Psalms 19

ፍጻሜ ፡ መዝሙር ፡ ዘዳዊት ።
ይስማዕከ ፡ እግዚአብሔር ፡ በዕለተ ፡ ምንዳቤከ ፤
ወይቁም ፡ ለከ ፡ ስሙ ፡ ለአምላከ ፡ ያዕቆብ ።
ወይፈኑ ፡ ለከ ፡ ረድኤተ ፡ እምቅደሱ ፤
ወእምጽዮን ፡ ይትወከፍከ ።
ወይዝክር ፡ ለከ ፡ ኵሎ ፡ መሥዋዕተከ ፤
ወያጥልል ፡ ለከ ፡ ቍርባነከ ።
የሀብክ ፡ እግዚአብሔር ፡ ዘከመ ፡ ልብከ ፤
ወይፈጽም ፡ ለከ ፡ ኵሎ ፡ ሥምረተከ ።
ወንትፌሣሕ ፡ በአድኅኖትከ ፡
ወነዐቢ ፡ በስመ ፡ እግዚአብሔር ፡ አምላክነ ፤
ወይፈጽም ፡ ለከ ፡ እግዚአብሔር ፡ ኵሎ ፡ ስእለተከ ።
ይእዜ ፡ ኣእመርኩ ፡ ከመ ፡ አድኀኖ ፡ እግዚአብሔር ፡ ለመሲሑ ።
ወይሠጠዎ ፡ እምሰማይ ፡ ወቅደሱ ፤
በኀይለ ፡ አድኅኖተ ፡ የማኑ ።
እሙንቱሰ ፡ በአፍራስ ፡ ወበሰረገላት ፤
ወንሕነሰ ፡ ነዐቢ ፡ በስመ ፡ እግዚአብሔር ፡ አምላክነ ።
እሙንቱሰ ፡ ተዐቅጹ ፡ ወወድቁ ፤
ወንሕነሰ ፡ ተንሣእነ ፡ ወረታዕነ ።
10 እግዚኦ ፡ አድኅኖ ፡ ለንጉሥ ፡
ወስምዐነ ፡ በዕለተ ፡ ንጼውዐከ ።
Copyright information for Geez