Psalms 67

Dirava hanamoa ane ta

Dirava e,
ai dekenai do oi bogahisihisi,
bona oi ese ai do oi hanamoa.
Mani ai dekenai do oi laloa,
bona ai do oi durua.
Unai dekena amo tanobada taudia ibounai ese,
oiemu dala do idia diba,
bona oiemu hamauria kara,
be bese ibounai taudia danu do idia diba.

Dirava e,
lau ura bese ibounai ese oi do idia hanamoa.
Lau ura bese idauidau ese oiemu ladana do idia abia isi.
Bese idauidau taudia ibounai ese,
mai moale danu ane idia abia be namo.
Badina be oi ese tanobada taudia oi kota henia noho,
mai maoromaoro bona momokani danu,
bona bese ibounai be oi ese oi hakaua noho.

Dirava e, lau ura bese ibounai ese oi do idia hanamoa,
bona oiemu ladana idia abia isi.
Tano ena anina idia vara namonamo, badina be,
Dirava, iseda Dirava ese ita ia hanamoa vadaeni.
Momokani, Dirava ese ita ia hanamoa vadaeni.
Tanobada taudia ibounai ese,
Dirava do idia matauraia be namo.
Copyright information for `HMO