a9:1Mt 4:13
c9:2Mt 8:10, 9:22; Mk 6:50, 10:49; Lu 7:48; Jo 5:14, 16:33; Ap 23:11
d9:3Jo 10:33-36
e9:4Mt 12:25; Lu 9:47; Jo 1:48, 2:25
f9:6Dan 7:14; Jo 5:8,27, 17:2
g9:7Mt 8:3
h9:9Mt 4:19; Lu 7:34, 15:1-2; Jo 1:43
i9:10-11Mt 11:19; Lu 15:1-2, 19:1-10
j9:111 Ti 1:15
k9:13Osi 6:6; Mt 12:7, 18:11; Lu 19:10
l9:14Sak 8:19; Lu 18:12
m9:15Jo 3:29
n9:16Jo 1:17; Lo 7:6; 2 Ko 5:17; Ga 1:6, 4:9
o9:17Jop 32:19
p9:18Mt 8:2, 15:25, 18:26, 20:20; Jo 9:38; 1 Ti 4:14
q9:20-21Nam 15:38; Dit 22:12; Mt 14:36; Mk 3:10; Ap 19:12
r9:22Mt 8:10, 9:29, 15:28; Mk 10:52; Lu 7:50, 17:19
s9:24Jo 11:11-13
t9:26Mt 8:3,15
u9:27Mt 12:23, 15:22, 21:9; Lu 1:32
v9:27-31Mt 20:29-34
w9:28Mt 8:10
x9:29Mt 8:13
y9:30Mt 8:4; Mk 1:34
z9:32-34Mt 12:22-24; Lu 11:14-15
aa9:33Mk 2:12, 7:37
ab9:34Mt 10:25; Mk 3:22; Jo 7:20
ac9:35Mt 4:23; Mk 1:39, 6:6; Lu 8:1
ad9:36Nam 27:17; 1 Kiŋ 22:17; 2 Ktl 18:16; Jet 50:6; Ese 34:5; Sak 10:2; Mt 14:13-14, 15:37; Mk 6:34
ae9:37Lu 10:2; Jo 4:35-38

Matthew 9

Jisasame akali papa tambotae mende mee jina leamo doko

(Mk 2:1-12; Lu 5:17-26)

Jisasame a  sipi dokonya pao pitipala endaki pete dokonya omotena baanya yuu taono
a baanya yuu taonoBaanya yuu taono doko Kapaneame kandao lelyamo. Mt 4:13 doko kandape.
ongonya pilyia-pyaa.
Dokopa c  endakali mendapuame akali papa tambotae mende lapa tokonya soo baa kateasa epeami-pyaa. Dopa piaminopa Jisasame dokaitanya masoo miniamino doko kandatala, akali papa tambotae doko lamaiyoo, “Wane, embanya koo dupa kunanya nepekelyona, emba mona yaepa!” lea-pyaa. Dopa d  leamopa mana setapae masingi akali mendapuame nyakama lapo lao pituu, “Akali dakeme Gote kilya kandao lelyamona,” leami-pyaa. Dopa e  leamino doko Jisasame kandatala dokaita lamaiyoo, “Aipuma nyakamame koo dopale dupa masilyamipi? Anduku laa nayapengepe? Akali dakenya koo dupa kunanya nepakamailyona lapenge dokope, pande baa sakatatala kaita paena lapenge dokope? Dopaka f  doko, Endakalinya Ikiningi dokome isa yuu dakenya katao endakali dupanya koo dupa kunanya nepenge pupu lapae doko baa-kisa singi lamo lao kanjepalena,” lea-pyaa. Dopa latala baame akali papa tambotae doko lamaiyoo, “Emba sakata! Sakatatala embanya lapa toko doko nyoo soo andaka puuna!” Jisasame lea-pyaa. Dopa g  leamopa akali doko sakatatala baanya andaka pea-pyaa. Dopa piamo doko endakali kambu piamino dupame kandao paka kayapala, pupu lapae dopale dupa Goteme endakali maingi lamo lao masoo Gote lalyiami-pyaa.

