a17.1Md 18.6-7, Mg 9.42, 1 Ko 11.19
b17.3LBM 19.17, Min 17.10, Md 18.15, Ya 5.19
c17.5Mg 9.24
d17.6Md 17.20, 21.21, Mg 9.23, 11.23
e17.8Lg 12.37
f17.10Md 25.30, Lm 3.12, 1 Ko 9.16-17, Pm 11
g17.11Lg 9.51-52, 13.22, Yo 4.4
h17.12LBM 13.46
i17.13LBM 13.45-46
j17.14LBM 13.2, 14.1-32, Md 8.4, Lg 5.14
k17.19Md 9.22, Mg 5.34, Lg 7.50
l17.20Yo 3.3, 18.36
m17.21Mg 13.21, Lg 17.23, Lm 14.17
n17.22Md 9.15, Yo 17.12
o17.23Md 24.23, Mg 13.21, Lg 17.21, 21.8
p17.24Md 24.27
q17.25Mg 8.31, 9.31, Lg 9.22
r17.26Pig 6.5-8, 7.1-24, Md 24.37
s17.27Pig 7.6-24
t17.28-29Pig 18.20—19.25
u17.302 Te 1.7
v17.31Pig 19.17, 19.26, Md 24.17-18, Mg 13.15-16
w17.32Pig 19.26
x17.33Md 10.39, 16.25, Mg 8.35, Lg 9.24, Yo 12.25
y17.34Md 24.40-41, 1 Te 4.17
z17.37Yob 39.30, Md 24.28

Luke 17

Ko mo bia holene te lenego ogo

(Madiu 18.6-7, 21-22, Maga 9.42)

Yasuhanda ibunaga talima piaga biaruhondo lalu, Mbirale tara tara ngarume wali agali ko mo bia haga nga. Anigo mbiralime ko mo bia hagago ibunaga mo ko holene timbu gibiore wulebirago dara holene nga. a  Waneigini mini boga nabi karu ko bilo mbiralime ko mo bia hayagua ogoni ibu ege to̱le̱ timbuni ngago pume ibunaga mani pongo bia howa iba timbu bedagoha bape hayagua ogoni karulape. Anigo tígua beramigo tiga hondowa bulene nga. b 

Í̠ hamene mbirame ko biyagua talibe. Ani buwa ibu mini beregedalu dai biyagua ibugua ko í̠hondo biyago la nabi wahabe.
Ani buwa ibugua í̠hondo horo mbiru hanguni ka halu ko buwa kane halugo bialu í̠ keria ibuwa, Ai í̠hondo ko birugo wahalu mini beregedaru, layagua ibugua ko biyagoni la nabi wahabe.

Mini mbiraore wu holene ogo

Abosolo agali biarume Anduane Homogohondo lalu, Iname mini mbiraore wu kamago mo timbu ha, lene. c 

Ani layagola Anduane Homogohanda ladai bialu lalu. Tígua mini mbiraoremasada egene emeneore ngago ale wu kamiyagua nde lini daga ira o kagohondo lalu, Í̠na í̠ni pini heba dugu yalu puwa iba solowara bedagoria í̠nime hangabe, laramigola hale halu bulebira, lene. d 

Biabe bia hagame bulene ngago ogo

Tí kamigoni mbirame tínaga biabe bia haga mabu dindi alialu howayaguabi nogo sibi haru howayaguabi andaga dai biragola, Tomo abale nabe laramilibe. Ani nalaramiligoyago. Tígua ibuhondo agua laramili, I̱naga tomo manda manda bu dawabe. Ani buwa aga mbira mo bo buwa tomo i̱ noliya dugu yalu ibabe. Ani buwa maniore í̠ni tomo nolebere, laramili. e  Ani laramigo, Bibe, larimidagua biabe bia hagame biai haragola ibuhondo, Bayuwa birida turu halu ka̱i̱ laro, lolene irane nawi. 10 Tíni nde ogonibi dege kamigoni manda buwa, Bulene nga, layago biaiore howa au labe. Ina biabe bia haga howa bia layagoni dege birima lolene nga, Yasuhanda lene. f 

Yasuhanda agali pirali mo dabi henego ogo

11 Yasu ibu Yarusaleme pole pialu howa Samaria Galilila tubari wiadagua pialu hene. g  12 Ibu tano emene mbira wiagoha anda pialu hearia agali pira ge hamuabi lola hene. Ti amura howa h  13 ladaga halu lalu, Yasu-o Anduane-o ina dara howa biamogo bia, lene. i 

