a4.1Md 7.15, 24.4-5, 24.24, 1 Te 5.21, 2 Pi 2.1, 1 Yo 2.18, 2 Yo 7, Mo 2.2
b4.21 Ko 12.3, 1 Yo 5.1
c4.32 Te 2.7, 1 Yo 2.18, 2.22, 2 Yo 7
d4.4Md 12.29, Yo 16.33, 1 Ko 2.12, Eb 2.2, 6.12, 1 Yo 5.4-5
e4.5Yo 3.31, 15.19, 17.14
f4.6Yo 8.47, 10.27, 14.17, 1 Ko 14.37, 2 Ko 10.7
g4.71 Yo 2.29, 3.10-11, 3.23
h4.81 Yo 2.4, 3.6, 4.16
i4.9Yo 3.16, Lm 5.8, 8.32, 1 Yo 5.11
j4.10Yo 15.16, Lm 5.8-10, Ta 3.4, 1 Yo 2.2
k4.11Md 18.33, Yo 15.12-13, 1 Yo 3.16
l4.12Yo 1.18, 1 Ti 6.16, 1 Yo 2.5-6, 4.18-20
m4.13Yo 14.20, 2 Ko 1.22, 1 Yo 3.24
n4.14Yo 1.14, 3.17, 1 Yo 1.1-2
o4.15Lm 10.9, 1 Yo 5.1, 5.5
p4.161 Yo 3.24, 4.8, 4.12
q4.17Ya 2.13, 1 Yo 2.28, 3.3, 3.19-21
r4.201 Yo 2.4, 3.17, 4.12
s4.21Md 5.44-45, Mg 12.29-31, Yo 13.34, 15.12, 1 Yo 3.23

1 John 4

Henene laga Dininibi ke̱ haga dininibi dabalu tale bulene ngago ogo

I̱ nenege turubiru-o Ngode Datagaliwabe mana henene ngadagua ndolatagi haga dewa dindi bibahendeni purogo lo kago wali agali marume, Ngode Datagaliwabe Dinini i̱naha ka, lalu kagola tígua tihondo mini mbiraore nawilimu. Nawi howa ala dinini ogoni Ngode Datagaliwabenagadabe ainagadabe lowa dabo hondolene nga. a  Ibuha Ngode Datagaliwabe Dinini kabe be dinini tara kabe manda bulenego ogo. Mbiralime, Yasu Keriso ibu ina dindini agali kamagobiore daliniya, lalu latagi halu kago ibuha Ngode Datagaliwabe Dinini heneneore ka. b  Anigo mbiralime, Yasu Keriso ibu ina dindini agali kamagobiore dalini ndoyago, lalu kago ibuha Ngode Datagaliwabe Dinini nahe Keriso Waitigi kagonaga dinini ibuha kagoni. Dinini ogoni ibu ibulebira layago tí hale harimigoni ibu áyu dindini íbu ka. c 

I̱ waneiginiru-o tí Ngode Datagaliwabe aria kamirume ibunaga mana henene ngadagua ndo latagi haga karu bope halu wayali kamigoni. Dindini ko biaga karu tiha dinini kago ibu hongo nahe ka. Ngode Datagaliwabe Dinini tíha haga kago ibu hongoheore bibahendenaga hongo bolanguahe kagoni. d  Ngode Datagaliwabe mana henene ngadagua ndo latagi haga karu tigua dindini ko biaga karu aria howa dindini ko biaga karume laralidagua dege laragola dindini ko biaga karume hale haga ka. e  Ina Ngode Datagaliwabe aria kamarume bi laramangi wali agali Ngode Datagaliwabe manda bu karume inanaga bi hale haga ka. Wali agali Ngode Datagaliwabe aria ndo karume inanaga bi hale nahaga ka. Ogonidagua henene laga Dininibi ke̱ haga dininibi iname dabalu tale bibehe kama. f 

