a5:1Mk 3:13; Lu 6:17; Jo 6:3
b5:3Ais 57:15; Mt 19:21,29; Mk 10:14; Lu 22:29; 2 Ko 8:9
c5:4Wee 126:5; Ais 61:2-3; Jo 16:20; Pa 7:17
d5:5Jen 13:15; Wee 37:11; Pot 2:21
e5:6Pot 9:5; Ais 55:1-2; Emo 8:11; Jo 4:14, 6:48-51
f5:7Je 2:13
g5:8Eke 33:20; Wee 24:3-4, 37:1, 51:10; Pot 22:11; Ip 12:14; 1 Jo 3:2; Pa 22:4
h5:9Wee 34:14; Pot 12:20, 15:18; Sak 8:16; 1 Jo 3:2
i5:10Je 1:2; Ip 12:4; 1 Pi 3:14
j5:111 Pi 4:14
k5:122 Ktl 36:16; Mt 23:31,34,37; Ap 5:41, 7:52; Pl 1:29; Kl 1:24; 1 Te 2:15; Ip 10:34, 11:32-38; Je 1:2, 5:10
l5:13Lep 2:13
m5:14Jo 1:4-9, 8:12, 9:5; Ep 5:8; Pl 2:15
n5:15Mk 4:21; Lu 8:16, 11:33
o5:16Jo 3:21, 15:8; 1 Ko 3:17; 1 Pi 2:12
p5:17Mt 3:15; Lo 3:31, 10:4
q5:18Mk 13:31; Lu 16:17, 21:33
r5:19Je 2:10
s5:20Lo 10:3; Pl 3:9
t5:21Eke 20:13, 21:12; Lep 24:17; Dit 5:17
u5:22Ep 4:26; Je 1:19-20, 3:6; 1 Jo 3:15
v5:23Mk 11:25
w5:24Pot 17:14
x5:25-26Mt 6:14-15, 18:34-35; Lu 12:57-59
y5:25Ep 4:32
z5:27Eke 20:14; Dit 5:18
aa5:28Jop 31:1; 2 Pi 2:14
ab5:29Mt 18:9; Mk 9:47; Kl 3:5
ac5:30Mt 18:8; Mk 9:43
ad5:31-32Dit 24:1-4; Mal 2:14-16; Mt 19:7,9; Mk 10:4,10-11; Lu 16:18; 1 Ko 7:10-11
ae5:33Eke 20:7; Lep 19:12; Nam 30:2-3; Dit 23:21-22
af5:34Wee 11:4; Ais 66:1; Mt 23:22; Ap 7:49; Je 5:12
ag5:35Wee 48:2; Ais 66:1; Ap 7:49
ah5:372 Ko 1:17-19; Je 5:12
ai5:38Eke 21:24; Lep 24:20; Dit 19:21
aj5:39-421 Pi 2:19, 3:9
ak5:39Lep 19:18; Pot 24:29; J.Ee 3:30; Jo 18:22-23; Lo 12:17,19,21
al5:401 Ko 6:7
am5:43Lep 19:18; Jop 31:29
an5:44Eke 23:4-5; Pot 25:21-22; Lu 23:34; Ap 7:60; Lo 12:14,20
ao5:45Pot 22:2, 29:13; Ep 5:1
ap5:47Lu 3:12
aq5:48Lep 11:44, 19:2; Dit 18:13; Je 1:4; 1 Pi 1:16; 1 Jo 3:3

Matthew 5

Jisasame yuu manda dokonya katao mana leamo doko

(Lu 6:20-23)

Jisasame a  endakali kambu longo dupa kandatala baa yuu manda mendenya pao petea-pyaa. Peteamo dokonya baanya disaipele dupa ipupala baa pituu kakopeami-pyaa. Dopa piaminopa baame tee pyao dokaita dapa lao mana lamaiya-pyaa:

