a7.2Pig 11.31
b7.2-3Pig 12.1
c7.4Pig 11.31, 12.4
d7.5Pig 12.7, 13.15, 15.3, 15.18, 17.8, 26.3, 48.4, Man 2.5
e7.6Pig 15.16, Har 12.40, Ga 3.17
f7.6-7Pig 15.13-14
g7.7Har 3.12
h7.8Pig 17.10-14, 21.2-4, 25.26, 29.31—35.18
i7.9Pig 37.11, 37.28, 39.2, 39.21
j7.10Pig 41.37-41
k7.11Pig 41.54, 42.1-2
l7.12Pig 42.1-5
m7.13Pig 45.1, 45.16
n7.14Pig 45.9-10, 45.17-18, 46.27
o7.15Pig 46.1-7, 49.33
p7.16Pig 23.3-16, 33.19, 50.7-13, Yos 24.52
q7.17Pig 15.5, Iba 105.24-25, Ab 7.5-7
r7.17-18Har 1.7-8
s7.19Har 1.10-22
t7.20Har 2.2, Hi 11.23
u7.21Har 2.3-10
v7.23-29Har 2.11-15
w7.29Har 2.21-22, 18.3-4
x7.30-34Har 3.1-10
y7.33Yos 5.15
z7.35Har 2.14, 14.11-12, Dag 20.16
aa7.36Har 7.3, 12.41, 14.21, 16.1, 16.35, Dag 14.33, Iba 105.27
ab7.37Man 8.15, 8.18, Md 17.5, Ab 3.22
ac7.38Kis 19.1—20.17, Man 5.1-33, Ais 63.9, Ab 7.53, Lm 3.2, Ga 3.19, Hi 2.2
ad7.39Dag 14.3
ae7.40Har 32.1, 32.23
af7.41Har 32.2-6, Man 9.16, Iba 106.19
ag7.42Iba 81.12, Yar 19.13, Ese 20.25, 20.39, 2Te 2.11
ah7.44Har 25.9, 25.40, 26.30, Hi 8.5
ai7.45Yos 3.14-17, 18.1, 23.9, Neh 9.24, Iba 44.2, Ab 13.19
aj7.461 Sml 16.1, 2 Sml 7.1-16, 1Kin 8.19, 1Bit 17.1-14, Iba 89.19, 132.1-5
ak7.471 Kin 6.1-38, 8.20, 1Bit 17.12, 2Bit 3.1-17
al7.481 Kin 8.27, 2Bit 2.6, 6.18
am7.49Md 5.34-35, 23.22
an7.49-50Ais 66.1-2
ao7.51Har 32.9, LBM 26.41, Man 10.16, Ais 48.4, 63.10, Yar 6.10, 9.26
ap7.522 Bit 36.16, Md 21.35, 23.31, 1Te 2.15
aq7.53Har 20.1, Ab 7.38, Ga 3.19, Hi 2.2
ar7.54Ab 5.33
as7.55Md 22.44, Ab 2.33-34, 5.31, 6.5
at7.56Ese 1.1, Dan 7.13, Md 3.16, Ab 10.11, Kl 3.1
au7.58Man 13.9, Lg 4.29, Ab 6.13-14, 22.20, Hi 13.12
av7.59Iba 31.5, Lg 23.46
aw7.60Md 5.44, Lg 23.34, Ab 9.40, 21.5

Acts 7

SibenihandaGanisolo agali biaruhondo bi lenego ogo

Loma binigo mo miaga haguane timbuni heagome Sibenihondo lalu, Tigua bi larago henene larabe, lene.

