a2:12 Ko 10:1, 13:13
b2:2Lo 15:5; Ga 5:10; Pl 1:4
c2:3Ap 20:19; Lo 12:3,10, 15:1-2; 1 Ko 1:10-11; Ga 5:26
d2:41 Ko 10:24,33
e2:5-8Mt 11:29, 20:28; Jo 13:15; 2 Ko 8:9; Ip 5:8
f2:6Jo 1:2, 17:5; Kl 1:15-20; Ip 5:8
g2:7Mt 20:28; Jo 1:14; Lo 8:3; 2 Ko 8:9; Ga 4:4; Ip 2:17; Pa 5:12
h2:8Ais 49:4; Mt 26:39; Jo 10:17; Ip 5:8, 12:2; 1 Pi 5:6
i2:9Ais 52:13; Mt 23:12; Ap 2:33; Lo 10:9, 14:9
j2:9-11Ep 1:20-23; Ip 1:3-4
k2:10Ais 45:23; Lo 14:11; Ep 4:10
l2:11Ap 2:36; Lo 10:9; 1 Ko 12:3
m2:12Wee 2:11; 1 Ko 2:3; 2 Ko 7:15; 1 Pi 1:17
n2:13Jo 15:5; Ap 17:28; 1 Ko 12:6, 15:10; 2 Ko 3:5; Ep 2:10, 3:20; 1 Te 2:13; Ip 13:21
o2:15Dit 32:5; Dan 12:3; Mt 5:14-16,45,48, 10:16 Ap 2:40
p2:16Ais 49:4; 1 Ko 1:8; Ga 2:2, 4:11, 5:7; Pl 1:10,26; 1 Te 2:19
q2:17Lo 15:16; 2 Ti 4:6
r2:18Pl 1:4, 3:1, 4:4
s2:19Ap 16:1
t2:21Pl 1:15-17; 2 Ti 2:10
u2:24Pl 1:25-26; Ip 13:19
v2:25Pl 4:18
w2:291 Ko 16:16,18; 1 Ti 5:17

Philippians 2

Kitisenepa Kataisapanya anasale joo katenge mana dolapo

Kataisa a  nyakama-pipa pakatae katao baame nyakama kyoto injisala naelyape? Goteme nyakama auu kayao nyakamanya mona lyuu lasala naelyape? Oli Sipitisa nyakama-pipa tole nakalyape? Nyakamame nyakamanya mende neame kumao kondo kaya kaya napilyamipi? Tenge b  dutupanya minao nyakamame mana dapale dupa minao namba etete mona yaepasalapape: nyakama masingi mendai iki palyoo mende auu kaya kaya pyoo awapa kalyepape. Nyakama mona mendai palyoo awapa katao mana mendai minamana lao masalapape. Nyakamame c  nyakama tange iki lao masoo alyasale joo kalyamanona lao masetala luiyala naenya, endakali yango dupame nyakama ita minao alyasale joo kalyaminona lao masoo kalyepape.

Nyakama d  mendai mendai lao dupame nyakama tange nisepenge jeta dupanya iki nisoo nakatenya, nyakamanya mende nisepenge jeta dupanya apata mende nisa nisa pyoo kalyepape. Kataisa e  Jisasame masoo kateamo mendai dopaka pyoo nyakamame masoo, mende kanda kanda pyoo kalyepape:

Koteaka f  lao baa Gote angi katea.
Dopaka doko, Gote yaleaka katato kandao doko,
namba tange nisalanya daana lao masia-pyaa.
Dopa g  lao masetala baa tangeme Gote katenge mana
doko yakinatala kendemane akali jia-pyaa.
Baa endakali jetala kateamopa
endakali kiningiaka joo kandeami-pyaa.
Baame h  baa tange anasale jetala Gotenya pii doko
watao minokondape pyoo minawaka pao baa kumia-pyaa.
Kini, baa ita poko mendenya kumia-pyaa!
Dopa i, j  piamo dokonya Goteme baa
etete ketae waka minalyetala
waka dupa pitakanya kenge dupa ita minao
baanya kenge doko ketae sina lea-pyaa.
10 Dopa k, l  piamo doko kaitinya katenge dupapi,
isa yuunya katenge dupapi,
yuu koko yuu koo dokonya katenge dupapi
dupa pitakame kenge Jisasa doko sepala
kapa pao baa lao luma lakao dapa latami:
Jisasa Kataisa baa Kamongona lao
Takange Gote lalyetami.

