a3:1Lo 13:1-7; 1 Ti 2:1-2; 1 Pi 2:3-14
b3:3Lo 1:29, 3:21-26; 1 Ko 6:9-11; Ep 2:2-3, 5:8; Kl 3:7; 1 Pi 4:3
c3:41 Ti 1:1; 2 Ti 1:10; Ta 1:3, 2:11
d3:5Jo 3:5; Lo 5:5, 6:1,4; 2 Ko 13:13; Ep 5:26; 1 Ti 1:1; 2 Ti 1:9
e3:6Ap 2:17-18
f3:7Lo 3:24, 8:17,24
g3:81 Ti 1:15
h3:91 Ti 1:4, 4:7
i3:10Mt 18:15-17; 2 Jo 10
j3:111 Ti 6:3-5
k3:12Ap 20:4; Ep 6:21-22; Kl 4:7-8; 2 Ti 4:12
l3:13Ap 18:24; 1 Ko 3:5-6, 16:12
m3:14Mt 7:19; Ep 4:28; Ta 2:14

Titus 3

Mana epe dupanya naima kyoto joo katapengena leamo doko

Embame a  embanya endakali yango dupa kapomanepi dee kapomanenya isingi akalipi, dupanya pundipundi katapala pii watao minakamaiyoo kalai epe dupa pitaka pyaanya depa latae katena lao masingi dee sakatasakamaiyoo katape. Dupame endakali mendaipi mende kandao pii koo laa nayao kaita miningi joo tambo-tambo lao endakali pitaka andiki andiki pyoo katena lape.

Wamba b  naima apata mona napalenge joo katao pii tanga lao kateamanopa, Sataneme naima minao kyakasiamosa kyakalya kyakana pyoo kateama. Naima yuunya mona yaepasingipi putiti kaenge tata tatapi dupanya masetae soo kateama. Naimame endakali yango dupa kandao tilya nyoo mona koo palyoo katao, dupa-pipa imbu kayaloo pyoo kateama.

Dopaka c, d  doko, naimanya Pyoo Nyingi Gote dokome mana epepa auu kaenge manapa dolapo panasiamo gii dokopa baame naima pyoo nyia. Naimame tolao katapala kalai epe piamanosa pyoo nyia daa. Baame mee kondo kayao kaimbu dokome naima pyoo nyia. Oli Sipitisame naima kaimbu dokome dee ŋaŋa joo mandipala aloo pinya katea. Goteme e, f  mona epe palyoo naima tolataena lateamo endakali dupame lete etete katatamana lao masoo malisoo kalyamano doko nyalapale lao baame Oli Sipitisa doko naimanya Pyoo Nyingi Akali Jisasa Kataisa-kisa dyaakao dia. Pii g  dutupa etete kiningi. Gote lao masoo minao kalyamino endakali dupame mana epe dupa masokondape pyoo minao katena lao embame pii dutupa kyoto joo lamaipi laka lao masilyo. Piipi manapi dutupa epe. Dutupame endakali dupa nisingi. Dopaka h  doko, kyakaenge pii dupa lalya lana petala atete pilyamino dupapi, wamba akali yumbange kateamino dupa kenge lao itaki pilyamino dupapi, imbu kayaloo pingi dupapi, mana setapae dupanya lao pii yanda pilyamino dupapi dupanya embame wandyuu katape. Pii dutupame endakali nisoo dii angi mende namandenge. 10 Masoo i  miningi endakali dupa wakale pisingi endakali mende kandao embame paa mendaipi lapopi mende dopa napina lao pupu lao lamaipi. Baame embanya pii nasetamo kandao doko, baa maita maipi. 11 Endakali j  dopale dokome koo pyoo koyao kalyamopa baa tange-kisa tenge singi doko embame masilino.

Etao lasa leamo pii doko

12 Tenda k  nambame akali Atemasa tamopi Tikikasa tamopi mende emba kalyeno dokonya epena lato dokopa emba Nikopolisa yuu dokonya namba katatosa yapa alo pyao ipupi. Koo kana palitamo gii dokopa namba Nikopolisa yuu dokonya katatona lao masetelyo. 13 Embame l  akali Apolosapa mana setapae masingi akali Sinasapa dolapo pena lao nisepe. Kaitini payatambino dupanya opale mendeme daa jetana nisokondape petala pena lape. 14 Dee m  naimanya endakali dupame aopyoo latala mee katatamina, oapi daa jingi endakali dupa nisalanya kalai epe dupa pyokondape pyoo pyoo katao mana nyepenge.

15 Namba-pipa endakali awapa katapumano dupa pitakame emba kandao auu pyoo katape lelyamino. Gote lao masoo miningi dokome naima mona setao kalyamino endakali dupa auu pyoo katena lelyamanona lamaiyakape. Goteme nyakama pitaka kandao mona epe palena.

Copyright information for `ENQ