Ani layagola Sibenihanda ladai bialu lalu, Aba hameneru-o bi larogo hale hadaba. Ina mamali Abarahama ibu Haranaha nape Mesobodemiani hearia Ngode Datagaliwabe mini daliga taraore baya buruguleore kago ibu ha pani hene. a, b  Ha pani howa ibugua Abarahamahondo lalu, Í̠naga dindibi damenerubi helalu dindi mbira i̱na walia holeberogoha pobe, lene. Ani layagola hale howa Abarahama ibu Kaladia dindi wahalu Haranani hole pene. Ibu aba homayagola howa Harana wahalu dindi áyu tí kamigoha Ngode Datagaliwabehanda, Hole pu, layagola íbu hene. c  Ogoningi Ngode Datagaliwabehanda Abarahamahondo dindi tu wuwa emeneorebi mbira nami howa ibugua, Dindi ogoni í̠bi í̠naga aguanenebi tí halimulo ngulebero, lalu lowini. Ngode Datagaliwabehanda bi ogoni layago Abarahama waneigini naheangi lowini. d  Ngode Datagaliwabehanda Abarahamahondo bi lenego ogo, Í̠ aguaneneru mali handari maria (400) dindi tarani howa garabaya biabe ale bia halu kagola dindi tara agalirume ti mo tandaga holebira. e, f  Ani bialu howa ti garabaya biabe ale bilo bia haga wali agaliru i̱na ti pani mulebero. Ani berogola í̠ aguanene biaru ti dindi tara wahalu dindi ogoriani ibuwa tigua i̱naga mini yaraga halu holebira, lalu Ngode Datagaliwabehanda ani laya, lene. g  Sibeni ibugua laabo halu lalu, Ngode Datagaliwabehanda habo nalolene bi ogoni lo wiai howa ogoninaga manane wialu ibugua Abarahamahondodongone podo mabu biaga mana bulene mo wini. Anigo Aisaga ibu ai̱yahanda taba hanayagola howa horo haliningi Abarahamahanda Aisaganaga dongone podo mabu bini. Ani biyadagua maha Aisagahanda Yagabanaga dongone podo mabu bini. Mahaore Yagaba ibuguabi ina Yu wali agali kamarunaga mamali homberiali (12) biaru emene galini howa tinaga dongone podo mabu biai haga hene, lalu Sibeni ibugua lene. h 

Sibenihanda lalu, Inanaga mamali beriali (11) urunime hombeane Yosebehondo handabe manga howa henge lalu ibu Iyibi dindiha garabaya biabe ale bilo agali maru hearuhondo muni ngidaba lowa ti muni mini. Yosebe ibu genda yu holene dewa wiagoria hearia Ngode Datagaliwabehanda ibu heba howa biamogo bini. Yosebe ibu Iyibi wali agalinaga kini hearia haru piyagola ibugua mana bayale bilobi mini gigabiwi helobi Ngode Datagaliwabehanda mini. Ani biyagola howa Iyibi wali agali hearubi kini andagaha wali agali hearubi ti bibahende haru helo kini biago ibugua Yosebe dabo helene. i, j  11 Ani biyagola howa Iyibihabi Kenanahabi gaea timbuni bialu hina gari piyagola wali agali hearu tandaga nalu hene. Inanaga mamali biarume tomo nolene hai bialu hearia mbira handa walia nahe hene. k  12 Handa walia nahe howa Iyibini tomo nga layago hale howa Yagaba ibugua ibu igini inanaga mamali biaruhondo, Tomo mo pudaba, lene. l  13 Maha halu mende mo pialu hearia Yosebehanda ibu hameneruhondo, I̱ Yosebe kogoni, lalu la pani hene. Ani layagola howa Yosebe dameneru ka layago kini biagome hale hene. m  14 Yosebe aba Yagababi ibu damene heba lamaga halu pira kariani duria (75) ti Iyibi ibilo Yosebehanda bi lawia hene. n  15 Lawia hayagola ti bibahende Iyibini anda pu haabo howa mani Yagaba ibu iginirubi ti halu homai hene. o  16 Yagaba Yosebela libunaga tingini hora hole Segeme dindi yalu dai bini. Dindi ogoniha ala Abarahamahanda Hamo iginihondo muni mialu homa hora holenaga homali dindi tu wa minigoria hora hene. p 

17 Ngode Datagaliwabehanda Abarahamahondo bi lowinigo lola holene tu kaware hayagola ina mamali Iyibini hayaru dewaore au loabe tobahe ho dame bu hene. 18 Ani bu heangi kini mende ibu Yosebe manda nabi heagome Iyibi wali agali handame ho hene. q, r  19 Ibugua ina mamali mo hondo halu ti tandaga nelo, Tínaga waneigini galiru homelo tagiraha wahadaba, lene. s  20 Ogoningi wali mbirame gali bayaleore mbira mini Mosese taba henene. Taba honowa ibu ai̱yahanda gali biago hondo halu ege tebirani ibu andaga tamuha bayuwa ngelo do ho berene. t  21 Ani buwa tagiraha wahearia kini waneme ibu handa walia howa mondo bialu, I̱ igini, lowa hondo hene. u  22 Mondo buwa tigua Mosesehondo Iyibialinaga mana gigabi wiago lawai hayagola bi lolenebi mana bulenebi gibi manda biai howa ibu agali timbuniore hene.

