Psalms 141

ኣእምሮ ፡ ዘዳዊት ፤ አመ ፡ ሀሎ ፡ ውስተ ፡ በአት ።
ቃልየ ፡ ኀበ ፡ እግዚአብሔር ፡ ጸራኅኩ ፤
ቃልየ ፡ ኀበ ፡ እግዚአብሔር ፡ ሰአልኩ ።
ወእክዑ ፡ ቅድሜሁ ፡ ስእለትየ ፤
ወእነግር ፡ ቅድሜሁ ፡ ሕማምየ ።
ሶበ ፡ ተኀልቅ ፡ ነፍስየ ፡ በላዕሌየ ፤
አንተ ፡ እግዚኦ ፡ ታአምር ፡ ፍናትየ ፤
በዛቲ ፡ ፍኖት ፡ እንተ ፡ ሖርኩ ፡ ኀብኡ ፡ ሊተ ፡ መሥገርተ ።
ተመየጥኩ ፡ መንገለ ፡ የማንየ ፡ ወርኢኩ ፤
ወኀጣእኩ ፡ ዘያአምረኒ ፤
ወኀበሂ ፡ ኣመስጥ ፡ አልብየ ፡
ወአልቦ ፡ ዘይትኃሠሥ ፡ በእንተ ፡ ነፍስይ ።
ኀቤከ ፡ እግዚኦ ፡ ጸራኅኩ ፤ ወእቤለከ ፡ አንተ ፡ ተስፋየ ፤
ወአንተ ፡ መክፈልትየ ፡ በምድረ ፡ ሕያዋን ።
ነጽር ፡ ስእለትየ ፡ እስመ ፡ ሐመምኩ ፡ ፈድፋደ ፤
አድኅነኒ ፡ እምእለ ፡ ሮዱኒ ፡ እስመ ፡ ይኄይሉኒ ።
ወአውፅኣ ፡ እሞቅሕ ፡ ለነፍስየ ፡
ከመ ፡ እግነይ ፡ ለስምከ ፡ እግዚኦ ፤
ኪያየ ፡ ይፀንሑ ፡ ጻድቃን ፡ እስከ ፡ ሶበ ፡ ተዐስየኒ ።
Copyright information for Geez