Ngode Datagaliwabe ibuni gubalini holene kago ogo

I̱ nenege turubiru-o gubalini holene Ngode Datagaliwabeha howa ibini ngago iname inane gubalini hagahaga bu hami̱ya. Wali agali tinaga bu habaneha gubalini holenewi karu ti Ngode Datagaliwabe manda buwa ibu waneigini ka. g  Nde Ngode Datagaliwabe ibuni gubalini holeneore kagonigo mbiralime gubalini holene ibunaga bu habaneha nawi kago ibu Ngode Datagaliwabe manda nabi ka. h  Ngode Datagaliwabehanda ina gubalini ho kago walia halu ibu Igini mbiraore hangu henego ibuha howa ina holene gahenge yuluma̱yanaga ina dindini hemaria ibu Igini ibilene. i  10 Gubalini holene tene ngago ogo, Iname Ngode Datagaliwabe gubalini harimane ndo. Ibugua ina gubalini howa ibu Iginime inanaga ko birimago domo wahole ibilene. j 

11 I̱ nenege turubiru-o Ngode Datagaliwabehanda ina gubalini ogonibi hayadagua iname inane gubalini hagahaga bu holene nga. k  12 Ina bibahende kamagome Ngode Datagaliwabe nahende kamagoni. Anigo iname inane gubalini hagahaga bu harimayagua nde Ngode Datagaliwabe ibu inaha hogimbu bu howa inanaga bu habaneha ibunaga gubalini holene baya buruguleore ngeledagoni. l 

13 Ai ibugua inahondo ibu Dinini ngiyagome Ngode Datagaliwabe inaha hogimbu bu kagobi ina nde ibuha hogimbu bu kamagobi ina manda bidama. m  14 Ngode Datagaliwabe ibugua ibu Igini ina dindi bibahendeni kamaru Pele Ngiaga helo ibilenego iname de hondowa lamialu kamagoni. n  15 Mbiralime, Yasu ibu Ngode Datagaliwabe Igini ka, lalu latagi hayagua ibu Ngode Datagaliwabeha hogimbu bu halu Ngode Datagaliwabe ibu nde ibuha hogimbu bu haga ka. o  16 Inaneme Ngode Datagaliwabehanda ina gubalini ho kalo manda buwa mini mbiraore wu kama. p 

Ngode Datagaliwabe ibuni gubalini holeneore ka. Mbiralime Ngode Datagaliwabebi ibu hameiginibi gubalini haga kago ibu Ngode Datagaliwabeha hogimbu bu kagoni. Ani buwa Ngode Datagaliwabe ibu nde mbirali ogoniha hogimbu bu ka.
17 Daba Ki Bulene Horo harangi ina bu minime hongo howa elahe holoma̱ya inanaga bu habaneha gubalini holene baya buruguleorego ngeledagoni. Ani bidagome ina dindini kamaru Keriso kagobi kamagoni. q  18 Wali agalinaga bu habaneha Ngode Datagaliwabenaga gubalini holene baya buruguleore ngeledagonime gi holene bo talia tagi hagago mbiralime gubalini holenebi gi holenebi ogoni labo bimaga howa yu habe nahe ka. Gi holene tene pani noleneha ngagonigo mbirali gi ho kagonaga bu habaneha Ngode Datagaliwabenaga gubalini holene baya buruguleore ogoni nawi.

19 Ngode Datagaliwabehanda ina ala gubalini hayagonaga iname Ngode Datagaliwabebi Keriso hameiginirubi gubalini habehe kamagoni. 20 Mbiralime Keriso hameigini karuhondo handabe manga howa, I̱ Ngode Datagaliwabehondo gubalini ho ko, layagua ibu ke̱ halu laragoni. Ibu Keriso hameigini karu de hondowa ti gubalini nahe kayagua ibu Ngode Datagaliwabe de nahendene howa gubalini habe nahe ka. r  21 Kerisohanda mana iname buluma̱ya langiyago ogo. Iname Ngode Datagaliwabe gubalini ho kamadagua Keriso hameigini karubi gubalini ho holene nga. s 

Copyright information for `HUI