23 Mosese ibunaga mali pira maria (40) hayagola howa ibu damene Isaraele wali agali abi kabe hondole ti hearia polene manda bialu pene. v  24 Puwa ibugua Iyibi agali mbirame Isaraele agali mbira balu hearia de hendene. Hondowa ibugua Isaraele agali biago pele mialu Iyibi agali biago bo wahene. 25 Mosesehanda manda bialu, I̱ togoni howa Ngode Datagaliwabehanda Isaraele wali agaliru golope holebira ti ani manda bu holebirago, Mosese ibu mitangi bini. Isaraele wali agaliru ti ani manda nabi hene. 26 Ani buwa egerebalene Isaraele agali kiralime gungu bialu hearia hondowa Mosesehanda mo hada hole manda bini. Ibugua lalu, Ogo labo-o hale hadaba. Libu gungu berabigo agibe. Libu hamenela ndobe, lene. 27 Ani layagola mendeali gungu biaga tene biagome Mosese he̱la amu howa ibuhondo lalu, Í̠na haru hagabi daba ki biagabi habelo helayadago aiwabe. 28 Abe í̠na Iyibi agali homelo bo waharidagua i̱bi bo wahole kebe, lene. 29 Bi ani layago hale howa Mosese ibu Iyibi wahalu Midiana dindiha hole ibida pu hene. Midianani howa ibu igini kira hene. w 

30 Mali pira maria (40) howa Mosese ibu dindi koni Hari Sainai kaware heagoria ira mbira hungu bialu hearia dahuliyali mbira Mosese hendelo ha pani hene. x  31 Ani biyago hondowa Mosese mogo lalu bayuwa de hondole ira deagoria kaware pene. Kaware pialu hearia Anduane Homogonaga bi hale hene. 32 Anduane Homogohanda lalu, Í̠naga mamali Abarahama Aisaga Yagaba imaru tinaga Ngode Datagaliwabe i̱ kogoni, lene. Bi ani layuagola Mosese ibu gi timbuni howa duru lowa de hondolene gi hene. 33 Anduane Homogohanda ibuhondo lalu, Dindi í̠ kegoni i̱ni loma bia ho winini kego í̠ ge su hadalu wibe. y  34 Iyibini howa i̱naga wali agali karu tandaga timbuni nalu kago i̱na de hendedo. Tigua u̱lu̱ lalu kago hale howa i̱na pele mule daluwa ko. Í̠ Iyibi poleberego pole íbu, laya, lene.

35 Sibenihanda layadagua laabo halu lalu, Mosese ogoni Isaraele wali agalime ibuhondo handabe manga howa lalu, Í̠ haru hagabi daba ki biagabi habelo helayadago aiwabe, tigua lene. Dahuliyali mbira ira hungu biyagoria ha pani hayagome biamogo bialu Mosese ogoni ti haru helobi pele milobi Ngode Datagaliwabehanda dabalu ibilene. z  36 Iyibi howabi iba solowara mini Iba Daramabi bereagoria howabi mali pira mariani (40) dindi ko yobi wiagoria howabi Mosese ibugua agalime nabiagane alebi nahendene alebi bialu Iyibi howa Isaraele wali agali haru tagira pialu howa ani bini. aa  37 Mosese ogoni ibugua Isaraele wali agalihondo lalu, Ngode Datagaliwabehanda i̱ dabo helayadagua tíni ariaha howa ibugua ibunaga manalatagi haga mbirali tí heba helo dabo helolebira, lene. ab  38 Mosese ogoni ibu Isaraele wali agali ti dindi ko yobiha ngoai ho heagoria ti heba hene. Mosese ina mamali heba heagola dahuliyali mbiralime Hari Sainai heagoria howa ibuhondo bi laminigo ibubi Mosese heba hene. Ngode Datagaliwabenaga haabo holene mana inahondo langule Mosese ibugua hale howa yu tiga bini. ac 

39 Mosesehanda bi layago ina mamali biarume hale habe manga howa ibu he̱lope hene. He̱lope howa tigua tinaga minime Iyibi dai bule hamelo hene. ad  40 Ani hame lowa tigua Aronohondo lalu, Iyibiha dai buluma̱ya mbirale mbirame ina haru helo bi pupu wulenaga gime wabibe. Ina Iyibi howa tagira ibuluma̱ya Mosesehanda haru hayago ai ibu pu ereba hayadago. Agoha piyadabe manda nabi kama, lene. ae  41 Ani lowa ogoningi tigua mbirale nogo bulumaga igini ale gime wabu helowa o biagohondo nogo bulumaga sibiru bo mialu hene. Inaneme bayale wabirimada, lowa ti bi pupu wialu tomo dewa dawa nene. af  42 Ani biyagola Ngode Datagaliwabehanda ti erembira mialu tigua hari daliganaga yakundiruhondo bi pupu wilo helene. Ogonidagua Ngode Datagaliwabe manalatagi haga hearume mbugani gilibu winigo ogo, ag 

Isaraele wali agaliru-o mali pira mariani (40) dindi koha howa
nogo bulumagabi sibibi bo mirimigo
i̱hondo ndo bo ngirimi.
43 Dama Molegenaga balai anda yalu pirimi.
Dama Lebananaga yakundi ale mbira ogonibi wabuwa yu ibaga bu harimi.
Dama uruni bi pupu wulenaga wabirimigo
awe marume tí minalu Babilono dindi amuraha haru pelo, Haru pudaba, lolebero,
lalu gilibu nga, lalu Sibenihanda lene.

