a21:1Ais 65:17, 66:22; 2 Pi 2:3
b21:1-4Pa 7:15-17
c21:2Ais 52:1, 61:10; Lo 8:19-23; Ip 11:16, 12:22; Pa 3:12, 19:7-8
d21:3Lep 26:11-12; 2 Ktl 6:18; Ais 8:8; Sak 2:10; 2 Ko 6:16; Pa 7:15-17
e21:4Ais 25:8, 35:10, 65:19; Pa 7:17
f21:5Ais 43:19; 2 Ko 5:17; Pa 4:2,10
g21:6Wee 36:9; Ais 44:6, 48:12, 55:1; Jet 2:13; Jo 7:37; Pa 1:8,17, 22:13,17
h21:72 Sam 7:14; Wee 89:26-27; 2 Sam 7:14; Pa 22:15
i21:8Ais 30:33; Mt 25:41; Lo 1:29; Ip 10:38-39; Pa 19:20, 20:10,15, 22:15
k21:92 Ko 11:2; Pa 15:1
l21:10Ese 40:2; Ip 11:10; Pa 21:2
m21:11Ais 60:1-2,19
n21:12-13Eke 28:1; Ese 48:30-35; Pa 7:1-8
o21:14Ep 2:20
p21:15Ese 40:3,5; Pa 11:1
q21:16-17Ese 48:16-17
s21:18-21Ais 54:11-12
t21:22Jo 2:19-21; Pa 1:8, 15:3
u21:23Ais 24:23, 60:1-2,19-20; 2 Ko 3:18; Pa 22:5
v21:24Ais 60:3,5
w21:25Sak 14:7; Pa 22:5
x21:25-26Ais 60:11
y21:26Wee 72:10-11
z21:27Ais 35:5, 52:1; Sak 13:1-2; 1 Ko 6:9-10; 2 Pi 3:13; Pa 3:5, 13:18, 21:8, 22:15

Revelation of John 21

Yuupa kaitipa enenge siamo doko

Dokopa a, b  yuupa kaitipa enenge mendalapo sia. Doko, yuupa kaitipa wambatae dolapo puu peteambinopa solowata pete doko dee nasia. Taono c  enenge etete epe Jetusaleme doko Goteme kaitinya katao pyandeamopa enda mapuakae mende akali paanya yati pyoo depa lengeli petae epea. Kiŋi d  petenge toko dokonya pii mende leamo dokome puu lao lao pituu, “Salapape. Indupa Gotenya anda doko endakali dupanya kainanya kalyamo. Baa dupa-pipa katatamopa endakali dupa baanya joo katatami. Baaka dupanya Gote joo dupa-pipa awapa katata. Baame e  lengenya ee ipange dupa pitaka kunanya nepakamaita. Dopa pitamopa endakali dupa-pipa kumingi mana doko dee nasetamopa, dupa mona dee kenda nakayao dupa deaka ee lao tanda nala nayatami. Doko dopale wamba piamo dupa etapelyamona,” lea.

Kiŋi f  petenge toko dokonya petenge dokome lao pituu, “Nambame dupa pitaka enenge injisilyona,” lea. Dee baame lao pituu, “Pii doko masoo minapenge kiningi etetena, embame pepa pyape,” lea. Deaka g  baame namba langyoo, “Dupa pitaka nambame petelyo. Tee pingipi etengepi doko namba. Oapi dupanya tee pyawapi etawapi doko nambaka. Endakali mende endaki nanu kayatamo doko lete katasingi endaki lee kuingi dokonya nena lato. Koo h  dupa yanda pimaiyoo ita minatamo endakali dokome dutupa pitaka namba-kisa nyeta. Namba baanya Gote joo katatopa, baa nambanya wane joo katata. Dopaka i  doko, pakali joo katenge endakalipi, masoo minala naengepi, mana koo kapa pao naminapenge dupa miningipi, endakali pyao kumasingipi, endakalipi nyele-nyele paengepi, nemango miningipi, sambo gote tama pyoo katengepi, sambo lengepi endakali dopale dupanya yuu doko kana itateme tao aluoo
i kana itataeme tao aluooPa 9:17 doko kandape.
katenge itate pete andake dokona, dokonya lapo pyoo kumatamina,” lea.

Jetusaleme enenge doko

Enjele k  kalangeme kenda pipae kalange etao ipatamo dupa pelesa kalangenya tumbatae minao katengema dutupanya mende namba kateosa ipupala lao pituu, “Sipisipi Yakane dokonya enda lanyalanya pilyamo doko nambame laitaka pito, ipu,” lea. 10 Sipitisa l  dokome namba sakatasiamopa enjele dokome namba nyoo yuu manda andake etete ketae mendenya pea. Pupala taono etete epe Goteme kaitinya katao pyandeamo Jetusaleme doko namba laitaka pia. 11 Gotenya m  tii pipae dokome taono doko tii pisia. Tii dokome kana etete epe kamalawai pyapae jasapaa kana dopale joo tii pyoo galasa polepole pili pia. 12 Taono n  doko kakopao kaname lome andake pyoo pyoo etete ketae patae katea. Lome dokonya kambu kingi ita mende-kisa dee lapoma siamopa, dutupanya enjele kingi ita mende-kisa dee lapoma kateami. Lome kambu dutupanya Isataele yumbange kingi ita mende-kisa dee lapoma dutupa kenge pyatae katea. 13 Lome dokonya niki pyakaengesa-kaitapi, niki landa pingisa-kaitapi, dee lemba yangi yangipi dutupanya kambu tepoma lawaka lumbao nyetae katea. 14 Taono o  dokonya lome doko kyoto injisoo kana kingi ita mende-kisa dee lapoma isa pisetae dutupanya Sipisipi Yakane dokonya aposele kingi ita mende-kisa dee lapoma dutupanya kenge pyatae katea.

