a13.1Man 17.6, 19.15, Md 18.16, 2 Ko 12.14, 1 Ti 5.19
b13.4Lm 6.4, Pb 2.7-8, 1 Pi 3.18
c13.51 Ko 9.27, 11.28, Ga 4.19
d13.81 Ko 13.6
e13.101 Ko 4.21, 2 Ko 2.3, 10.2, 10.8, 12.20-21, Ta 1.14
f13.11Lm 15.33
g13.12Lm 16.16, 1 Te 5.26, 1 Pi 5.14

2 Corinthians 13

Polohanda, Tí ko bulamini bayuwa halimu, lalu lenego ogo

I̱na tí kamiria áyu halu tebone nenege eberogoni. Anduane Homogonagambugani lo ngadagua ogo, Mbiralime ko ogo biya, laragola kiralimebi tebiralimebi de hendene kayagua tigua henene handayadagua lo tiga bulene nga, lalu gilibu nga. a  Bamba ko bialu hayaruhondobi maruhondobi bi mbira loa kogo. Ala i̱na tí hemiria halu mende nenege íbu haruangi langirugonidagua áyubi kaundia howa lone ogo langero. I̱na tí kamiria lone eberogola ko biaabo halu karu pani nane yo polene nawulebira. Kerisohanda i̱ha howa bi latagi hagago handa waliaore holeberami. Ibugua tíhondo biagago hongo nahe howa ndo ibunaga hongo tíhondo waliaore haga ka. Yasu ibu hongo nahe ale heago tigua ibu homelo ira bangani ba para henegoyu Ngode Datagaliwabenaga hongo holeneme ibu mo heya henego haabo ka. Iname ibuha ho gimbu bu howa inabi hongo nahe kama. Iname Keriso heba howa Ngode Datagaliwabenaga hongome tí mo tiga bialu holeberama. b 

Tí Kerisohondo mini mbiraore wu haabo harimidabe hondole tíni miniha bayuwa dabalu halimu. Keriso Yasu ibu tíha haore bidagoyu tíni wahalu tagira puabo harimiyagua hangu naholebira. c  Iname wahalu tagira nape haabo kamago tí manda bilimulo hamelo ko. Tígua kagua nabi halimulo iname Ngode Datagaliwabehondo tínaga bi la halu kama. Ani la halu howa iname bayuwa lawai haga kamago walia holenaga ndo marume ina wahalu tagira pene mbaulara layaguabi tí kamirume bayale tigabi hangu bilimulonaga iname Ngode Datagaliwabehondo bi la halu kama. Iname henene lolene mo wahowa mbira biabe bibe nahe howa henene lolenenaga biabe dege beramali. d  Ina hongo nahe kamagola tí hongohe kamigo ina turu haramali. Anigo tí mini bayaore wuwa Kerisoha hongohe halimulobi iname Ngode Datagaliwabehondo bi la halu kama. 10 I̱na tí kamiria íbu nabi howa bi ogoni ala gilibu wia harogo irane ogo. Tí kamiria eberogola howa hongo holene Anduane Homogohanda ngiyagome i̱na tíhondo hongo naholebero. Hongo holene ogonime tí mo ko holenaga ndo tí mini mbiraore wu kamigo mo anda haga bulenaga ngini. e 

Bi lamaro bialu lenego ogo

11 Ai i̱ hamene mbaliniru-o hondo halimu laro. Mini bayaleore wuwa holene hai biaabo halu halimu. Tí bilimulonaga langiruru bayuwa yu halimu. Tíni mini mbiraore haga bialu mandagi howa mo palia holene yu halimu. Ani bialu harimiyagua gubalini holenebi mo palia holenebinaga Ngode Datagaliwabe ibu tí heba holebira. f 

12 Tini lola haga bigi bialu turu halu gi tigali bigibigi bilimu.

Ngode Datagaliwabenaga wali agali bibahende oali karume, Tí mitangi bu kama, lalu la wia hara. g 
13 Anduane Homogo Yasu Kerisonaga biamogo bia holenebi Ngode Datagaliwabenaga gubalini holenebi Ngode Datagaliwabe Dinini ibugua tínaga mini mo mbiraore holenebi tíha wiaabo helo hamelo ko.

Copyright information for `HUI