Proverbs 28

Kara dika taudia be ta ese,
ia luludia lasi neganai idia heau kava noho,
to kara maoromaoro taudia be idia gari lasi noho,
laiona bamona.

Basileia ta ena taunimanima bema idia kara dika neganai,
unai basileia ena king be momo,
to aonega bona laloa kehoa tauna ese ia gunalaia neganai,
basileia be nega daudau do ia gini goada noho.

Bema ogogami tauna ta ese,
ogogami tauna ma ta ia dagedage henia,
unai dagedage tauna be medu dikana,
aniani ia hadikaia meduna, bamona.

Bema taravatu oi rakatania,
oi ese kara dika taudia oi hanamoa noho,
to taravatu oi badinaia neganai,
oi ese kara dika taudia oi heatu henidia noho.

Kara dika taudia be kota maoromaoro ena anina idia diba lasi,
to Lohiabada idia tahua noho taudia ese,
kota maoromaoro idia diba momokani.

Ogogami tauna be iena kara maoromaoro dekenai ia noho be namo,
to kohu momo tauna be iena kara koikoi dekenai ia noho be dika.

Taravatu ia badinaia noho merona be aonega merona,
to heatu kava taudia danu ia turana karaia merona,
ese iena tamana ia hahemaraia noho.

Bema atoa kau moni dekena amo,
oiemu kohu do oi habadaia neganai,
unai oi haboua vadaeni kohu be,
ogogami taudia ia bogahisihisi henia tauna ta ese do ia abia.

Bema Dirava ena taravatu ita kamonai henia lasi,
ia ese iseda guriguri do ia kamonai henia lasi.

10 Kara maoromaoro taudia,
bema tau ta ese kara dika ena dala dekenai ia hakaudia kerere,
unai tau be sibona ena guri lalonai do ia moru diho,
to kerere lasi taudia ese davana namona do idia davaria.

11 Kohu momo taudia ese,
idia laloa idia be aonega taudia,
to ogogami tauna mai ena laloa kehoa ese,
unai taudia edia kara momokani ia diba.

12 Kara maoromaoro taudia idia kwalimu noho neganai,
taunimanima idia moale bada noho,
to kara dika taudia idia toreisi noho neganai,
taunimanima be idia hunia noho.

13 Bema oiemu kara dika oi hunia noho neganai,
namo ta do oi davaria lasi.
Oiemu kara dika do oi gwauraia hedinarai,
bona dika do oi rakatania,
unai neganai Dirava ese oi do ia bogahisihisi henia.

14 Nega ibounai Lohiabada do oi gari henia,
vadaeni do oi moale,
to bema oiemu kudouna oi ha-aukaia neganai,
dika momokani do oi davaria.

15 King dikana ese ogogami taudia ia biagua,
be laiona ia boiboi noho,
o bea ia dagedage noho bamona.

16 King mai ena laloa kehoa lasi ese,
taunimanima ia hisihisi henidia bada noho.
To ia ura lasi koikoi dekena amo,
kohu do ia abia tauna,
be nega daudau, dina momo, do ia mauri noho.

17 Tau ta ese ma tau ta ia alaia mase neganai,
unai ala-ala tauna be heau tauna do ia lao,
ela bona ia mase.
Tau ta ese ia do ia durua lasi.

18 Kara maoromaoro dalana dekenai ia raka noho tauna,
be do ia mauri,
to kara kerere tauna,
be guri lalonai do ia moru diho haragaharaga.

19 Iena tano dekenai ia gaukara auka tauna ese,
aniani momo do ia ania,
to anina lasi karadia ia karaia noho tauna,
be do ia ogogami momokani.

20 Kara maoromaoro tauna ese,
gau namodia momo do ia davaria,
to bema kohu momo oi tahua haraga haraga,
oi ese matakani do oi davaria.

21 Taunimanima ibounai maka tamona do oi kara henidia lasi,
be kara dika,
bona kota biagudia haida ese,
beredi tamona ena davana totona kerere do idia karaia.

22 Ena moni sibona ia laloa tauna ese,
ia ura kohu momo do ia davaria haraga,
to ia diba lasi ogogami ese do ia davaria.

23 Tau ta ia sisiba henia tauna ese,
gabeai lalo namo bada do ia abia,
to iena uduna dekenai ia hanamoa koikoi tauna ese,
lalo namo maragi sibona do ia abia.

24 Iena tamana o sinana ena gau ia henaoa noho,
bona ia gwau, “Inai be kerere lasi”,
be ala-ala tauna ena turana.

25 Hekokoroku tauna ese heai ia havaraia noho,
to Lohiabada ia abidadama henia noho tauna ese,
kohu momo do ia davaria.

26 Sibona ena lalona dekenai ia abidadama henia tauna be kavakava,
to aonega ena dala dekenai ia raka tauna,
be do ia mauri.

27 Ogogami taudia dekenai durua do oi henia,
bona do oi ogogami lasi,
to bema ogogami taudia dekenai,
oiemu matana oi koua neganai,
taunimanima ese hereva dika mai badu danu,
oiemu latanai do idia gwauraia.

Kara dika taudia ese,
basileia naria siahu idia abia neganai,
taunimanima be do idia hunia,
to unai kara dika taudia idia mase neganai,
kara maoromaoro taudia be, ma momo do idia noho.
28 

Copyright information for `HMO