e nama-nama Juta dupanya mana mendeme wiisa ee kainanya kaitini singi dupanya kaita endakali dupa payao pituu wiisa dii dupa kii lao nyoo napa pyoo paengema-pyaa.
peami.
Dopa c  piaminopa Patasi dupame kandatala Jisasa lamaiyoo, “Embanya disaipele dupame Sambasa gii dokonya daa latae singi mana doko minilyamino kandape!” leami. Dokopa d  Jisasame pii doko yanu pyao, “Nyakamame Dapitipi dee baa-pipa awapa kateamino akali dupapi lopo kayapala Dapitimi piamo doko nyakamame pepanya itaki pyala nayamipi? Baame e  Gotenya losuu anda dokonya kolandatala betesa Gotenyana lao setapae dupa nyepeamopa, dupame neami-pyaa. Betesa dupa pitisa dupame iki napengena, waka dupame daana latae singi-pyaa. Dee f  nyakamame Moseseme mana pii pepa piamo dupanya mende itaki pyala nayamipi? Sambasa gii dupanya pitisa dupame mana yalao losuu anda andake dokonya kalai pilyaminoaka doko, tenge mende nasingi. Dopana g  angi dakeme losuu anda andake doko ita minilyamona lao nambame nyakama langilyo. Pii h  mende dapa lapae silyamo: ‘Kundi dingi doko daana, kondo kayamaingi doko nambame auu kaenge.’ Pii dopa lapae silyamo dokonya tenge doko nyakamame masiamili kandao doko, tenge nasingi endakali dupa-kisa kapa pao tenge setala nayamili. Endakalinya i  Ikiningi dokome Sambasa gii doko isoo kalyamona,” Jisasame lea.

Akali kingi kumapae doko

(Mk 3:1-6; Lu 6:6-11)

Dokopa Jisasame yuu dutupa yakinatala dokaitanya losuu anda mendenya pea. 10 Peamopa j  akali kingi kumapae mende petea. Endakali mendapuame Jisasa kosimi lamana lao masetala baa pisoo, “Sambasa gii dupanya endakali yaina pyapae dupa mee injisepenge doko, naimanya mana setapae dupanya kapa pelyape daape?” leami. 11 Dopa k  leaminopa Jisasame dokaita lamaiyoo, “Nyakamanya akali mendenya mena sipisipi mende katatamo kandao doko, Sambasa gii mendenya yuli koko mendenya mangatamopa sipisipi tange dokome minatala kopyoo kamanda nanyetape? 12 Endakalimi l  sipisipi dupa etete ita minao kalyamino daape! Dopana naimame Sambasa gii dokonya mana epe dupa minapengena,” lea. 13 Dopa latala baame akali kingi kumapae doko lamaiyoo, “Embanya kingi doko tinoka,” lea. Tinokateamopa kingi doko yangi epe dopaleaka jia. 14 Dopa m  piamopa Patasi dupame losuu anda doko yakinatala pao Jisasa pyao kumasemana lao kambuiyami-pyaa.

Jisasa baa Gotenya yapao nyepae kalai akali doko

15 Jisasame n  pii doko sepala, baame yuu doko yakinatala pea. Dokopa endakali longo dupame baa watao peaminopa, baame endakali yaina pyapae dupa pitaka auu pisakamaiya. 16 Dopa o  petala baame kyoto joo dokaita lamaiyoo, “Nyakamame namba lao panala nayalapape,” lea. 17 Dopa piamo dokome potopesa Aisayanya kambunya pii mende Goteme leamo doko angi jia.

18 “Dake p, q  nambanya kalai akali doko nambame baa yapao nyepeo.
Nambame baa etete auu kayapala, baa kandao etete mona epe palyingi.
Nambanya Sipitisa doko baa-kisa setatopa,
baame nambanya mana tolatae doko endakali tata dupa pitaka panao lamaita.
19 Baame tanga lawapi yako lawapi napita.
Baanya kambu dokonya pii kyotopi mende kaitini kembo dupanya nasetamiaka.
20 Kembo r  maitange mende tambapala lakalanya pitamo doko baame etete lakasala nayata.
Ita langa mende konjalanya kii lao setamo doko baame etete konjisala nayata.
Baame dopa pyoaka katao mana tolatae dokome ita minatamo dokonya tuu lata.
21 Dokopa endakali tata dupa pitakame baa lao masoo minatala malisoo katatamina,” Aisayame dopa lea-pyaa.

