Job 25

Ngode Datagaliwabe deni wali agali nagalone kama lenego ogo

Yobohanda bi lai heagola Suha dindi howa ibini Bilidada ibugua ladai bialu lalu, Ngode Datagaliwabe ibu hongo timbunihe howa ibugua wali agali handame ho haga ka. Wali agali bibahendeme ibu gibiore kago hondowa duru lai haga ka. Anigo ibugua hari daligaha karubi ngarubi bibahende mo palia holene karulo helaga ka. Dahuliya andagaha dahuliyali Ngode Datagaliwabenaga biabe biahaga karu daga labe nahe dewaore ka. Ngode Datagaliwabenaga wá holeneme wali agali karia wá hadali nahaga agoha ngabe. Ani kago ai ina dindi wali agali bu kamarume inane mo bayale halu Ngode Datagaliwabenaga deni dodo mbira nahe bayale agua holedabe. Ibugua ege yakundi karunaga wá holene de hondowa emene ko hangu manda biyagua ainde ina wali agali dindinaga himibi ngoebi ale kamago de hondowa ina nagalone kamane hondolebira ndobe, lalu Bilidadahanda lene.

Copyright information for `HUI