a(Lo 19.18)

Romans 13

Gapman kandja djinda mal menameto mopon

Gapman mor ge kiwa namor, God dji mal mor. Embe yei pille gapman kandja djine mal una porapora kaima yene. Gapman dumo yemyem mor ge God dji mal mor. God embe yei pille, gapman kandja djineke ye pille mop awi dal, ye una kandjine pille mop naune, man, ye God dji moi una kandja djine mal, mop aune. Aune ge, God ye tonda. Gapman mor ge, una singare wopake yenj una kand nagor. Ba una singare ke yenj una kand gor. Embe pille ye gapman kand nagopon dje pi dal, ge gapman kandja djine mal ye karkar yene. Yei dal, kambono ye kandjine amblo pla worne. Gapman ge God boiye mor. Kambono ye amblo pille dje awo, ye wopake moye dje pille mor. Ei amblo mor ge, kiwa nabir. Singare ke yenj una tambon dje pille abir. Alla ye singare ke ta yene ge, ye kand goye! Embe pille me soka pai al pille ye gapman kandja djine mal yene. Ta, gapman ye tane kune yenda. Alla ta, ge ye nomane embe panda, ga kandja djine mal yembon ge kune paro we dje piye.

Me ge al pai pille, ye ku takis tonj. Kambono God kogoye una mor, gapman kogo paro mal ege ege yenj pille ye ku takis tonj. Ye una wal awo yem worne panda, ye aune. Ye gapman ku takis aune panda, aune! Ku takis djell ta panda ge ye aike aune! Una kerman kambono ye pille pla ye aune mal mor ge, ye pille pla ye aune. Ye ga nomane aune mal mor ge, ye nomane aune!

Nono una djell ta kane wopake yembon

Ye una wal ta awo yem worne panda ge, ye awo yem woro aune! Alla singare ta ye ege ege awo yem woro aune ge embe paro, ye una kane wopake yene! Ye embe yei dal, Mosis lo bolo pagi mal, ye, ye kune yei pora djindo. Ge Baibel bolo wori pai ge embe djindo, ye una to nagolme! Ye wal kunumb nanome! Una djell wal yenda ge, ye imbon dje nayeme! Iwana mor ge djingjang nayeme dji. Kandja dji ge ne, Mosis lo ta bolo pagi ge, nono kandja i taimane woro embe djimbon,

Ni nenem wopake kanden mal embe, ni una djell ta kane wopake yemben. a 
10 Una kane wopake yenj una mor ge, ga singare ke ye una nawinj. Embe mal ge, ni una boll kane wopake yen dal, Mosis lo bolo pagi ge ni ye kune yen pora djindo.

Nono kond du dje wanbon

11 Ye singare wopake yene we dje na kandja embe djill ge, me embe mal paro. Krais nono i yem djinda poke ge manda yendo. Ye ou par kere, aglo gun moye ege yero. Asa ye Krais boll pillgi dji poke ge, ege momo yei ba alla ipon ege manda woi pora djindo. 12 Emill yei pora djindaka, tage au djinda yendo. Emill pai al wan mor una singare ke yenj al ge kerne! Tage au dji al wan mor una konkunom dongall worinj mal, ye worne! Ye kunda al, wal ta naboye. 13 Una tage au djindo al wan mor una singare wopake yenj mal embe yembon. Una nu no kannakanna yenj ge nayene! Iwana ne, war ambo djingjang ke yenj mal ge, nayembon! Una boll pille ke ye, kle nakakbon, kunda nonga nayembon! 14 Ami una konkunom dongall worinj mal embe, ye Iwa Kerman Jisas Krais i, konkunom dal embe worne. Ye makimb al nomane ke paro mal ge nayene.

Copyright information for `GAM