15 Enjele p  namba pii langiamo dokome taono dokopi, dokonya lome dokopi, lome kambu dutupapi, dupa makande pyaanya makande ita golome wasepae mende minatae katea. 16 Taono q  doko etete kapakapa latae. Londepi andakepi dupa mendai dopale etete. Enjele dokome baanya makande pingi dokome piamopa, makande doko sitetiame
j sitetiameSitetiame ongo makande mende. Makande dokome kaitinipi taonopi dupa andake aipalepe lao makande pingi. Makande doko minao enjele dokome taono doko makande piamopa itaki yaki doko tausene kingi ita mende-kisa dee lapoma jia. Itaki yaki kingi ita mende-kisa dee lapoma dokome Gotenya tata dupa pitaka makande pilyamo. Itaki yaki tausene dokome taono dokonya opale mende daa jala nayao kapa pataena lao makande pilyamo. Dopa pilyamo dokome Gotenya endakali dupa taono dokonya kalyanya mendita mende daa jala nayao kapa pataena lao makande sitetiame tausene kingi ita mende-kisa dee lapoma dokome kongali lao lelyamo.
tausene kingi ita mende-kisa dee lapoma jia. Taono dokonya londepi, andakepi, ketaepi dupa pitaka makande mendai dopaleaka jia.
17 Lome pyoo kisetae doko apata baame makande pima-pima piamopa lome makande doko kingi ita kitomende-kisa dee yuungi jia. Enjele dokome makande piamo doko endakali dupame nyakamanya oapapi dupa makande pingima dopale mendeme lome doko makande pia. 18 Goteme s  lome kana kamalawai pyapae jasapaame petala, taono doko golo etete epe kuni nasingimi wasiamosa galasa kuni nasingi etete epe joo polepole pia. 19 Taono doko kakopao lome petae doko kyoto injisoo kana isa siamo dupa kana tata tata yole andake penge dupame yati petae sia. Kana kamalawai pyapae jasapaa doko wambao sia. Laponge doko wene pyapae sapaya lenge. Teponge doko kyoo lapae palipa kamalawai palipa pingi aketa lenge. Kitomende doko sakapae emetele lenge. 20 Yuungi doko kate pyapae palipa kyoo lapae palipa pingi satonikisa lenge. Tokange doko kate pyapae kaniliane lenge. Kalange doko kakai pyapae kitisolaita lenge. Tukulapo doko sakapae waka mendepale betila lenge. Mange mende pyomondo doko lyatapae waka mendepale topasa lenge. Kingi ita doko sakapae palipa lyatapae palipa pingi kitisopetesa lenge. Kingi ita-kisa dee mendai doko wene pyapae waka mendepale ayasina lenge. Kingi ita-kisa dee laponge doko kate pyapae mendepale ametisa lenge. 21 Lome dokonya kambu kingi ita-kisa dee lapoma dutupa mamakumiaka pai latae katea. Taono dokonya kaitini dupa golo etete epe dupame wasepae dupa kunipi mende nasoo galasa joo pole pole pia.

22 Nambame t  taono dokonya losuu anda mende kateamo nakandeo. Doko, Kamongo Gote eteteaka pupu lapae dokopa Sipisipi Yakane dokopa dolapo losuu anda andake joo kateambi. 23 Taono u  dokonya nikipa kanapa dolapome tii pisina lao yangyala naya. Doko Gotenya tii pipae dokome tii pisetae. Sipisipi Yakane doko taono dokonya lama jepae. 24 Yuu v  pitakanya endakali dupa taono tii pipae dokonya payatami. Yuu dupanya kiŋi dupame nyakamanya auu pipae dupa minao dokonya ipatami. 25 Taono w, x  dokonya yuu kuiyala nayatamosa dupame lome kambu dupa pai laa nayatami. 26 Yuu y  pitakanya endakali dupame nyakamanya munipi opale auu pipaepi dupa minao taono dokonya ipatami. 27 Dopaka z  doko, opale koyapaepi, mana koo kapa pao naminapenge dupa miningipi, sambo lengepi, dopale dupa kapa pao naipatami. Sipisipi Yakane dokonya endakali lete etete katenge kenge singi buku dokonya endakali mendapuanya kenge pyakamaiyamo dupa iki taono dokonya ipatami.

Copyright information for `ENQ