a1:1Ap 9:15, 13:2, 26:16-18; 1 Ko 1:1; 2 Ko 1:1; Ga 1:10,15; Pl 1:1; Kl 1:1
b1:2Lo 16:25-26; Ta 1:2
c1:32 Sam 7:16; Mt 9:27, 22:42; Lo 9:5; 1 Ti 3:16; 2 Ti 2:8; Pa 22:16
d1:4Ap 13:33; Lo 10:9; 1 Ko 6:14
e1:5Ap 9:15, 26:16-18; Lo 15:18; Ga 2:7-9; Ip 11:18
f1:7Nam 6:25-26; 1 Ko 1:2-3, 8:6; 2 Ko 1:1-2; Ga 1:3; Ep 1:2; Pl 1:2; Kl 1:2; 1 Te 1:2; 2 Te 1:2; 1 Ti 1:2; 2 Ti 1:2; Ta 1:4; Pm 3; 2 Jo 3
g1:8Lo 16:19; 1 Te 1:8
h1:9-10Ap 19:21; Lo 15:23,32; 2 Ko 1:23; Ep 1:16; Pl 1:8; 1 Te 2:5,10,18; 2 Ti 1:3; Je 4:15
i1:13Jo 15:16; Ap 19:21; Lo 15:22
j1:141 Ko 9:16
k1:16Wee 119:46; Mk 8:38; Ap 13:38,46; 1 Ko 1:18-25, 2:1-5; 2 Ko 12:9-10
l1:17Ap 2:4; Lo 1:16, 3:21-22; Ga 3:11; Pl 3:9; Ip 10:38
m1:18Wee 69:24, 85:3-5; Mai 7:9; Sep 1:15; Ep 5:6; Kl 3:6; 2 Te 2:12
n1:19-20Ap 14:15-17, 17:24-28
o1:20Jop 12:7-9; Wee 19:1-4; 1 Ko 1:21; Ip 11:3
p1:21Ais 5:21, 40:26,28; 1 Ko 1:19-20; Ep 4:17-18
q1:23Eke 32:1-6; Dit 4:16-18; Wee 106:20; Jet 2:11, 10:14; Ap 17:29
r1:24Ap 14:16; Ep 4:19
s1:25Jet 13:25, 16:19; Lo 9:5
t1:27Lep 18:22, 20:13; 1 Ko 6:9-10
u1:28-30Lo 13:13; 1 Ko 5:10-11, 6:9-10; 2 Ko 12:20; Ga 5:19-21; Ep 4:31, 5:3-5; Kl 3:5-8; 1 Ti 1:9-10, 6:4; 2 Ti 3:2-5; Ta 3:3

Romans 1

Namba a  Polo Kataisa Jisasanya kendemane dokome pepa dake pyekelyo. Goteme namba aposele joo kalyale lao ipu latala baanya Wai Pii Epe doko lamaiyoo kata lea. Goteme b  baanya Wai Pii Epe doko ipatana lao wambao potopesa dupa-kisa lao paneamopa, dupame Gotenya pii etete epe dupa pepa piami-pyaa. Wai c, d  Pii Epe dokome Gote Ikiningi naimanya Kamongo Jisasa Kataisa doko kandao lapae silyamo. Baa endakali. Baa Dapiti tatanya mandipae. Dee baa Gote etete epe. Baa malunya sakateamo dokome baa Gote Ikiningi pupu lapaena lao laitaka petea. Nambame e  Kataisa lalyoo endakali tata paliuu pelyamo dupa pitakame baa lao masoo minao baa watao katena lao sakatasoo kalyale lao, Goteme Kataisa-kisa aposele kalai epe doko namba dia. Nyakama Loma yuu dokonya kalyamino endakali dupa apata tata dupa-pipa Goteme ipupa lateamo dokony nyakama Jisasa Kataisanya katakamailyamino.

Dopana, f  nambame pepa dake nyakama Goteme mona setenge baanya ipupa latae endakali dupa pitakanya pyao peekelyo. Naimanya Takange Gotepa Kamongo Jisasa Kataisapame nyakama kandao mona epe mende palyetala nyakamanya mona doko lyuu lasekena.

Polome Loma yuu dokonya kanja pato lao masiamo dokonya leamo doko

Nambame g  wambao nyakama dapa langilyo: nyakamame masoo minao paelyamino lapae doko yuu dupa pitakanya endakali dupame silyamino. Nyakamame dopa pilyamino dokonya nambame nyakama pitaka kandao Jisasa Kaitaisa lao masetala nambanya Gote doko lao yaka pilino lelyo. Nambame h  nambanya mona doko pitaka Gotenya kalai dokonya yukuoo setao baanya Ikiningi dokonya lao Wai Pii Epe doko lamaingi. Goteme kandamopa kiningi lelyona, nambame koteaka lao loma silyo dii lao nyakama kame sala nayao loma singi. Goteme kapana lao masetamo kandao doko, indupa namba nyakama kalyamino dokonya ipatoo lao baame kaitini mende setekena lao loma silyo. 11 Oli Sipitisame namba epe dingi dokonya mokosoo nyakama pupu lasina ditoo latala, nambame nyakama kalyamino dokonya ipawanimi kumilyo. 12 Nambame dopa lelyo doko, namba nyakama-pipa tole katatamano dokopa nyakamanya masoo miningi dokome namba nisetaminopa nambanya masoo miningi dokome nyakama nisotopa nisoloo pyoo katatamanopa lao lelyo.