Jisasapa Belesapulupa

(Mk 3:20-30; Lu 11:14-23; 12:10)

22 Gii s  dokopa endakali mendapuame akali lenge monda pii laa naenge enjele koo paleta mende laminao Jisasa kateasa epeami. Jisasame akali doko auu piseteamopa pii lao lenge tao pia. 23 Dokopa t  endakali kambu piamino dupa pitakame mona andapala lao pituu, “Akali dake Dapiti Yumbangepe?” leami. 24 Dopaka u  doko, Patasi dupame pii doko sepala lao pituu, “Enjele koo isingi Belesapulu mambele iki baame enjele koo dupa watao pilyamona,” leami.

25 Dopa leaminopa Jisasame dokaitanya masiamino doko kandatala dokaita lamaiyoo, “Yuu dupanya kiŋi mendeme isingi tata dupanya mende wakale pyoloo petala yanda pitaminopa tata doko etete koyata. Dee yuu taono mendenya tamopi anda mendenya tamopi endakali dupa wakale pyoloo petala yanda pitaminopa taono doko tamopi anda doko tamopi etete koyataka. 26 Dee v  Sataneme Satane tange watao pyatamo kandao doko, baame baa tangeaka wakale pyoloo petala yanda pimaita. Dopa pitamo kandao doko, baame isingi tata doko aipa petala kyoto joo katatape? 27 Nambame Belesapulu mambele enjele koo dupa watao pyapuli kandao doko, nyakamanya mana nyingi dupame api mambele enjele koo dupa watao pyapimilipi? Dokonya dokaitame, ‘Nyakamame kopeta leami lamona,’ latami. 28 Dopaka w  doko, nambame Gotenya Oli Sipitisa doko mambele enjele koo dupa watao pyato kandao doko, Goteme nyakama isala ipatamosa.

29 “Aipa x  petala akali mendeme akali pupu lapae mendenya andaka kolandatala baanya pinju setamo dupa kapa pao nyetape? Baame akali pupu lapae doko wambao kendeme yaki pinya setapala tamo kandao doko, kapa pao baanya andaka pinju setamo dupa pyao nyeta.

30 “Endakali y  mende namba tata joo nakalyamo doko nambanya yandapipi lamo. Dee endakali mendeme namba-pipa endakali nyoo limbala naelyamo dokome endakali dupa saa lasingi. 31 Tenge z  dokonya nambame nyakama langilyo, Goteme endakali dupanya koo pingi dupapi baa kandao lamba latamino dupapi dupa pitaka kunanya nepakamaita. Dopaka doko, endakali mendeme Oli Sipitisa doko kandao lamba latamo kandao doko, Goteme baanya koo doko kunanya nepakamaiya nayata. 32 Endakali aa  mendeme Endakalinya Ikiningi doko kandao lamba latamo kandao doko, Goteme baanya doko kunanya nepakamaita. Dopaka doko, endakali mendeme Oli Sipitisa doko kandao lamba latamo kandao doko, Goteme baanya koo doko indupapi tendapi kunanya nepakamaiya nayatakana,” Jisasame lea.

Ita diipa itangepa

(Lu 6:43-45)

33 “Ita ab  epe dupame dii epeaka mandenge. Ita koo dupame dii ka mandenge. Ita mendenya dii mandelyamo dupa wambao kandatala ita angi doko dopale lamo lao masingima. 34 Nyakama ac  kanopato pambeanya mandipae! Nyakama koo dupame aipa petala kapa pao pii epe mende lengemape? Endakali monanya palelyali pyoo kambunya pyakalyingi. 35 Endakali epe mendenya monanya epe palelyamo dupaka pyakalyingi. Dee endakali koo mendenya monanya koo palelyamo dupaka pyakalyingi.

