a6:1Pa 4:6, 5:1
b6:2Sak 1:8-10, 6:1-6; Pa 19:11
c6:4Ese 21:14-16; Sak 1:8, 6:2
d6:5Sak 6:2,6
e6:6Lep 26:26; 2 Kiŋ 6:25; Ese 4:16-17
f6:8Jet 14:12, 15:1-3; Ese 5:12,17, 14:21, 33:27; Osi 13:14
g6:9Pa 8:3, 14:18, 16:7, 19:2
h6:10Jen 4:10; Dit 32:43; 2 Kiŋ 9:7; Jop 16:18, 24:12; Wee 79:5,10; Sak 1:12-13; Lu 18:7; Pa 16:7, 19:2
i6:11Pa 3:5,18, 7:9,13, 19:2,14
j6:12Ais 13:10; Ese 32:7-8; Joe 2:10,31, 3:15; Mt 24:29; Mk 13:24-25; Lu 21:25; Ap 2:20; Pa 8:12, 11:13, 16:18
k6:13-14Ais 34:4
l6:14Pa 16:20, 20:11
m6:15Ais 2:10,19,21
n6:16Osi 10:8; Lu 23:30; Pa 4:2,10
o6:17Joe 2:11,31; Nea 1:6; Mal 3:2; Lo 1:18; 1 Ko 1:8

Revelation of John 6

Sipisipi Yakane dokome wakaiya kalange dutupanya tokange taka leamo doko

Sipisipi a  Yakane dokome wakaiya kalange dutupanya wambao doko taka leamopa, opale lenge tenge kitomende dutupanya mendeme kaiti katele lao, “Mende pena,” lea. Dopa b  leamopa mena osa kyoo lapae mende nambame kanju pio. Dokonya akali yanda miningi mende yanda pyoo ita minatala balu mandenge mende manditae petea. Baa yanda pyoo ita miningi akali dokome yanda pyoo ita minalanya pea.

Dokopa Sipisipi Yakane dokome wakaiya laponge doko taka leamopa opale lenge tenge laponge dokome, “Mende pena,” lea. Dopa c  leamopa mena osa waka kangyoo mende peamo dokonya akali mende petea. Akali dokome yuunya endakali dupanya epe yuu yongena lao katenge mana doko nyoo nepatala endakali yango pyao kumasoloo pingi mana doko sakatasina lao mendeme baa pupu lasetala konjua andake mende maiya.

Dokopa d  Sipisipi Yakane dokome wakaiya teponge doko taka leamopa opale lenge tenge teponge dokome, “Mende pena,” lea. Dopa leamopa mena osa pumbuti mende kanju pio. Dokonya peteamo akali dokome sekele mende minia. Dokopa e  opale lenge tenge kitomende dutupanya kainanya piili mende leamo dokome dapa lea: “Mendeme kapo penge mendainya wiisa dii muni kina mendaimi sambapenge. Dee kapo penge tepomanya bali dii dupa muni kina mendaimiaka sambapenge. Dopaka doko, embame olipi ipangepi waenepi dupa koyasala nayapengena,” lea.

Dokopa Sipisipi Yakane dokome wakaiya kitomende doko taka leamopa opale lenge tenge kitomende dokome, “Mende pena,” lea. Dopa f  leamopa mena osa lyatapae mende kanju pio. Dokonya akali kenge Kumingi lenge doko pituu peamopa Geana lenge dokome baa watao pea. Dopa piamopa yuunya endakali dupa pitaka kitomende pyoo lita petala kitomende doko dolapome konjuapi, nee lopopi, yaina tatapi, mena kapua tatapi dupame kumaseta pina lao mendeme dolapo pupu lasia.

Dokopa g  Sipisipi Yakane dokome wakaiya yuungi doko taka leamopa, endakali kumapae imambu mendapua kandeo. Endakali dupame Gotenya pii lapae doko lamaiyoo, Jisasame pii leamo doko minao piaminosa pyao kumasetae dupanya imambu dupa olata toko pundipundi dokonya peteami. 10 Imambu h  dupame puu lao lao pituu, “Kamongo, emba etete epe-kisa angi baa dokome gii akipate patatamopa yuunya endakali dupame naima taiyoko nyiamino dupa yapapala yanu nyakatepe?” leami. 11 Dopa i  leaminopa, mendeme yonge pee kyoo lapae londe dupa mendai mendai lao dokaita maiyamo nyiami. Nyepeaminopa mendeme okaita lamaiyoo, “Nyakama pyao kumasiaminoliaka pyoo nyakamanya masoo miningi kaiminingipi kalai mendai pingi endakalipi dupa pyao kumasoo etasetena, nyakama gii kuki mende imambu nyoo malisetalapa,” lea.

12 Dokopa j  Sipisipi Yakane dokome wakaiya tokange doko taka leamo kanju piopa, titiwali andake mende minia. Dopa piamopa niki doko pumbutao iki ita kondapae jiamopa kana doko aluo taiyoko pia. 13 Dopa k  piamopa ita lepa dii saka dupa poo andakeme kondao isa epengeli pyoo, kaitinya bui dupa kondao isa epea. 14 Kaiti l  doko kaki pyoo tuli yangao lakele petala alu pia. Dokopa yuu manda dupa pitakapi, endaki kainanya yuu singi dupa pitakapi, dupanya singi panda dupa yakinatala, yukuoo puma puma piami. 15 Yuunya m  kiŋipi, kenge singi akalipi, yanda singi amii isingi akali mupapi, kamongopi, akali pupu lapae singipi, dee kendemane endakali dupa pitakapi, mee endakali dupa pitakapi dupa yuu manda dupanya kanandapi kana pundipundipi dupanya pao yalo pyaa pyaa peami. 16 Dopa n  petala dupame yuu mandapi kanapi dupa lamaiyoo, “Kiŋi petenge toko dokonya petenge dokome naima nakandawapi Sipisipi Yakane dokome naima imbu nakayawapi pinalena nyakama longapala naima sanga pyalapa! 17 Doko, o  dolaponya imbu kaenge gii andake doko ipatelyamona, apimi kapa pao toya katapengepe?” leami.

Copyright information for `ENQ