Jisasame akali Matyu epena leamo doko

(Mk 2:13-17; Lu 5:27-32)

Jisasame h  yuu doko yakinatala ipao pituu, takisa nyingi akali Matyu lenge mende takisa nyingi anda dokonya peteamo kandea. Kandatala baa lamaiyoo, “Emba namba watao ipu,” lea. Dokopa baa sakatatala Jisasa watao pea.

10 Maitakao i  Jisasa Matyunya andaka nee nao peteamopa takisa nyingi akalipi mana koo minao paengepi dupanya longo epeami. Jisasapi baanya disaipelepi dupa-pipa awapa nee nao peteami. 11 Dopa j  piamino doko akali Patasi dupame kandatala Jisasanya disaipele dupa pisoo, “Nyakamanya mana lenge akali dokome takisa nyingi akalipi mana koo minao paenge endakalipi dupa-pipa awapa nee nao pituu kalyamo doko aipuma pilyape?” leami. 12 Dopa leamino doko Jisasame sepala yanu pyao, “Endakali yaina napingi dupame dokosaa katatasa pupenge nanjilyamo. Endakali yaina pyapae dupa pupenge jilyamo. 13 ‘Kundi k  dingi doko daana, kondo kayamaingi doko nambame auu kaenge.’ Pii dopa lapae singi doko nyakamame mana nyala pupa. Nambame endakali tolatae dupa lanyala naepeo. Endakali mana koo minao paenge dupa lanyala epeona,” lea.

Nee nanenya kaenge dokonya Jisasa pisiamino doko

(Mk 2:18-22; Lu 5:33-39)

14 Gii l  dokopa Jonenya disaipele dupame Jisasa kateasa ipupala baa pisoo, “Naimapi Patasi dupapimi Gote lao masalanya nee nanenya kaengena, embanya disaipele dupame aipuma dopa napingimape?” leami. 15 Dopa m  leaminopa Jisasame dokaitanya pii yanu pyakamaiyoo, “Akali mendeme enda kelyapala watapae pyao baanya kaita miningi dupa-pipa awapa kalyamo gii dokopa baanya kaita miningi dupame mona kenda kaengemape? Daa! Dopaka doko, yuu gii mende ipatamo dokopa enda kelenge akali doko dupanya kainanya nyokonyetatamopa dupa nee nanao katatamina,” lea.

16 “Endakali n  mendaipi mendeme lapalapa kangupae enenge mendeme yonge pee wambatae mendenya tii telya dokonya kii pimbala naenge. Endakali mendeme dopa pitamo kandao doko, enenge doko inungunyetala wambatae doko kangutamopa tii andake tata. 17 Dee o  endakali dupame waene enenge doko penge mena meme yanungimi wasepae wambatae dupanya kambuoo pisala naengema. Dupame dopa pitamino kandao doko, waene enenge dokome bolo lao penge dupa polapala kai lala patamopa penge dupa koyata. Endakali dupame waene enenge doko penge enengenya pisilyaminopa pengepa kopao petengena,” Jisasame lea.

Isingi akali mendenya wanengepa enda mende Jisasanya yonge peenya watandeamo dokopa

(Mk 5:22-43; Lu 8:41-56)

18 Jisasame p  pii doko dokaita lamaiyoo kateamopa Jutamanya losuu anda isingi akali mendeme ipupala baa kandao luma lakapala lao pituu, “Nambanya wanenge doko epapu kumatalamo. Kumatalamoaka doko, embame ipao baa kingimi watandatale. Dopa pitinopa baa dee lenge talapomona,” lea. 19 Dopa lateamopa Jisasa baa sakatatala akali dokopa peambinopa baanya disaipele dupa awapa peami.

20 Peaminopa q  enda mende ee kana kingi ita mende-kisa dee lapoma dupanya koteaka lao andaka nao paliti-paliti singi mendeme Jisasanya maitasa-kaita ipupala baanya yonge pee ketae pingi londe dokonya puna dosa watandea. 21 Enda dokome, “Nambame baanya yonge peenya iki watandato kandao doko, nambanya yaina doko mee jakalapomona,” lao masetala dopa pia. 22 Dopa r  piamopa Jisasame kapilyetala enda doko kandatala lamaiyoo, “Wanaku, embame masoo minapino dokome emba mee injisetelyamona, emba mona yaepa!” lea. Dopa leamo gii dokopaka enda dokonya yaina doko mee jia.

