a7.1Yo 5.18
b7.2LBM 23.24, Man 16.13
c7.5Md 13.55, Mg 3.21, Ab 1.14
d7.6Yo 2.4, 7.8, 7.30, 8.20
e7.7Yo 3.19, 15.18-19
f7.11Yo 11.56
g7.12Md 21.46, Lg 7.16, Yo 10.19
h7.13Yo 9.22, 12.42, 19.38, 20.19
i7.15Md 13.54, Lg 2.47
j7.16Yo 3.11, 8.28, 12.49, 14.10
k7.17Yo 8.43
l7.18Yo 5.41, 5.44, 8.50
m7.19Har 24.3, Man 33.4, Md 12.14, Mg 3.6, Ab 7.38, 7.53, Lm 2.21-24
n7.20Yo 8.48, 8.52, 10.20
o7.22Pig 17.9-13, LBM 12.3
p7.23Yo 5.8-10, 5.16
q7.24LBM 19.15, Man 1.16-17, Ais 11.3-4, Yo 8.15, Ya 2.1
r7.25Yo 5.18
s7.27Md 13.55, Mg 6.3, Lg 4.22, Yo 7.41, 9.29
t7.28Md 11.27, Yo 5.32, 5.43, 8.14, 8.26, 8.55
u7.29Md 11.27, Yo 10.15
v7.30Mg 11.18, Lg 19.47, Yo 7.44, 8.20, 8.37, 13.1
w7.31Yo 2.23, 8.30, 10.42, 11.45, 12.11, 12.42
x7.33Yo 13.33, 16.16
y7.34Hos 5.6, Yo 8.21, 13.33, 13.36, 17.24
z7.37LBM 23.36, Ais 55.1, Yo 4.10, 4.14, 6.35, Mo 22.17
aa7.38Ais 12.3, 58.11, Ese 47.1, Seg 14.8
ab7.39Ais 44.3, Yol 2.28, Yo 12.16, 16.7, 20.22, Ab 2.4, 2.17, 2.33
ac7.40Man 18.15-18, Yo 1.21, 2.11, 6.14
ad7.41Yo 1.46, 4.29
ae7.422 Sml 7.12, Iba 89.3-4, 132.11, Yar 23.5, Mai 5.2, Md 2.5-6, Lg 2.4
af7.43Yo 9.16
ag7.44Yo 7.30
ah7.45Yo 7.32
ai7.46Md 7.29, Mg 1.22
aj7.48Yo 12.42
ak7.50Yo 3.1-2
al7.51Man 1.16-17, 19.15
am7.52Yo 7.41-42

John 7

Yasu hamenerume ibuhondo mini mbiraore nawi henego ogo

Ani lowa Yu wali agali haru haga hearume ibu bole ka manda buwa Yasu ibu Yudia dindiha nape Galili dindihayagi hangu ibaga bu hene. a  Yu wali agalinaga AndaNemandaha Palu Holene Horo kaware hayagola b  Yasu hamenerume ibuhondo lalu, Í̠na biabe bialu kegoni í̠ haruru ibirarume de handai helo dindi ogo wahalu Yudia pobe. Mbirali ibugua birago bibahendeme manda biai helo manda biyagua ohowa nabi panigi biaga. Í̠na biabe bialu kego dindi bibahendeni karume í̠ manda biai helo walia halu bule pu, lene. Ibu hamenerume ibuhondo mini mbiraore nawi hene. c 

Ani layagola Yasuhanda tihondo lalu, I̱naga horo wene natagira ibi. Áyu tínaga horo hangu wiaabo ka. d  Wali agali dindi bibahendeni karume tí handabe manga naholebira. I̱na tíhondo ko bialu kami lalu lamiaabo harogola ti bibahendeme i̱hondo handabe manga halu kagoni. e  Tí ngoai hagane biagoria ngoai hole pudaba. I̱naga horo wene natagira ibigo i̱ haro, lene. Ani lalu ibu nape Galilini hondo hene.