“Monanya b  tipya joo kalyamano lao masoo katenge endakali dupa,
Kaitinya Katenge dokome isilyamona mona yaepena.
“Ee c  lao katenge endakali dupa,
Goteme mona epe palisetana mona yaepena.
“Endakali d  andanda semaiyoo katenge dupame
yuu dake nyakamanya moya nyetamina mona yaepena.
“Lopo e  pilyamopapi endaki nanu pilyamopapi napu laka lao putiti kaengeli pyoo, mana tolatae doko nyipu laka lao putiti kayao katenge endakali dupa, Goteme maiyoo etete kapa pisetana mona yaepena.
“Endakali f  yango kondo kaenge dupa, Goteme kondo kayatana mona yaepena.
“Mona g  epe palenge endakali dupame, Gote kandatamina mona yaepena.
“Mona h  mendai paliuu katamana lao kyoto joo akema lenge endakali dupa, Goteme baanya ikiningina latana mona yaepena.
10 “Mana i  tolatae watao minapiminosa kenda pipae nyilyamino endakali dupa,
Kaitinya Katenge dokome isilyamona mona yaepena.
11 “Nyakamame j  namba watao minataminosa endakali dupame nyakama kenda pisowapi, sambo pii koo tata tata dupa lawapi, pyao watawapi pitamino dokopa, nyakama mona yaepapenge. 12 Nyakamanya k  yole etete andake doko kaitinya sekelyamona, nyakama eteke kayao mona epe palyalapape! Wamba potopesa kateamino dupa dopaka piami daape.

Aipipa tii pipaepa dolapo

(Mk 9:50; Lu 14:34-35)

13 “Nyakama l  aipi joo yuunya kalyamino. Aipi doko tende napitamo kandao doko, dee aipa petala tende pisepengepe? Aipi dopaleme mende etete napipenge. Endakali dupame soo nepatala moko katao paengema.

14 “Nyakama m  lama kaiyepae joo yuunya kalyamino. Yuu taono mende manda mendenya singi doko kapa pao yalo petae nasingi. 15 Endakali n  dupame lama mende kaiyepala titopene penge mendenya koko setapala sanga pyambala naengema. Dopa napinya, setapenge panda dokonya setengesa endakali andaka petenge dupa pitaka tii pisingi! 16 Dopaka o  pyoo nyakamame endakali dupa tii pisoo kalyepape! Dopa pitaminopa dupame nyakamanya kalai epe dupa kandatala nyakamanya Takange kaitinya katenge doko lao lalyetamina,” Jisasame lea-pyaa.

Mana setapae dupanya lao Jisasame mana lamaiyamo doko

17 “Moseseme p  pii pepa piapi potopesa dupame pii pepa piamipi dupa nambame mee injisala epena lao masala nayalapape! Nambame etete angi injisala epeo. 18 Nambame q  nyakama kiningi langilyona, yuupi kaitipi dupa kapa pao etapengeaka doko, mana setapae dupanya kuki etete mende tamopi, kaki mendai mende tamopi, alu napyoo mee soaka pao dupa pitaka pyoo etatamo gii dokonya tuu lata. 19 Dopana, r  endakali mendeme mana setapae dupanya mendenya kuki etete mende yalatala endakali waka dupame dopaka pina lao mana lamaitamo doko, baa Kaitinya Katenge dokome isingi endakali dupanya anasale joo katapenge. Dopaka doko, endakali mendeme mana setapae dupa watao minatala endakali waka dupame dopaka pina lao mana lamaitamo doko, baa Kaitinya Katenge dokome isingi endakali dupanya alyasale joo katapenge. 20 Nyakamame s  mana tolao minatamino dokome mana setapae masingi akalipi Patasipi dupanya mana tolatae dupa ita minala nayatamo kandao doko, Kaitinya Katenge dokome nyakama etete isala nayatana lao nambame nyakama langilyona,” lea-pyaa.