13 Kaimia i  paluma, nambanya kalai dokome endakali tata waka dupanya kainanya dii mandengeli pyoo nyakamanya kainanya apata dii mandena lao paa longosa nyakama kalyamino ongonya ipatoo lao masingi doko nyakamame masipimi laka lao masilyo. Dopa lao masingiaka doko, ipupenge kaitini doko lyokenge. 14 Gitiki j  endakalipi meepi, mana nyepaepi nyala naengepi, dupa pitaka nambame Wai Pii Epe doko lamaipenge. 15 Tenge ongonya minao nambame nyakama Loma yuu dokonya kalyamino dupa apata Wai Pii Epe doko langitoo lao eteke pilyo.

Wai Pii Epe doko pupu lapaena Polome leamo doko

16 Nambame k  Wai Pii Epe doko lamaiyanya elya nakaelyo. Wai Pii Epe doko Gotenya pupu lapae. Pii dokome masoo minilyamino endakali dupa pitaka pyoo nyingi. Juta dupa wambao pyoo nyepala tata waka dupa apata pyoo nyingiaka. 17 Goteme l  endakali dupa tolataena lenge doko Wai Pii Epe dokome laitaka pingi. Masoo miningi dokonya-kaita baame masoo miningi endakali dupa tolataena lenge. Pii pepa pyapae singi dokonya, “Masoo miningi dokonya-kaita Goteme tolataena lelyamo endakali doko lete etete katatana,” lapae silyamo.

Endakali dupanya koo pingi dokonya leamo doko

18 Gote m  maita maiyoo koo pyoo paenge endakali dupa kandao Gote kaiti-kisa katenge dokome baanya imbutongo mandenge doko laitaka pingi. Endakali dupame nyakamanya koo pingi mana dokome Gote lao masingi angi doko angombengema. 19 Endakali n  koo pingi dupame Gote lao masepenge doko baa tangeme dupa-kisa panasiamo dokonya dupame masingima. 20 Baame o  yuupi kaitipi wapuiyamo gii dokonya pituu indupa tuu lao endakalimi Gotenya nakandenge dupa dupame masingima. Kini, dupame oapi Goteme wapuiyamo dupa kandatala baa-kisa pupu lapae sia singi dokopa baa katea katenge dokopa dolapo auu pyoo masingima. Dokonya dupanya mendeme, “Nambame ambe lao piona,” nalapenge. 21 Dupame p  Gote lao masingimaka doko, baa Gotena lao lalyala nayao baa lao yaka pilino naleami-pyaa. Dopa napinya, nyakamanya masingi doko angi daa dupanya pena lao kateaminopa, nyakamanya masala naenge mona doko iminjia-pyaa. 22 Dupame nyakama tange masingi akalina lao masiaminoaka doko kyekeami-pyaa. 23 Dopa q  pyoo katao dupame kumala naenge tii pipae Gote doko alo pyoo endakali kumingi dupapi, yakapi, mena tatapi, kanopatopi, dupa wangi tao wasoo tama pyoo kateami-pyaa.

24 Dupame r  dopa piamino dokonya Goteme dupa tangenya moname pyuani kayatamili pina lao yakinateamopa, kini dupame elya pingi napipenge dupa pyoo nyakama tangelapo mende elya pisa pisa pyoo kateami-pyaa. 25 Endakali s  dupame Gote lao masingi angi doko yakinatala alo pyoo sambo gote dupa minao kateami-pyaa. Kini, dupa pitaka wapuingi Gote doko lao tanga tangapi tama pipengeaka doko, dupame baa tama pyoo baanya kalai pyakamaiya naenya, baame wapopae dupa tama pyoo dupanya kalai pyakamaiyoo kateami-pyaa.

26 Tenge ongonya minao dupame elya pingi pyuanimi putiti kayao elya kayapenge mana dupa minao katena lao Goteme yakinateamopa, nyakamanya enda dupame apata akalipa tole pingi mana doko kayapala alo pyoo mana naminapenge dupa miniami-pyaa. 27 Dopaka t  pyoo akali dupame endapa tole pingi mana doko kayapala akali yango-pipa elya pingi pyuanimi etete putiti kayao kateami-pyaa. Dupame akali yango dupa-pipa elya andake kayapenge mana koo doko minao kateami-pyaa. Dopa piamino dokonya nyakamanya mana koo miniamino dokopa kapa pao yanu nyepenge doko nyakama tange-kisa nyoo kateami-pyaa.

28 Dee u  endakali dupame Gote itakinya mende daana lao masiaminosa, Goteme dupanya masingi doko koena lao yakinateamopa, dupame mana naminapenge koo dupa miniami-pyaa. 29 Dupame eteteaka luiyao katao, nyipu lakaka lao masoo, tombaka nao, mana koo dupa longo lao minao kateami-pyaa. Dee dupame tilya nyoo, endakali yango pyao kumasoo, imbu kayaloo pyoo, sambo lao minakasoo, mona koo palyoo koo pyoo kateami-pyaa. Mana koo dopale dupaka longo lao miniami doko minawaka kalyamino. Endakali mendeme opale mende pilya doko dupame lale lale payakamaingima; 30 endakali mende lao nepengema; Gote imbu kayamaingima; dupame luiyao nyakama alyasale joo kalyamanona lao masoo pii luiyapae lengema; mana koo enenge mendapua kutao miningima; endangi takangepanya pii nepakamaingima; 31 dupame kyakaenge joo payao pipenge dupa napingima; dee dupame endakali yango dupa auu nakayao kondo nakaengemaka. 32 Mana dopale minilyamino dokonya yanu doko Goteme koyatamina lao mana seteamo doko dupame masingima. Dopaka doko, mana koo dupa mee minawaka katengema. Dopa iki pyaa naenya, endakali waka mana koo dopale minilyami dupa kandao yaka pilyaminona lao masingimaka.

Copyright information for `ENQ