36 “Nambame ad  nyakama dapa langilyo: tenda mokosetamo gii dokopa Goteme endakali pii mee ambe lengema dupanya maa minao tenge angi doko piseta. 37 Emba tangenya pii dokonyaka Goteme, ‘Emba-kisa tenge mende nasilyamona,’ lata. Daa tamo kandao doko, emba tangenya pii dokonyaka Goteme, ‘Tenge emba-kisa silyamona,’ latana,” Jisasame lea.

Endakali mendapuame kongali mende pina leamino doko

(Mk 8:12; Lu 11:29-32)

38 Gii ae  dokopa mana setapae masingi akalipi Patasipi mendapuame Jisasa lamaiyoo, “Mana Lenge Akali, embame kongali mende pipinopa naimame kandapuma laka lao masilyamanona,” leami. 39 Dopa af  leaminopa baame dokaitanya pii yanu pyakamaiyoo, “Endakali indupa palelyamino dupame Gote yakinenge kooma lamo! Nyakamame kongali mende kandamana lelyaminoaka doko, nambame kongali mende pyakala nayatoo. Goteme potopesa Jonaa-kisa kongali piamo dokoaka makande petae seta. 40 Wamba ag  Jonaa doko kotaka gii tepo kuka gii tepoaka wapaka andake mendenya ingi koko paleamoliaka pyoo, Endakalinya Ikiningi doko kotaka gii tepo kuka gii tepoaka yuu koko palita. 41 Wamba ah  akali Jonaa dokome yuu Nenepa tange dupa pii panao lamaiyamopa dokaitame sepala mona kapilyiaminoaka doko, indupa Jonaa doko ita miningi akali doko ae kalyamo. Tenge dokonya Goteme endakali mokosetamo gii dokopa endakali Nenepa tange dupame sakatatala nyakama kosimi latami. 42 Wamba ai  Isingi Enda Kuini mendeme yuu Sauta-kaita pituu masingi akali Solomone lenge doko kanjanya kaita etete londe mendenya epea-pyaa. Dopaka doko, indupa akali mendeme Solomone etete ita minao ae kalyamo. Tenge dokonya Goteme endakali mokosetamo gii dokopa, Isingi Enda Kuini dokome sakatatala nyakama kosimi latana,” lea.

Enjele koo dee pilyoo epenge doko

(Lu 11:24-26)

43 “Enjele koo mendeme endakali mende yakinatala dokopa, baa mendasa koto nyoo kalyanya yuu sapu dupanya paelya paena pyoo panda kutingi. Kutao kayapala, baame lao pituu, ‘Nambame anda wamba yakineo dokonya dee pilyoo pato,’ lenge. Dopa latala baame anda dokonya pao kandelyamopa anda kuaa doko potoma polao yati petae kalyamo kandenge. 45 Dopa aj  petae kalya silyasa baame pupala enjele etete koo kalange lanyepala anda dokonya dee pilyoo ipao katengema. Dokopa akali doko wamba kopeta kateamoaka doko, indupa etete kopeta katenge. Endakali tata koo indupa palelyamino dupa mendai dopaka pyoo katatamina,” Jisasame lea.

Jisasanya endangi dokopi kaiminingi dupapi

(Mk 3:31-35; Lu 8:19-21)

46 Jisasame ak, al  endakali kambu dupa pii lamaiyoo kateamopa baanya endangi dokopi baanya kaiminingi dupapi ipao kamaka katapala, baa-pipa pii lamana lao masiami. 47 [Dopa piaminopa akali mendeme Jisasa lamaiyoo, “Yaa, embanya endangi dokopi kaiminingi dupapi kamaka katapala emba-pipa pii lamua laka lao masilyaminona,” lea.] 48 Dopa am  leamopa Jisasame akali dokonya pii yanu pyakamaiyoo, “Nambanya endangi doko apipi? Nambanya kaiminingi dupa apitupape?” lea. 49 Dopa latala baame baanya disaipele dupa kingimi laitaka petae katao lao pituu, “Datupa nambanya endangipi kaiminingipina, kanjepape. 50 Nambanya an  Takange kaitinya katenge dokome masingili pingima endakali dupa nambanya kaiminingipi, pimalengepi, endangipina,” Jisasame lea.

Copyright information for `ENQ