Imbu kaenge dokonya lao Jisasame mana lamaiyamo doko

(Lu 12:57-59)

21 “‘Embame t  endakali pyao kumasala nayape. Endakali mendeme endakali yango mende pyao kumasetamopa, baa laminao kosa laa pupengena,’ lao nyakamanya yumbange dupa lamaiyamino doko nyakamame sepeami. 22 Dopaka u  doko, nambame nyakama dapa langilyo: endakali mendeme endakali yango mende imbu kaelyamo doko laminao kosa laa pupenge. Dee endakali mendeme endakali yango mende kandao lamba lao pii koo lelyamo doko baa kanjole mupa dupa-kisa laminao pupenge. Dee endakali mendeme mende kandao kyakaenge mona napalengena lelyamo doko, baa ita tao katenge yuu koo dokonya pupenge. 23 Dopana, v, w  embame epe mende Gote kundi maiyanya minao pao setakamaingi olata toko tengesa dosa katao, embanya endakali yango dokome emba-kisa kenda pipae mende setelyamona lao masii kandeno doko, epe minao pateno doko olata toko enombasa dosa sina setape. Setapala emba wambao pao baapa pii lao tolatala mona mendai palyalapape. Dopa petala embame dee ipao epe mende Gote maipenge doko maipina,” Jisasame lea-pyaa.

25 “Dee x, y  akali mendeme emba kosimi laanya pia kandeno dokopa, kosa laa pao pituu kaitinisa ene pitamopa yapa mona mendai palyalapape. Daa tamo kandao doko, akali dokome emba laminao pao pii tolasingi akali jasa doko maitamopa, dokome yanda singi dupa maita. dupame emba anjingi andaka pyandatami. 26 Emba dokonya anjetae paliuu akali dokonya saandi emba-kisa setamo dupanya etete mendaipi mende nasina lao yanu pyao etapala dokopaka ipatena lao nambame emba kiningi langilyona,” lea-pyaa.

Kepo kolao enda nyingi dokonya lao mana lamaiyamo doko

27 “‘Embame z  kepo kolala nayape,’ lapae pii doko wamba nyakamame sepeami. 28 Dopaka aa  doko, nambame nyakama dapa langilyo: akali mendeme enda mende kandatala kepo kolao nyipu laka lao masilyamo dokome enda doko moname kepo kolao nyepelyamo. 29 Dopana, ab  embanya lenge tolae dokome emba koo pyaale lao mapisia kandeno doko, lukunya nepape! Embanya yonge dokonya kuki mende alu pitamo kandao doko, kuki auu pyoo katate. Dopaka doko, embanya yonge pitaka kateta yuu koo dokonya soo pyandatamo doko, etete auu pyoo nakatate. 30 Embanya ac  kingi tolae dokome emba koo pyaale lao mapisia kandeno doko, kepanya nepape! Embanya yonge dokonya kuki mende alu pitamo kandao doko, kuki auu pyoo katate. Dopaka doko, embanya yonge pitaka kateta yuu koo dokonya pateno doko, etete auu pyoo nakatatena,” Jisasame lea-pyaa.

Enda watao pingi dokonya Jisasame leamo doko

(Mt 19:9; Mk 10:11-12; Lu 16:18)

31 “‘Akali ad  mendeme baanya etanenge doko watao pyao pituu, watao pingi pepa mende maipengena,’ leamiaka-pyaa. 32 Dopaka doko, nambame nyakama dapa langilyo: akali mendenya etanenge dokome kepo kolala nayatamopa mee watao pyatamosa, enda dokome dee akali waka mende nyetamo kandao doko, akali wambatae doko mambele enda dokome kepo kolao nyilyamo. Enda watao pyatae doko dee akali waka mendeme lanyilyamo dokome kepo kolawaka nyilyamo,” Jisasame lea-pyaa.