Yasu ibu maha Yarusaleme penego ogo

10 Yasu ibu hameneru ngoai hole piyadagua ibubi maha pene. Ibu wali agalime nahendelo ohowa pene. 11 Wali agali ngoai hayagoria Yu wali agali haru haga haguane hearu tigua, Yasu agoha kabe, lalu hai bialu hene. f 

12 Wali agalime hagarerebi laga laga bialu marume, Ibu agali bayale, la marume, Ndo ibugua wali agali mo guya halu ka, laga bialu hene. g  13 Yu wali agali haru haga hearu hondowa ti bibahendeme gi howa latagi nahe hagarerebi lowa lalu hene. h 

14 Mo ngoai holene horo uruni maru peha Yasu ibu Anduane Homogonaga andaha puwa mana lawai halu hene. 15 Yasuhanda mana lawai halu heago hale howa Yu wali agali bibahendeme ti mogolo hondowa lalu, Agali ogoni sigulu nabi howa manda timbuni taraore bidago agua manda binidabe, lene. i 

16 Ani layagola Yasuhanda ladai bialu lalu, Mana lawai halu kogo i̱ni mitangi bialu ndo Ngode Datagaliwabe i̱ pu layagonaga minini howa lawai halu ko. j  17 Mbirali ibu Ngode Datagaliwabehanda hame ledadagua bua kayagua ogoni ibugua i̱na lawai halu kogo i̱ni mitangini howa lawai halu kobe Ngode Datagaliwabenaga mitangini howa lawai halu kobe manda bu hondolene nga. k  18 Mbirali ibuninaga mitangini howa lawai halu kagome ibuninaga mini mo yaraga helo lawai halu ka. Anigo ibu pu layagonaga mini mo yaraga helo hame lowa lawai halu kagome ogoni ibu tigabiore ibunaga miniha ke̱ holene mbira nawiore ka. l  19 Mosesehanda ibu heangiMana tígua bilimulo lowinigo tí mbiralime bia nabi puguabo halu kami. I̱ homoliya bole manda bialu kamigo irane agibe, lene. m 

20 Ani layagola tigua ladai bialu lalu, Í̠ dama daraga ho kebe. Í̠ homabelo aiwa bole kabe, lene. n 

21 Yasuhanda ladai bialu lalu, I̱na agalime nabiagane ale mbira birugo hondowa mogolo handarimi. 22 Dongone podo mabu biagane mana Mosesehanda bilimu lene manda buwaSabada horongi tígua tí iginiru dongone podo mabu beramili. Dongone podo mabu biagane mana ogoni tene Mosesehanda wabu wini ndo. Pigane bamba tí mamalirume tenini. o  23 Mosese heneyangi Mana lowinigo napugule lowa tígua Sabada horongi igiri dongone podo mabu beramilidagua i̱na agali mbiranaga tingini ko heago mo dabi haiore harugonaga i̱hondo keba halu kamigo agibe. p  24 Tígua de degeme hondowa daba ki nabilimu. Mana henene birago hondowa daba ki bialu halimu, lene. q 

Mbirali Dabo Helenego ibuoredabe, lenego ogo

25 Ani layago hale howa Yarusaleme wali agali marume lalu, Haru haga karume mbirali homelo bole lalu kago agali ogoni ndobe. r  26 Ibugua o nahe wali agali handai helo howa mana lalu kagoni. Tigua ibuhondo mbira nale helo wa kagoni. Ina haru haga karume ibuMbirali Dabo Helenego ibulebira lowinigo ibu ka manda buwa wahaya bada. 27 O ani ago Mbirali Dabo Helenego ibiragola ibu ogoha howa ibinida manda nabi holeberamago ai agali ogoni ibu ogoha howa ibini ka manda bu kamagoni, lene. s 

28 Yasu ibugua Anduane Homogonaga andaha howa lawai halu dalimu lalu, Tígua i̱bi i̱ ogoha howa ibini kabi bayuwa manda bu kamibe. I̱ni mitangini ndo ibiru. I̱ pu layago ibu henene tene kagoni. Tígua ibu manda nabi kamigo t  29 i̱na dege ibu manda bu ko. I̱ pu layagola ibuha howa ibiru, lene. u 

30 Ani layago hale howa tigua ibu minule binigo ibunaga horo ogoningi ndo hayagola mbiralime gi yade halu ibu mina nabi wahene. v  31 Wali agali ngoai ho hearu dewalime lalu, Agali ogoni ibugua agalime nabiagane ale bialu kago emene lalu Mbirali Dabo Helenego ibu ibuwa ibugua dewaore bulebirabe, lowa ibuhondo mini mbiraore wini. w 

