Psalms 63

ፍጻሜ ፡ መዝሙር ፡ ዘዳዊት ።
ስምዐኒ ፡ እግዚኦ ፡ ጸሎትየ ፡ ዘሰአልኩ ፡ ኀቤከ ፤
እምትሕዝብተ ፡ ጽላኢ ፡ አድኅና ፡ ለነፍስይ ።
ወሰውረኒ ፡ እምዕሌቶሙ ፡ ለእኩያን ፤
ወእምብዝኆሙ ፡ ለገበርተ ፡ ዐመፃ ።
እለ ፡ አብልኁ ፡ ልሳኖሙ ፡ ከመ ፡ አርዌ ፡ ምድር ፤
ወወሰቁ ፡ ቀስቶሙ ፡ ለገቢረ ፡ መሪር ።
ከመ ፡ ይቅትልዎ ፡ ለንጹሕ ፡ በጽሚት ፤
ግብተ ፡ ይነድፍዎሙ ፡ ወኢይፈርሁ ።
ወአጽንዑ ፡ ሎሙ ፡ ነገረ ፡ እኩየ ፡
ወተማከሩ ፡ ይኅብኡ ፡ ሎሙ ፡ መሥገርተ ፤
ወይቤሉ ፡ አልቦ ፡ ዘይሬእየነ ።
ወኀሠሥዋ ፡ ለዐመፃ ፡ ወኀልቁ ፡ እዝነ ፡ ይፈትኑ ፡ ወይወጥኑ ፤
ወይበውእ ፡ ሰብእ ፡ በልብ ፡ ዕሙቅ ፤
ወይትሌዐል ፡ እግዚአብሔር ።
ከመ ፡ ሐጸ ፡ ደቂቅ ፡ ኮነ ፡ መቅሠፍቶሙ ።
ወደክመ ፡ ለሳኖሙ ፡ በላዕሌሆሙ ፡
ወደንገፁ ፡ ኵሎሙ ፡ እለ ፡ ርእይዎሙ ።
ወፈርሁ ፡ ኵሉ ፡ ሰብእ ፡
10 ወነገሩ ፡ ግብረ ፡ እግዚአብሔር ፤
ወአእመሩ ፡ ምግባሮ ።
11 ይትፌሣሕ ፡ ጻድቅ ፡ በእግዚአብሔር ፡ ወይትዌከል ፡ ቦቱ ፤
ወይከብሩ ፡ ኵሎሙ ፡ ርቱዓነ ፡ ልብ ።
Copyright information for Geez