14 Ani layagola Yasuhanda ti hondowa lalu,Loma binigo mo miaga karume tí de hendelo ti karia pudaba, lene. j 

Ani laya handala pole harigani pialu hearia tinaga ge hamuabi biagoni ereba haiore hene.
15 Mbiragome ibunaga ge hamuabi biago ereba hayiyagola hondowa bi dalimu lalu Ngode Datagaliwabenaga mini yaraga halu Yasu hearia lone íbu dai bini. 16 Dai buwa ibugua Yasu heagoria dindini birape howa Yasuhanda ibu mo dabi hayagonaga ka̱i̱ lene. Agali ogoni ibu Samariali hene. 17 Ani layagola Yasuhanda lalu, Agali pira dabi hayago dira biaru agoha kabe. 18 Agali mbiraore dindi tarali ogome dege ibu Ngode Datagaliwabehondo ka̱i̱ lole dai biyago agibe, lene. 19 Ani lowa Yasuhanda ibuhondo lalu, Í̠ni Ngode Datagaliwabehondo mini mbiraore wirigome í̠ mo dabi hayago heyalu pamia, lene. k 

Ngode Datagaliwabenaga Handame Ho Holene ibulebiragonaga te lenego ogo

(Madiu 24.23-28, 37-41)

20 Perisi agali maru hearume Yasuhondo lalu, Ngode Datagaliwabenaga Handame Ho Holene angi ibulebirabe, lene. Ani layagola Yasuhanda ladai bialu lalu, Ngode Datagaliwabenaga Handame Ho Holene panigi hendene naibaga. l  21 Mbiralime lalu, O kago handadaba amu kago handadaba, nalabehe. Irane Ngode Datagaliwabenaga Handame Ho Holene nde tí kamigoha íbu kagoni, lene. m 

22 Ani lowa ibugua ibunaga talima piaga biaruhondo lalu, Agali Hole Ibiyago lone ibulene hororu harangi mbira hondoa ho howa handa nabuleberami. n  23 Marume tíhondo lalu, Amu kago handadaba, layaguabi, O kago handadaba, layaguabi o laragoni hale howa handa nabilimu. o  24 Hari daba bialu wá ho banga bialu mendehayagi howa mendehayagi ho bolangua hagadagua Agali Hole Ibiyagonaga dumbiyalu ogoningiore hondoleberami. p  25 Anigo ala ibu tandaga timbuni nalu wali agali áyu karume ibu handa tara halu erembira mulebira. q  26 Agali Noa heneyangi wali agalime bialu hayadagua Agali Hole Ibiyago lone ibulene hororu harangi wali agalime bialu holebira. r  27 Wali agali bibahende bu hearume hina nalubi iba nalubi wali agali dabu bigi bialu heaore horo ha para hayagola Noa ibu iba taluha anda piyagola ibali timbuniore ibalu bibahendeore ibame nai hene. s  28 Ani buwa Lode heneyangi biyadagua bulebira. Wali agali bibahende bu hearume hina nalubi iba nalubi mbirale yolo bialubi mbirale yolo mule wialubi tomo hangalubi anda bialubi hene. t  29 Ani bialu heagola horo mbirungi Lode ibu Sodomo wahalu tagira piyagola hariha howa ira hungu heba ege to̱le̱ ale ambuabi mini saloba kundibi alebi ibira howa bibahendeore do mundulo wa helene. 30 Agali Hole Ibiyago lone ha pani harangi ogonidaguaore bulebira. u 

31 Horo ogoningi agali anda dangini bedagome tamuha ibuninaga dabudabu mo anda pole daluene henge nawulebira. Ogonidagua dege agali mabuha mabu biabe bialu kagome ibuni andaga dai bulene henge nawulebira. v  32 Lode one biyago mitangi bayuwaore bilimu. w  33 Mbiralime ibuninaga holene ngago mo tene hayagua holene ogoni ereba holebira. Ai mbiralime ibuni holene hado wahayagua holene gahenge yu holebira. x  34 I̱na tí langerogo mbiraga ogoniorengi kirali dagia mbiraoreni padaria mendego palelalu mendego yamulebira. y  35 Wali kirame ladi ale mini widi dambialu mandagi bedaria mendego berelalu mendego yamulebira. [ 36 Ogonidagua agali kirame mabuha biabe mandagi bialu karia mendego helalu mendego yamulebira,] lene.

37 Ani layagola ibunaga talima piaga biarume ibuhondo lalu, Anduane Homogo-o o lariruni agohayagi bulebirabe, lene. z 

Yasuhanda tihondo ladai bialu lalu, Homenenaga tingini ngagoha ega bodo hariawe aleme nole íbu ngoai holebira, lene.

Copyright information for `HUI