Bui tii pingili pyoo kalyepape leamo doko

12 Dopana, m  nambanya mona setenge paluma, wamba namba nyakama-pipa awapa kateamano dokopa pii doko watao miniamino doko indupa namba tependa waka kalyo dokopa nyakamame etete watao minawaka kalyepape. Goteme nyakama pyoo nyepeamo dokonya etao doko nyakamame nyalanya paka kayao walu lao kalai pyoo kalyepape. 13 Dopa n  pyoo kalyepape lelyo doko, Gotenya masingili pipuma laka lao masingi dokopa angi pingi dokopa dolapo baa tangeme nyakama-kisa koteaka lao pyakalyina lenge.

14 Nyakamame pitamino dupa pitaka mumu laa nayao atete napyoo pyepape. 15 Nyakama-kisa o, p  koo tengepi mende nasingi auu pipae katao uanga pyoo paenge endakali dupanya kaina dokonya Gotenya wane epe joo kalyanya dopa pyepape. Nyakamame pii lapae lete katasingi doko kyoto joo minao katao dupanya kaina dokonya tii pyoo kaitinya bui katengeli pyoo yuu angenya kalyepape. Dopa pyoo katataminopa nambame nyakama-kisa kalai doko mee maa yangao lekeleke tao napiona lao masetala Kataisa dee ipatamo gii dokopa namba luiyato. 17 Nyakamanya q  masoo minao paenge doko Isataelemame opale mende Gote lao pyao yangao kundi maiyamipi kalai piamipi dopale joo silyamo. Nambame nyakamanya kalai doko pyakatopa endakali dupame namba taiyoko nyetamino kandao doko namba mona yaepatala nyakama pitaka-pipa mona yaepatoaka. 18 Mendai r  dopaka pyoo nyakama mona yaepatala namba-pipa mona yaepalapapeaka.

Akali Timotipa Ipapotaitasapa

19 Kamongo s  Jisasame kini yakana latana lao masetala kuki tendale nambame akali Timoti nyakama kalyamino dokonya epena lato. Dopa petala nambame nyakama dopa pyoo kalyamino lapae sepala nambanya mona doko lyuu lata. 20 Nambame masingili pyoo masingi nyakama kapa pao auu pyoo niseta akali Timoti yale waka mende ae nakalyamo. 21 Endakali t  waka yangi dupa pitakame nyakama tangenya oapi dupa isoo katao Jisasa Kataisanya kalai dupa pyakamaiya naengema. 22 Dopa pingimaka doko, akali Timoti doko auu pyoo katengena lao nyakamame masilyamino. Wane mendeme baanya takangepa awapa kalai pyoo nisingili pyoo baame nambapa awapa Wai Pii Epe lamaingi kalai dokonya kalai pia. 23 Dopana opale mende namba-kisa pyanya pitaminopa nambame kandatala gii dokopa baa nyakama kalyamino ongonya yapa epena latona lao masilyo. 24 Dee u  Kamongo dokome yakana latana lao nambame masilyona kuki tendale namba tange nyakama katatamisa ipatoaka.

25 Nambame v  akali Ipapotaitasa doko nyakama katamisa dee pilyina latoo lao masilyo. Baa masoo miningi kaiminingi nambapa kalai mendai pyoo yanda awapa pingi. Namba iki injiamosa baame namba nisina lao nyakamame epena leami. 26 Dopaka doko, baame nyakama kandapu laka lao masetala nea kaelyamo. Nyakamame baa yaina nyiana lapae siamino dokonya baa mona andao kalyamo. 27 Kini, baa yaina nyepala etete kumapenge jiamoaka doko, Goteme baa kondo kaya. Baa iki kondo nakaya. Namba-kisa kenda pipae silyamo dokonya kenda pipae mende deaka nasina lao namba apata kondo kayaka. 28 Dokonya nambame baa nyakama kalyamino dokonya epena lapu laka lao etete masilyo. Nyakamame baa kandatala mona epe palyetaminopa dee namba-kisa kenda pipae silyamo ongonya kuki mee jetaka. 29 Dopana w  nyakamame mona etete yaepatala Kamongo doko lao masoo emba taeme epene lamo lao baa lanyalapape. Nyakamame akali dopale dupa alyasale katena lao minalyalapape. 30 Kini, Ipapotaitasame Kataisanya kalai doko pyoo katao baa etete kumiali jia. Nyakamame kapa pao namba nisepenge nanjiamo dokonya baame nyakama alo pyoo kalai pyoo katao kumatone lao paka nakaya.

Copyright information for `ENQ