a3:12 Ko 13:11; Pl 1:4, 2:18
b3:2Wee 22:16,20; Ga 5:12; Pa 22:15
c3:3Jet 4:4; Lo 2:25-29; Ga 6:14-15; Kl 2:11
d3:42 Ko 11:18,21
e3:5Jen 17:10; Lu 1:59; Ap 23:6, 26:5; Lo 11:1; 2 Ko 11:22
f3:5-6Ap 22:3-5
g3:6Mt 3:7; Ap 8:1,3, 26:9-11
h3:7Mt 13:44,46
i3:9Lo 1:16, 3:21-22, 10:3; Ga 2:16
j3:10Lo 1:4, 6:3-5, 8:11,17; Ga 6:17
k3:11Ap 4:2; Pa 20:5-6
l3:12Ap 9:5-6; Pl 2:16; 1 Ti 6:12,19
m3:13Lu 9:32
n3:141 Ko 9:24-25; Ip 3:1
o3:151 Ko 2:6
p3:16Ga 6:16
q3:171 Ko 4:16; 1 Te 1:7; 2 Te 3:7; 1 Pi 5:3
r3:18Ap 20:19; 1 Ko 1:23; Ga 6:12
s3:19Jo 3:12; Lo 8:5-6, 16:18
t3:201 Ko 15:23-28; Ep 2:6,19; Kl 3:1-4; Ip 11:13-16
u3:21Ap 3:20-21; Lo 8:23,29; 1 Ko 15:43-53

Philippians 3

Kiningi mana tolatae doko

Nambanya a  kaimia paluma, nambame pii dake waipa soo lelyo: nyakamame Kamongo doko lao mona yaepao kalyepape. Nambame nyakamanya pii wamba pepa pyakalo mendai dopaleaka mende deaka pyekelyo dokonya namba maka nakaelyo. Deaka pyekelyo dokome nyakama kyoto joo kalyepale lao niseta.

Nyakamame b  akali yana jepae dupa kandao kalyepape. Akali dupame kopeta mana miningima. Dupanya yonge doko kaketalya kaketana pyoo koyasetaena, akali dupame nyakama koyasetamina kandao kalyepape. Naima c  angi elya pingi kambu kepapae joo kalyamano. Yana jepae dupa daa. Gotenya Oli Sipitisa doko naima-kisa sipumopa naimame Gote lao tama pyoo katao endakalinya mana dupame naima nisepengena lao masala naelyamano. Dopa napinya Kataisa Jisasa lao masoo minao alyasale joo kalyamanona lao masilyamano. Nambame d  apata namba tangenya mana dupame namba nisepengena lao masoo minapuli kandao doko, tenge palipyali. Akali waka mendeme baanya mana dupame baa nisepenge tenge palelyamona lao masetamo kandao doko, nambanya mana dokonya tenge etete angi palelyamo. Nambanya e, f  endangimi namba mandyuu setao koto kalenge pitipiamopa tukulapo dokonya nambanya elya pingi kambu kepekeami-pyaa. Namba Isataele. Namba Iputu Benjamene tata. Namba Iputumanya mandipae. Nambame mana setapae dupa watao minao Patasi kateo. Patasi g  dupanya mana dupa nambame etete kyoto joo watao minao sosa doko watao pyao kateo. Mana setapae dupa tolao watao miniopa akali mendaipi mendeme nambame kopeta watao minilinona laa naya. Wamba h  nambame mana dopale dupa watao minatala auu pyoo katatona lao masiwaka doko, indupa Kataisa lao masipu dokome mana dopale dupanya namba kapa pao koyoli lamo lao masilyo. Dopa lao iki masala naenya, Kataisa Jisasa nambanya Kamongona lao masipu etete epe dokome waka dupa pitakanya koyapenge lamo lao masilyo. Nambame Kataisa nyoo baapa pakatae kalyanya baa lao masipu dokome dupa pitaka yakinatala aii pyapae lamo lao masilyo. Mana i  setapae watao miningi dokonya namba akali tolatae joo nakalyo. Kataisa lao masoo miningi dokonya Goteme masoo miningi endakali dupa tolataena lenge dokonya namba tolatae joo kalyo. 10 Nambame j  Kataisa iki masipu laka lao masilyo. Baa malunya sakateamo pupu lapae doko namba-kisa sipumopa payapu laka lao masilyo. Dee baame tanda nao kateamo mendai dokaita joo namba tanda nao katao baa kumiamo mendai dokaita joo kumapu laka lao masilyo. 11 Goteme k  namba malunya sakatasetakana lao masetala dopa pyoo payapu laka lao masoo lelyo.

Polome alo pyao pao lita etao dokonya tuu latoo leamo doko

12 Nambame l  Kataisanya mana dutupa nyoo etapeopa etete akali angi injiseteana lao laa naelyo. Kataisa Jisasame namba baanya injisiamo dokonya nambame baanya mana dutupa nambanya jekena lao puupae lao watao minilyo. 13 Oo m  kaimia, nambame mana dutupa nyoo etapeona lao masala naelyo. Dopaka doko, nambame mendai dapa iki pilyo: wamba maita maitio dupa kame setala ene nyepenge dupa kyoto joo nyalanya pyoo kalyo. 14 Kataisa n  Jisasame naima nisoo kalai piamo dokonya Goteme naima auu pyoo kalyepale ketae pyakalyalapa leamo dokonya namba kalya paanya nambame lita etao dokonya tolao alo pilyo. 15 Naima o  endakali angi joo kalyamano dupa pitakame dopaka pyoo masoo katamana. Nyakamame waka mende masoo katatamino kandao doko, Goteme nyakamanya masingi doko tolasekena. 16 Dopaka p  doko, naimame wambao mana nyepeamano doko watao minao katamana.

17 Kaimia q  paluma, nyakama pitakame nambanya mana miningi doko minawaka kalyepape. Naimame nyakamanya makande epe setekeama doko watao paelyamino endakali dupa nyakamame kanjepape. 18 Wamba r  paa longosa nambame nyakama langioli pyoo indupa ee lao deaka langilyo: endakali longo dupa payapimino dokome Kataisa ita pokonya kumapala naima pyoo nyiamo Wai Pii Epe doko yandapipili joo paelyamino. 19 Akali s  dupa etapala yuu koo ongonya patami. Dupanya yongenya auu kaenge dupa dupanya gote lamo. Dupame nyakamanya elya kayapenge dupanya nyakama tange lalyoo kalyamino. Dupame nyakamanya masingi doko yuunya singi dupanya pena lao kalyamino. 20 Dopaka t  doko, naimanya yuu tenge doko kaiti-kisa silyamo. Ketae kaiti dokonya katao naimanya Pyoo Nyingi Akali Kamongo Jisasa Kataisa ipatamo doko putiti kayao malisoo kalyamano. 21 Baame u  naimanya yonge kui lapae doko minao aloo petala baa tangenya yonge tii pipae dopale injisakata. Dupa pitaka baanya pundipundi sina lapenge baa pupu lapae dokome dopa pita.

Copyright information for `ENQ