Yasu minu pudaba, lenego ogo

32 Yasuhanda uruni biyagonaga wali agalime hagarerebi lowa laga laga bialu heagoPerisi agalime hale howa tiguabiloma binigo mo miaga haguane hearumebi Anduane Homogonaga anda mamage haga agaliruhondo, Yasu minu pudaba, layagola tigua ibu minu ibini. 33 Ti ani íbu heagola Yasuhanda tihondo lalu, I̱ tí heba emene tigi mbira hangu halu i̱ pu layago karia dai bulebero. x  34 Dai berogola tígua i̱ hai buwa handa walia naholeberami. I̱ poleberogoha tí haruru naibabehe kami, lene. y 

35 Ani layago hale howa Yu wali agali haru haga haguane hearume tini dege dege la la bialu lalu, I̱ handa walia naholeberami lalu kago ibu aniha pole howa lalu kabe. Ina aria maru Girigi dindi tara taraha purogolo karu uruni karia puwa Girigi wali agalihondo mana lawai hole pole howa larabe. 36 Ibugua lalu, Tígua i̱ hai buwa handa walia naholeberemi, layagobi, I̱ poleberogoha tí haruru naibabehe, layagobi irane agi manda bialu layabe, lene.

Yasuhanda haabo holene ibanaga te lenego ogo

37 Horo timbuni ngoai hayaru hamaro biyangi Yasu heyuwa tihondo dalimu lalu, Mbirali iba noa kamiyagua i̱ koria ibalimu. z  38 Anduane Homogonagambugani lo ngago ogo, I̱hondo mini mbiraore wu karu tinaga gubaliniha howa haabo holene iba miagane duguabo holebira, lalu gilibu nga, lene. aa  39 Ibugua bi ogoni layago wali agali ibuhondo mini mbiraore wu hararu tihondo maha Ngode Datagaliwabe Dinini mulebira manda buwa lene. Ogoningi Ngode Datagaliwabe Dinini naibinigo irane Yasu ibu wá taraore holeneha mo yaraga nahe henegome ani lene. ab 

Wali agali talebu ki binigo ogo

40 Ibugua bi ogoni layago hale howa wali agali marume lalu, Ngode Datagaliwabe ManaLatagi Haga Mbirali ibulebira lo ngago agali ogoni ibuoreda, lene. ac 

41 Marume lalu, Mbirali Dabo Helenego ogoni íbu kaoreda, lene.

Marume lalu,Mbirali Dabo Helenego Galili dindi howa naibulebira. ad 
42 Anduane Homogonagambugani lo ngago, Mbirali Dabo Helenego ibu handame haga kini Debidi aguanene holebira, lalu, Debidinaga dindi Bedelehemeni taba honolebira, lalu gilibu nga, lene. ae  43 Wali agali bu hearume ani laga laga bialu Yasu ai kabe manda nabi howa talebu ki bini. af  44 Marume ibu minule manda binigo ti mbiralime gi yade halu mina nabi wahene. ag 

Yu wali agali haru haga hearume Yasuhondo mini mbiraore nawi henego ogo

45 Ani biyagola mamage haga agali biarume Yasu minule ibinigo mina nabi helaluPerisi agali hearubi loma binigo mo miaga haguane hearubi ti hearia dai bini. Dai biyagola tigua tihondo lalu, Agi biyagola wahalu ibu helalu ibirimibe, lene. ah 

46 Ani layagola mamage haga biarume ladai bialu lalu, Agalime nalagagodagua layago hale halu ibirima, lene. ai 

47 Ani layago hale howa Perisi agalime ladai bialu, Ibugua tíbi mo guya haya handala lulu yalu ibirimibe. 48 Ina Yu wali agali haru haga mbiramebi Perisi agali mbiramebi ibuhondo mini mbiraore wu hemaria handarimibe. aj  49 Wali agali urunime Mosese heneyangiMana lowini ngago manda nabi kago tihondo Ngode Datagaliwabehanda, Tandaga nama pobe, lolene wulebira, lene.

50 Perisi agali mbira Nigodimusi Yasu hearia bamba penego ibugua ibuni aria biaruhondo lalu, ak  51 Inanaga Mana lowini ngadagua mbirali ibugua biyadago hale nahe howa pani mia nalaramali, lene. al 

52 Ani layagola tigua ibuhondo ladai bialu lalu, Í̠bi Galili howa ibini dege kebe. Anduane Homogonagambugani lo ngago handalu Ngode Datagaliwabe manalatagi haga mbira Galili howa ibulebira lalu gilibu ngaria handa walia naholeberego, lene. [ 53 Ani lalu ti bibahende andaga purogo lene. am 

Copyright information for `HUI