44 Ibugua laabo halu lalu, Inanaga mamalime dindi koha howa Ngode Datagaliwabe ti heba kago manda bule tiguaBalai Anda wabu helene. Balai Anda ogoni Ngode Datagaliwabehanda Mosesehondo, Ogobi wabibe, lalu walia hayagobi tigua wabini. ah  45 Maha inanaga mamali iginirume ti aba pani ho aribia howa Balai Anda ogoni tigua yu aribia halu Yosua heba pene. Yosua heba pialu heagola Ngode Datagaliwabehanda bamba howa dindi tarani wali agali hearu bo ba tagi haga biyagola tigua dindi karulama pialu Balai Anda biago yalu puabo hene. Ogoningi howa Balai Anda biago dindi ogoriani helenego Debidi heneyangi haabo hene. ai  46 Debidihanda Ngode Datagaliwabe mo turu howa lalu, Í̠ Yagabanaga Ngode Datagaliwabe howa habelonaga anda buabago buabe, lene. aj  47 Ani lenego anda nabi heagola Solomono ibugua anda mbira Ngode Datagaliwabenaga helo lowa bini. ak 

48 Ngode Datagaliwabe Daligaorene Daliga kago ibu anda agali gime biniruha nahaga ka. Ibunaga mana latagi haga mbirali heagome bi lo ngago ogo, al 

49 Anduane Homogo ibugua lalu, Dahuliya andaga i̱na haru holenenaga biragane wialu am, an 
dindi bibahende ngaru i̱naga ge dogolope ho wiagane ngago
tígua i̱ni holiyanaga anda abi ale buleberemibe.
I̱ ha̱lo̱ biruliya henge agoha ngelaho kamibe.
50 Uruni bibahende i̱na wabirugo ndoyabe, lene
lalu gilibu nga, lene.

51 Sibeni ibugua lalu, Tí wali agali bu mini giambeore kami. Tínaga bu mini Ngode Datagaliwabe mitangi nabiaga kagobi kami. Ibunaga mana hale habe manga howa hale nahagaore kami. Tí tínaga mamali henegobiore howa tígua Ngode Datagaliwabenaga Dininihondo manga ho haabo kamigoni. ao  52 Ngode Datagaliwabe mana latagi haga heneru mbirali tínaga mamalime mo tandaga nahe aiyabe. Bamba Ngode Datagaliwabe mana lama ibiyarume, Ngode Datagaliwabenaga Biabe Bia Haga mini tigabiwi ibuni ibulebira, laga biyagola tínaga mamalime bo wahaga bini. Ai tígua nde agali mini tigabiwi o biago ndelowa homelo bo waharimi. ap  53 Ngode Datagaliwabehanda ibunagamana lowinigo dahuliyali togoni howa nginigo ogoni tígua yu howa nabiaga kami, lalu Sibenihanda lene. aq 

Sibeni homelo to̱le̱me bo wahenego ogo

54 Sibenihanda bi ogoni layago hale howaGanisolo agali biarume keba timbuni howa ne gengero lene. ar  55 Ani biyagola Sibeniha Ngode Datagaliwabe Dinini to̱laihe howa ibugua dahuliya andaga handadaga halu Ngode Datagaliwabenaga wá taraore holenebi Yasu ibu Ngode Datagaliwabenaga gi tigahayagi heagobi de hendene. as  56 De hondowa ibugua lalu, De handadaba. Dahuliya andaga dugua ho ngago. Agali Hole Ibiyago ibu Ngode Datagaliwabenaga gi tigahayagi kago de hendedo, lene. at 

57 Ani layagola Ganisolo agali biarume ga̱ timbuni lalu gi hondoneme hale hariga hangai hagahaga buwa ti bibahendeme ibu abale minini. 58 Sibeni minalu tanonaga pabe tagirahayagi gililo yalu puwa ibu homelo to̱le̱me bene. Bayarume tinaga labolabo daliga karulagane igiri daliahe mbira heago mini Solo ibugua wu helo golo mini. au  59 Tigua Sibeni to̱le̱me balu heagola dege ibugua Anduane Homogo olalu lalu, Anduane Homogo Yasu-o i̱naga dinini yamibe, lene. av  60 Ani lowa ibugua ge duli hanga ho biruwa dalimu olalu, Anduane Homogo-o tigua ko biragoninaga pani nami wahabe, lene. Ani lowa ibu homene. aw 

Copyright information for `HUI