a5.1Md 5.48, Lg 6.36
b5.2Har 29.18, LBM 1.9, Iba 40.6, Yo 13.34, Lm 14.15, 2 Ko 2.15, Ga 2.20, Hi 7.27, 10.10, 1 Yo 3.11, 3.23
c5.3Lm 6.13, 1 Ko 5.1, 2 Ko 12.21, Kl 3.5, 1 Te 4.3
d5.4Md 12.35, Lm 1.28, Eb 4.29
e5.51 Ko 6.9-10, Ga 5.19-21, Kl 3.5
f5.6Lm 1.18, Kl 2.4, 2.8, 2 Te 2.3
g5.8Yo 12.36, Ab 26.18, Lm 1.21, 2 Ko 3.18, Eb 2.11-13, Kl 1.13, 1 Pi 2.9, 1 Yo 2.9
h5.9Ga 5.22
i5.10Lm 12.2, Pb 1.10, 1 Te 5.21, 1 Ti 2.3
j5.11Lm 6.21, 1 Ko 5.9-11, Ga 6.8, 2 Te 3.6, 3.14, 2 Yo 10-11
k5.13Yo 3.20-21, Hi 4.13
l5.14Ais 26.19, 60.1, Lm 13.11
m5.16Ga 6.10, Kl 4.5
n5.17Lm 12.2, Kl 1.9, 1 Te 4.3, 5.18
o5.18Min 20.1, Ais 5.11, 5.22, Lg 21.34
p5.19Iba 33.2-3, Ab 16.25, 1 Ko 14.26
q5.19-20Kl 3.16-17
r5.20Iba 34.1, Ais 63.7, Hi 13.15, 1 Pi 2.5
s5.21Pb 2.3, 1 Pi 5.5
t5.22Pig 3.16, Eb 6.5, Kl 3.18, 1 Pi 3.1
u5.231 Ko 11.3, Eb 1.22-23, Kl 1.18
v5.25Ga 1.4, Kl 3.19, 1 Pi 3.7
w5.26Yo 15.3, 17.17, Ta 3.5, Hi 10.10, 10.22, 1 Yo 5.6
x5.272 Ko 11.2, Eb 1.4, Kl 1.22
y5.30Lm 12.5, 1 Ko 6.15, 12.27, Eb 1.22-23
z5.31Pig 2.24, Md 19.5, Mg 10.7-8, 1 Ko 6.16
aa5.32-33Kl 3.19, 1 Pi 3.6, Mo 19.7

Ephesians 5

Wá holene kagoria holene ngago ogo

Tí Ngode Datagaliwabenaga waneigini ibugua gubalinihe kamiru tí ibu ale hole manda bu halimu. a  Mbirale bayale ngabi Ngode Datagaliwabehondo loma bia haganebi bo miaganebi miragola Ngode Datagaliwabe turu haganego ogonidagua Keriso ibugua ina gubalini howa ina holoma̱yanaga ibuninaga holene pela hene. Gubalini holene ogonibime tí haru helo holene nga. b 

Tí Ngode Datagaliwabenaga wali agali kamigo howa wali agali kayu bulenebi tinginime ko maru ale bulenebi dimagoli holenebi uruni alenaga lalu bame tebi heba lolene nawiore. c  Tígua bi dodohebi bi ko tombe nahebi hegebi labe naheore kamigoni. Ani ndo tí Ngode Datagaliwabehondo turu halu ka̱i̱ lalu holene nga. d  Mbira heneneore larogo ogo. Wali agali kayu biagabi tinginime ko maru ale biagabi dimagoli hagabi dimagoli holene ogoni mbirale tarahondo bi pupu wiagane mana damenego mana uruni biagarume Ngode Datagaliwabebi Kerisobi libugua Handame Ho Kagoria ti holene henge nawulebira. e 

Uruni alenaga lalu mbiralime tíhondo bi ko tombe nahe laragome tí mo hondo holigo de hondo halimu. Uruni aleni wali agali Ngode Datagaliwabehanda bia laradagua nabi karu ibunaga lembo holene tiha wiaabo holebira. f  Anigo wali agali urunibi biaga karu heba mandagi nahalimu. Ala tínibi arumaha harimigoni. Áyu tí Anduane Homogonaga wali agali kamigo tí wá holene kagoria ho kami. Ani kamigo tí wá holenenaga wali agali holene ngadagua halimu. g  Wá kagome bayale bulenebi mini tigabi holenebi henene lolenebi lini urunibi daabo haga ka. h  10 Anduane Homogo turu helo bulene mana lo manda bialu halimu. i  11 Wali agali aruma holenenaga mana ko biaga karu heba mandagi nahalimu. Tígua mana ko biraru wá holeneni mo pani halimu. j  12 Anigo tigua ohowa mana ko bialu karunaga te lolene tagabidago nale waharo. 13 Mana bibahende biraru wá holene kagoria mo pani haragola mana ko uruninaga teneore handai holebira. k  14 Mbirale mbira mo pani hayagua ogoni wá holene aria haga. Ogoninaga bi lo ngago ogo, l 

Padego í̠ de ngalalu homolene ngagoria howa heyabe.
Ani beregola Keriso ibugua í̠ni wá ha dali holebira,
lalu gilibu nga.

