a13.1Yo 13.34, 1 Te 4.9, 1 Pi 1.22, 2 Pi 1.7, 1 Yo 3.11, 4.7, 4.20
b13.2Pig 18.1-8, 19.1-3, Md 25.35, Lm 12.13, 1 Ti 3.2, 1 Pi 4.9
c13.3Md 25.36, Lm 12.15, 1 Ko 12.26, Kl 4.18, Hi 10.34, 1 Pi 3.8
d13.41 Ko 6.9, Ga 5.19-21, Eb 5.5, Kl 3.5-6, Mo 22.15
e13.5Man 31.6-8, Yos 1.5, Md 6.25, 6.34, Pb 4.11-12, 1 Ti 6.8
f13.6Iba 118.6
g13.71 Ko 4.16, Hi 6.12
h13.8Yo 8.58, Eb 4.14, Hi 1.12, Mo 1.4
i13.9Lm 14.17, Eb 4.14, Kl 2.4, 2.8, 2.16, 1 Ti 4.3
j13.101 Ko 9.13, 10.18
k13.11Har 29.14, LBM 6.30, 16.27, Dag 19.3
l13.12Md 21.39, Yo 19.17-18, Ab 7.58
m13.13Hi 11.26, 12.2, 1 Pi 4.14
n13.14Mai 2.10, Pb 3.20, Hi 11.10, 11.16, 12.22
o13.152 Bit 29.31, Iba 50.14, 50.23, 69.30-31, Hos 14.2, 1 Pi 2.5
p13.16Lm 12.13, Pb 4.18, Hi 6.10
q13.17Ese 3.17, 1 Te 5.12, 1 Ti 5.17
r13.18Ab 23.1, 24.16, Lm 15.30, 2 Ko 1.12, Kl 4.3
s13.20Ais 55.3, Yar 32.40, Ese 37.26, Seg 9.11, Lm 15.33, 1 Ko 6.14, Hi 10.29, 1 Pi 2.25
t13.21Ga 1.5, Pb 2.13, 2 Te 2.17, 1 Pi 5.10

Hebrews 13

Ngode Datagaliwabe mo turu holene ngago ogo

Keriso hameigini howa tíni degedege gubalini hagahaga biaabo halu halimu. a  Ani bialu howa wali agali dengui nahendene ibiraru turu howa tí andaga palimi̱ya ibidaba lalimu. Maru henerume ogonidagua bialu, Palimi̱ya ibidaba, layago dahuliyali ibiyago manda nabi howa lene. b  Maru garabaya karu mitangi bialu minime ti heba mandagi haradagua bilimu. Ani bialu marume tandaga nalu kagoria mitangi bialu ti heba mandagi tandaga nalu haradagua bilimu. c 

Tí bibahende kamirume wali agali dabu bu holenenaga mana bayaleore ngago manda bu holene nga. Agalinimebi onenemebi mini hana haga bu holene nga. Wali agali kayu biagabi wali agali ma handagabi karu Ngode Datagaliwabehanda ti pani mulebira. d 

Muni dimagoli holeneme tí yania holani de hondo halimu. Tí holenenaga mbirale wu kamiru karulape ngama manda bu halimu. Ogoninaga irane Ngode Datagaliwabehanda ogodagua lo nga, I̱na tí yu wa naholebero. I̱na tí helalu napolebero, lalu gilibu nga. e  Ani manda buwa iname hongo howa bi ogodagua lalu, f 

Anduane Homogo ibugua i̱ biamogo biaga kago
i̱ gi naholebero.
Marume i̱hondo mbirale mbira agi bibehe kabe,
labehe kamagoni.

Tínaga haru haga ala hene biarume Ngode Datagaliwabenaga mana langiyago mitangi bialu halimu. Ti halu homayago mitangi bu dai bialu ti mini mbiraore wu hayadagua talialu halimu. g  Yasu Keriso ibu abebi áyubi maninagabi ibu hayagobi dege ha ho wiaabo haga ka. h  Ani bidago mana haluni tara tara lawai hararume ti hariga tigabini pialu kamigo wahalu haru pu tara nahelo halimu. Miniha mo hongo holenego tomo nolene nanolenerume ngiaga ndo. Ngode Datagaliwabehanda biamogo bulene nawi howa biamogo biaganegome hongo ngirago iname mo yu holenego bayale nga. Wali agali maru tomo nolene nanolenenaga mana uruni wiadagua bialu hayaru mana urunime ti biamogo nabini. i 

