Psalms 124

Dirava be iena bese taudia edia Hamauria Tauna

Bema Lohiabada ese ita ia durua lasi neganai,
ita be edena bamona do ita karaia?
Israela taudia ese inai henanadai idia haere henia be namo.
Ita dekenai idia dagedage taudia ese ita idia tuari henia,
bona bema Lohiabada ese ita ia durua lasi neganai,
unai dagedage taudia ese ita do idia hadikaia ore,
idia edia badu mai siahu bada dekena amo.
Unai neganai abata ese ita do ia abia lao,
bona ranu bada ese ita do ia koua momokani.
Hurehure badana ese ita do ia koua,
vadaeni ita be do ita mase ore,
to inai bamona ia vara lasi.

Ita ese Lohiabada do ita tanikiu henia be namo,
Ia ese ita idia hadikaia gwauraia taudia ia koua.
Ita ese idia dekena amo ita heau mauri,
manu ese labana tauna ena tarapu dekena amo ia heau mauri bamona.
Tarapu ia makohia vadaeni,
bona ita heau mauri vadaeni.
Lohiabada ese ita ia durua noho.
Ia ese guba bona tanobada ia karaia.
Copyright information for `HMO