a5.1LBM 18.7-8, Man 22.30, 27.20, Eb 5.3
b5.3Kl 2.5
c5.4Md 16.19, 18.18, Yo 20.23, 2 Ko 13.10
d5.5Ab 26.18, 1 Ti 1.20, 1 Pi 4.6
e5.61 Ko 3.21, 15.33, Ga 5.9, Ya 4.16
f5.7Har 12.5, 12.21, 13.7, Ais 53.7, Yo 1.29, 1 Pi 1.19, Mo 5.6, 5.12
g5.8Man 16.3, Md 16.6, 16.12, Lg 12.1
h5.9Md 18.17, 2 Ko 6.14, Eb 5.11, 2 Te 3.14
i5.10Yo 17.15, 1 Ko 1.20, 10.27
j5.11Md 18.17, Lm 16.17, 2 Te 3.6, Ta 3.10, 2 Yo 10
k5.12Mg 4.11, 1 Ko 6.1-4, Kl 4.5, 1 Te 4.12, 1 Ti 3.7
l5.13Man 13.5, 17.7, 21.21, 22.21-24

1 Corinthians 5

Keriso hameigini marume koore binigo ogo

Keriso hameiginiru tí kamigoha wali agali maru kayu bialu ka lalu marume i̱ langiya. Ogoni ko taraore birago Ngode Datagaliwabe mana manda nabi karumebi biagadagua ndo ko taraore bialu ka. Bi langiyagome lalu, Agali mbirame ibu aba one heba mandagi ibuni onela haradagua bialu ka, lalu langiya. a  Ani biragola tí mine halu kamigo irane agibe. Tígua mine nahe taga timbuni howa dara halu agali ogonime nakarulape bialu kago ibu tí baba mandagi nahe tagira helalimu. I̱ni tingini kaundia kogonigo i̱naga bu mini dininibi tí heba helowa kogoni. I̱na Anduane Homogo Yasunaga minini howa agali ogoni ibu ko timbuniore biya lalu dabarugoni. I̱na bi o larogoni tí heba mandagi howa laradagua bero. b  Tí mandagi ngoai ho bedamigoria i̱naga bu mini dininibi tí heba mandagi biruwa inanaga Anduane Homogo Yasunaga hongo holene ina heba kagome c  tígua agali ogonime ibunaga mini ko bo pelo ibu dama Heyolabenaga giha ya halimu. Irane Anduane Homogonaga Horo harangi ibu dinininaga pele mulene yu helo. d 

Tí mine halu kamigo bayale ndo. Bi mbira laganego ogo, Yidi emeneme balawa timbuni helo mo timbu haga, ani laganego tí manda bu kami. e  Tí mberedi bayale aleore hole tígua yidi ko ala tawe ale ogoni mo wahalimu. Ani buwa tí mberedi bayale yidi nahe áyu dege hirini ale holeberami. Áyu nde tí ogonibi kamidalo manda bu kogoni.Bolangua Halu Penegonaga Horo mitangi bialu inanaga nogo sibi igini aleore howa Keriso ibuni loma bialu bo miagadagua ibugua homa hene. f  Anigo iname mo mitangi bulene tomo áyu nalu mberedi yidi ala tawenaga ko bulenebi wali agali kayu bulenebi heba ndo mberedi yidi nahe bayaleorenaga mini gahengebi henene lolenebi heba nalu hami̱ya. g 

I̱na ala tíhondo beba gilibu wia harugo wali agali kayu biaga karu heba tí mandagi nahalimu lalu gilibu wia harugoni. h  10 Ani gili birugo Ngode Datagaliwabe mitangi nabi karume wali agali kayu biagabi mbirale ngago dimagoli hagabi mbirale kayu bule mo hondo hagabi gime wabiniruhondo bi pupu wiagabi uruni mitangi bialu ndo laru. Tígua wali agali urunibi heba nahabehe mitangi bidamile nde dindi o kamigoria mandagi nahe wahalu polene ngale. i  11 I̱na bi gili birugoni agua lalu gili biru. Wali agali mbiralime, I̱ Keriso hameigini kogoni, lowa o biagome wali agali kayu biagabi dimagoli hagabi gime wabiniruhondo bi pupu wiagabi bi gungu biagabi lulu yule lulu iba timbuni nagabi mbirale kayu bule mo hondo hagabi urunibi biaga heba mandagi nahe tomobi ibu heba nane halimu. j 

12 Wali agali tagira karu tihondo ogobi kami lolenego i̱naga biabe ndo. Ngode Datagaliwabe ibugua tihondo tí ogobi kami lolebira. Keriso hameigini tí mandagi kamiru dabolene tíninaga biabe ndobe. Anduane Homogonagambugani lo ngadagua ogo, Wali agali ko bialu kago ibu tagira helalimu, lalu gilibu nga. k, l 

Copyright information for `HUI