23 Maitakao Jisasame isingi akali dokonya andaka pao kolandea. Kolandatala kandeamopa akali mendapuame endakali malu pyaanya pulupapu lengema dupa leaminopa endakali yangi peteamino dupa pitakame yako lao yae pyao kateami. 24 Dopa s  piaminopa baame dokaita lamaiyoo, “Nyakama pyuu pupa! Wanaku dake kumatala nayalamo. Baa luu palyeme lamona,” lea. Dopa leamopa endakali dupame baa kilya kandao gii kayami. 25 Dopa piaminopa Jisasame endakali dupa watao kamanda pyalyetala baa wanaku kumapae doko siamo palo dokonya kolandea. Kolandatala wanaku doko kinginya minao nyokonyiamopa baa lenge tao sakatea. 26 Dopa t  piamo dokonya atome doko yuu dokaita singi dupa pitakanya taya.

Jisasame akali lenge monda mendalapo lenge tasiamo doko

27 Jisasame u, v  yuu doko yakinatala peamopa akali lenge monda mendalapome baa watao ipao wii lao, “Dapiti Yumbange, embame nalimba kondo kayape!” leambi. 28 Jisasa w  andaka kolandatala peteamopa akali lenge monda dolapo epeambi. Epeambinopa baame dolapo pisoo, “Nambame kapa pao nyalambome pyakapili lao masilyambinoli pyakalapenona lao masoo minilyambipi?” lea. Dopa leamopa dolapome yanu pyao, “Kamongo, kini dopaka lao masilyambanona,” leambi. 29 Dokopa x  Jisasame baanya kingimi dolaponya lengenya watandatala lao pituu, “Nyalambome masoo minilyambinoli pinana!” lea. 30 Dopa y  leamopa akali dolapo dee lenge teambi. Dokopa Jisasame akali dolapo kyoto joo lamaiyoo, “Dake endakali mendeme setana kandao kalyepape!” lea. 31 Dopa lamaiyamoaka doko, akali dolapome pupala Jisasanya lao pii doko yuu dokaita singi dupa pitakanya lao tayambi-pyaa.

Jisasame akali pii nalenge mende nisiamo doko

32 Akali z  dolapo puu peteambinopa endakali mendapuame enjele koo paleta akali pii nalenge mende laminao Jisasa kateasa epeami. 33 Dokopa aa  Jisasame akali doko-kisa enjele koo paleamo doko watao pyakamaiya. Pyatakamaiyamopa akali doko pii lea. Dopa piamopa endakali kambu piamino dupame mona etete andapala, “Wamba naima Isataele endakali dupame mana dapale mendaipi mende nakandeamana,” leami. 34 Dopa ab  leaminoaka doko, Patasi dupame lao pituu, “Enjele koo dupanya isingi doko mambele baame enjele koo dupa watao pilyamona,” leami.

Jisasame endakali dupa kondo kayamo doko

35 Jisasame ac  yuu taono andakepi yakanepi dupa pitakanya awali lao payao, nyakamanya losuu anda dupanya katao mana lamaita Kaitinya Katenge dokome isingi dokonya lao Wai Pii Epe doko lamaita pia. Dee baame endakali yaina tata tatame pyapaepi papa tambotaepi dupa pitaka mee injisia. 36 Dopa ad  pyoo baame payamoli pyoo kandeamopa endakali kambu longo dupa mona kendame kumao maka-maka kayao mena sipisipi setao katenge akali nakatenge dopale joo kateaminosa baame dupa kondome kumia. 37 Dopa ae  petala baame baanya disaipele dupa lamaiyoo, “Eenya nee longo wambu petelyamoaka doko, mandyuu mau pyapenge endakali longo nakalyamino. 38 Dopana ee tange dokome baanya nee mandyuu mau pyakamaitami endakali mendapua epena lape lao nyakamame loma salapape!” lea.

Copyright information for `ENQ