Pii etete kiningi lelyona lenge dokonya lao mana lamaiyamo doko

33 “‘Embame ae  Kamongo doko kandao opale mende kiningi etete pituu muli mauwana lateno doko, kayala nayao latenoli pyoo pipina,’ lao nyakamanya yumbange dupa lamaiyamino doko nyakamame sepeami. 34 Dopaka af  doko, nambame nyakama dapa langilyo: nyakamame pii mende lao pituu muli mauwa kiningi lelyona laa nayalapape. Pii doko pupu lasalanya kaiti doko kenge laa nayalapape. Kaiti doko Gotenya isoo petenge toko mende. 35 Nyakamame ag  pii mende pupu lasalanya yuunya kenge doko laa nayalapape. Yuu doko Gotenya moko setapae petenge panda mende. Nyakamame pii mende pupu lasalanya yuu taono Jetusaleme doko kenge laa nayalapapeaka. Jetusaleme doko kiŋi andake dokonya taono mende. 36 Nyakamame pii mende pupu lasalanya nyakamanya aiyomba iti akuala nayalapape! Nyakamame nyakamanya aiyomba iti mendaipi mende yaku injiseta pumbuti injiseta napitami. 37 Dopana, ah  nyakamame pii mende ŋee lao pituu ŋee iki laapape. Daa lao pituu daa iki laapape. Pii waipa sinyoo lelyamino dupa Sataneme sakatasingina,” Jisasame lea-pyaa.

Koo pingi dupanya yanu nyingi dupanya mana lamaiyamo doko

(Lu 6:29-30)

38 “‘Akali ai  mendeme embanya lenge lukatamopa itingi lengeaka lukope. Nenge longatamopa itingi nengeaka longape,’ lapae pii doko wamba nyakamame sepeami. 39 Dopaka aj, ak  doko, nambame nyakama dapa langilyo: endakali mendeme nyakama-kisa koo pitamo doko pina kayalapape. Endakali mendeme nyakamanya wakena tolae-kaita pyao takia kandeno doko, yangi-kaita apata takina kayapeaka. 40 Dee al  endakali mendeme nyakamanya yonge pee isa pingi doko nyotoo lao kosa lea kandeno dokopa, yonge pee kisa pingi doko apata baa maiyepapeaka. 41 Dee kapomanenya isingi akali mendeme nyakamanya mende kandao pinju soo tengesale katao mapa lea kandeno dokopa, londatili katao soo mapape. 42 Endakali mendeme oapi mende dii lao tee latamopa maipi. Endakali mendeme saandi mende tee latamopa maita tuu laa nayape,” Jisasame lea-pyaa.

Yandapipi endakali dupa auu kaenge mana doko

(Lu 6:27-28, 32-36)

43 “‘Embame am  embanya kaita miningi dupa auu kayao katao yandapipi dupa imbu kayape,’ lapae pii doko nyakamame sepeami. 44 Dopaka an  doko, nambame nyakama dapa langilyo: nyakamame nyakamanya yandapipi dupa auu kayao katao, nyakama watao pyalanya pilyamino dupa nisoo loma salapape. 45 Dopa ao  pitamino dokome nyakamanya Takange kaitinya katenge dokonya wane joo katatami. Baame niki doko endakali koopi epepi dupa pitaka-kisa tapina lenge. Baame aiyuu doko endakali mana tolatae miningipi mana koo miningipi dupa pitaka-kisa epena lenge. 46 Nyakamame endakali nyakama auu kayatamino dupa iki auu kayatamino kandao doko, dokonya nyakama yole aki mende nyetamipi? Takisa nyingi akali dupame dopaka napingimape? 47 Dee ap  nyakamame nyakamanya kaita miningi dupa iki pii epe lamaitamino kandao doko, aki mana mendeme waka dupa ita minatamipi? Kamalya katenge endakali dupame dopaka napingimape? 48 Dopana, aq  nyakamanya Takange kaitinya katenge dokome tolalakao tolatae katengeli pyoaka nyakama kalyepape!” Jisasame lea-pyaa.

Copyright information for `ENQ