15 Anigo tíni bialu haramigo bayuwa manda bilimu. Tígua wali agali mini nawi karu hagadagua nahe mini gigabiwi karu hagadagua halimu. 16 Horo áyu kamaruni koangi kamago manda buwa bayale bulenenaga henge áyu ngagonigo bayale bilimu. m  17 Tí mini nawi ale nahe howa Anduane Homogohanda tígua bilimulo hamelo kago agidabe manda bilimu. n 

18 Tígua lulu yulewaini iba nagimbu nabilimu. Ogonime tí mo ko haga nga. Ani nabi Ngode Datagaliwabe Dinini ibugua tíha tolai helo halimu. o  19 Tígua Iba Gananaga bibi Ngode Datagaliwabenaga iba ganabi ibunaga Dinini ibugua iba gana tí lawai haragonagabi uruni alego lalu tínihondo lagalaga bialu halimu. Tínaga gubaliniha Ngode Datagaliwabe mini yaraga hoa howa Anduane Homogohondo Iba Gana bibi Ngode Datagaliwabenaga iba ganabi lalu halimu. p, q  20 Inanaga Anduane Homogo Yasu Keriso minini howa tígua Aba Ngode Datagaliwabehondo bibahende íbu ngarunaga ka̱i̱ laabo halu halimu. r 

Agalini onenela holene ngago ogo

21 Tígua Keriso ibu teneore ka mitangi bu kamigo howa tíni mo dindihaore hagahaga bilimu. s 

22 Anduane Homogohanda bia larago beramilidagua onene bedamiru tígua tínaga agalinime bia laradagua bilimu. t  23 Keriso hameigini karunaga haguane Keriso ibu kadagua agalini ibu onenenaga haguane kagoni. Keriso hameigini bibahende karu ti ibunaga tingini howa Keriso ibu tinaga Pele Miaga ka. u  24 Keriso ibugua bia larago Keriso hameigini karu bibahendeme biagadagua oneneru tígua tí agalinime bia larago biaiore holene nga.

25 Kerisohanda ibunaga wali agali gubalini howa ibuninaga holene pela hayagoni. Ani gubalini hayadagua agalini kamiru tí one gubalini holene nga. v  26 Keriso ibugua ani buwa Keriso hameigini karu bibahende ibame baboraya biyagomebi Ngode Datagaliwabenaga bi mana laminigomebi ti mo bayale howa ibugua ti Ngode Datagaliwabenaga helo ibuhondo loma bia ho mini. w  27 Ibugua ani binigo irane Keriso hameigini karu bibahende bayale helo ko mbira do nahebi ko mbira nawibi mana ko binigonaga motudu nawibi gahengebi baya buruguleorebi howa ti ibunaga helo ibugua ti ibunihondo mulenaga ani bini. x  28 Anigo ogonidagua agalinime ibuni tingini gubalini haralidagua ibu one gubalini holene nga. Ibu one gubalini hagagome ibuni gubalini haga ka. 29 Mbiralime ibuninaga tingini handabe manga nahaga. Keriso hameigini kamaru ina ibu tingini aria dege kamago Keriso ibugua bayuwa hondo hagadagua iname inanenaga tingini bayuwa hondo haramali. y  31 Anduane Homogonagambugani bi lo ngadagua ogo, Irane ogonigo agali mbirame ibu aba ai̱yala helalu ibu onela mandagi howa libu mbiraore holebira, lalu gilibu nga. z  32 Bi ogoniha ala pani nahe ngelenego áyu pani ho ngago galone heneneore timbuni aube tobahe nga. Galone ogoni Kerisobi Keriso hameigini bibahenderubi mbiraore holenenaga ngaria hendedo. 33 Galone ogoni tínagabi ngago ogo. Agalini bibahende kamiru tígua tíni gubalini haramilidagua tínaga one gubalini halimu. Onene bibahende bedamiru tígua nde tí agalininaga bi hale halu bilimu. aa 

Copyright information for `HUI