10 Loma binigo mo miaga Yualinaga balai anda lotu laga kagoha biabe bialu karu tigua inanaga lomabu miaga dagiani lomabu mini ngago nolene nawi. j  11 Yualinaga loma binigo mo miaga haguane timbuni ibugua nogo tara taranaga darama hambu yalu Loma Bia HeneoreHobane ngagoha anda puwa wali agalime ko biyaru domelo Ngode Datagaliwabehondo mo miaga. Ani bialu howa wali agalinaga balai anda bu heagoria howa tagirahayagi nogo biagonaga tingini delaga wini. k  12 Irane ogoninaga Yasu ibugua wali agalime ko birimago ibunaga daramame domo wahalu mo gahenge hole lowa tano timbuni wiago tagirahayagi homa hene. l  13 O biyadagoni manda bialu ibu tagirahayagi howa ibu taga pani naradagua iname namogo bia hami̱ya ma. m  14 Dindi o kamagoria tano ina ha ho wiaabo holene nawidago iname tano mbira mani ibulebirago ibilo handaya ho kamagoni. n  15 Iname ani kamagoni Yasuni howa Ngode Datagaliwabe mini yaraga holene lomabu mialu haabo hami̱ya. Ani bialu ina bime ne hambuni howa, Ibu inanaga Anduane Homogo ka, lalu latagi haramagome biaga. o  16 Tínime mana bayale bialu biamogo bia hagahaga bialu halimu. Mana urunidagua bialu lomabu meramagome Ngode Datagaliwabe mo turu haga. p 

17 Tínaga haru haga karume tíhondo, Bidaba, laradagua bialu halimu. Tigua tí haru howa, Ogodagua birima, lalu Ngode Datagaliwabehondo lamulene wulebiragonaga ti mini ha̱lo ha nabi bayuwaore handaya ho haga ka. Anigo tigua, Bidaba, larago mo wa nahe bialu harimiyagua tigua biabe bialu kago turu howa bulebira. Ai tigua, Bidaba, larago mo waharimiyagua nde ti genda ho howa biragola ogonime tí biamogo bibe nahe holebira. q 

18 Ina mitangi bialu Ngode Datagaliwabehondo bi la haabo halimu. Iname horo bibahendengi tigabi bulene hangu hamelo kamago ina miniha ko mbira do naheore kamalo manda bu kamagoni. r 

19 Ani buwa tígua Ngode Datagaliwabehondo bi lalu ibugua i̱ tí kamiria abaleore daibilelo i̱na tí ogonidagua lalimulo hameore lo ko.

Lamaro bialu Ngode Datagaliwabehondo bi lenego ogo

20 Inanaga Anduane Homogo Yasu Nogo Sibi Haru Haga Timbuniore kago ibugua lomabu miagane mana bialu homo aribia hayagola Ngode Datagaliwabehanda ibu mo heya hene. Ogoni biyagome habo nalolene bi lo wia ho wiaabo holebirago mo hongo hene. Mo palia hagane Ngode Datagaliwabe ibu hame ledadagua tígua bilimulo ibugua tí kamigoria mbirale mbira mbira bayale mo wia helo hameledo. Ani bialu Ngode Datagaliwabe ibugua Yasu Kerisoni howa inaha ibu turu hara ale bilobi hamelo ko. Kerisonaga mini yaraga ha ho wia dege bidane wia ho wilo. Aniore bilo hamelo ko. s, t 

Bi lamaro bialu lenego ogo

22 I̱ hamene mbaliniru-o bebani tí mo hongo holenaga bi o gilibu wia harogo lu ndo nemandi degego bayuwa hale halimulo hame timbuni lo ko. 23 Ina hameigini Timodi garabaya golope halu tagira pelayago tí manda bilimulo hamelo ko. Timodi ibu abale ibiyagua i̱ tí kamiria eberongi iya haru ibuleberaba.

24 Tínaga haru haga bibahende tihondobi Ngode Datagaliwabe ibunaga wali agali bibahende tihondobi, Iname tí mitangi bu kama, lalu lawia haramago lamilimu. Keriso hameigini Idali dindini karu tigua, Tí mitangi bu kama lalu, lawia hara.

25 Ngode Datagaliwabe ibugua biamogo bulene nawi howa biamogo bia holene tí bibahendeha wiaabo helo hamelo ko.

Copyright information for `HUI