a10.1Md 9.35, Mg 3.13-15, 6.7, Lg 9.1
b10.5Ab 13.46
c10.6Yar 50.6, Md 15.24
d10.7Md 3.2, 4.17, Lg 10.9-11
e10.7-15Lg 10.4-12
f10.8Ab 20.33
g10.9Lg 10.4
h10.10Dag 18.31, Lg 10.7, 1Ko 9.14, 1Ti 5.18
i10.12Lg 10.5-6
j10.14Ab 18.6
k10.15Pig 19.24-28, Md 11.24, Ju 7
l10.16Lg 10.3, Yo 10.12, Ab 20.29, Lm 16.19, 1Ko 14.20, Eb 5.15
m10.17Md 24.9
n10.17-20Mg 13.9-11, Lg 12.11-12, 21.12-15
o10.18Ab 25.23, 27.24
p10.20Yo 14.26, 1Ko 2.4
q10.21Mai 7.6, Md 10.35, 13.12, Lg 21.16
r10.22Md 24.9, 24.13, Mg 13.13, Lg 21.17, Yo 15.18-21
s10.23Md 16.28
t10.24Lg 6.40, Yo 13.16, 15.20
u10.25Md 9.34, Mg 3.22, Lg 11.15
v10.26Mg 4.22, Lg 8.17
w10.28Ais 8.12-13, Lg 12.4, Ya 4.12, 1Pi 3.14
x10.30Lg 21.18, Ab 27.34
y10.31Md 6.26, 12.12
z10.32Lg 12.8, Lm 10.9-10, Mo 3.5
aa10.33Mg 8.38, Lg 9.26, 2Ti 2.12
ab10.34Lg 12.49-53
ac10.35-36Mai 7.6
ad10.36Iba 41.9, 55.13
ae10.37Man 33.9, Lg 14.26
af10.38Md 16.24, Mg 8.34, Lg 9.23, 17.33, Yo 12.25
ag10.39Md 16.25, Mg 8.35, Lg 9.24, 17.33, Yo 12.25
ah10.40Mg 9.37, Lg 9.48, 10.16, Yo 13.20
ai10.411 Kin 17.10, 2Kin 4.8
aj10.42Md 18.5-6, 25.40, Mg 9.41, Hi 6.10

Matthew 10

Yasuhandaabosolo homberiali (12) dabenego ogo

(Maga 3.13-19, Lugu 6.12-16)

Yasuhanda ibunaga talima piaga homberiali (12) biaru olalu, Ibidaba, lowa dama daragahe karu wara tagi helobi dongone ko hagabi warago tara tara bo ngarubi bibahende mo dabi helobi ibugua tihondo hongo holene mini. a  Abosolo homberia (12) uruni tinaga mini uru, Saimono mini mende Pida ibubi ibu hamene Andurubi Yamese ibu hamene Yonebi libu Sebedi igini henego Pilibibi Badolomiubi Tomasabi dagisi muni miaga Madiubi Alibiasa igini Yamesebi Tadiasabi Saimono ibu ka̱i̱ mini mendePaidoro ibubi Yudasa Isagariodo ibu Yasu nde lenego ibubi uruni ti Yasuhanda dabene.

Homberiali (12) biarume biabe bule purogo lenego ogo

(Maga 6.7-13, Lugu 9.1-6)

Yasuhanda agali homberiali (12) uruni ani dabowa ti pelonaga bi ogodagua lamini. Tí puwa Yuali ndo wali agali tara tara karuhabi Samaria tano karuhabi napilimu. b  Ogoniha poradagua tígua Isaraele wali agali ti nogo sibi pu ereba ho kagobi kagoria pilimu. c  Puwa, Ngode Datagaliwabenaga Handame Ho Holene horo ha para holene kaware nga, lalu bi mana lamilimu. d, e  Ani buwa warago bo ngaru mo dabi halubi tongolo mini ngaru mo heya halubi ge hamuabi karu mo dabi halubi dama daragahe karu wara tagi halubi bialu halimu. Tígua áyu yu kamigoni yolome mini ndo yu kamigo ogoni bialu howa yolo ngi nalalimu. f  Tígua pialu howa ngolobi silibabi muni emene toea ale ngarubi mbira nayi pilimu. g  10 Ani buwa harigani pialu howa muni ngi lowa mo hanagane nubi tingiliya hunianebi ge subi halimbubi nayiore pilimu. Biabe biaga kagohondo mbirale mbira ibu buru pale kago ale mulene nga. h 

11 Tígua tano mbiranibi mabu andaga mbirahabi anda puwa mbiralime, Tí palimi̱ya ibidaba, larabe hondole pilimu. Poramigola palima larago baba paliaabo halu polene tu haragola pilimu. 12 Tígua anda mbiraha anda pialu howa, Mo palia holene tí heba helo, lalu anda pilimu. i  13 Wali agali anda ogoniha padarume, Tí palimi̱ya ibidaba, layagua tígua mo palia holene tí heba helo larimigo ti yu helo milimu. Tigua tí palimi̱ya ibidaba nalayagua tígua mo palia holene helo larimigo tíni yamilimu. 14 Anda mbiraha karumebi tano mbirani karumebi tí palimi̱ya ibidaba nale tígua bi laramigobi hale nahayagua nde tínaga geni abalu para kago taulo wahalu pilimu. j  15 I̱na tí langerogo Daba Ki Bulene Horo harangi Ngode Datagaliwabehanda dara howa Sodomo wali agalihondobi Gomora wali agalihondobi dabaradagua ndo wali agali tano ogoniha karu hongo howaore dabolebira, lene. k 

Mo tandaga holene tagira ibulebira, lenego ogo

(Maga 13.9-13, Lugu 21.12-17)

16 Yasuhanda lalu, Hale hadaba. Nogo sibi aleore kamigo tí biango gabua ale bu karuha i̱na pudaba larogoni. Tígua pialu howa bayuwa tendore nogombime yolo hinalu piagadagua pialu ega malibu aleme baya hangu hau howaore piagadagua pilimu. l  17 Agali karume tí minuwa godi lole haru polebiragobingoai hagane andaha howa tí bolebiragobi ogoniore bayuwa mamage ho halimu. m, n  18 Tí i̱naga minini kamigo hondowa kini karubi gabumane haru haga karubi ti karia godi lama lalu minu yalu poragola tígua Bi Mana Debene tihondobi Yuali ndo wali agali tara tara karuhondobi lamilimulo haru polebira. o  19 Tigua tí godi lama lalu haru poragola agi lole harudabe lowabi aguaore lolego harube lowabi mini dege dindi ho nahalimu. Lolene tu haragola lolene wiragobi loleberami. 20 Ogoninaga bi loleberamigo tíninaga bi ndo loleberami. Tí Aba Ngode Datagaliwabe Dinini ibugua tínaga miniha howa la lalu langirago loleberami. p 

21 Agalime tini hameneore homelo belo minu mulebira. Waneigini aba karume ti waneiginihondo ogonidagua dege bulebira. Waneiginime ti ai̱ya aba baba hoba migimigi bialu homelo belo minu mulebira. q  22 Ani buwa i̱naga minini kamigo hondowa bibahendeoreme tí handabe manga holebira. Anigo mbiralime hongo howa ho ununu lo haabo hayagua hamaro birangi Ngode Datagaliwabehanda ogoni ibu pele mulebira. r  23 Tí tano mbirani kamigola mo tandaga hayagua tano mendeni hole gerai lalu pilimu. I̱na tíhondo larogo Agali Hole Ibiyago ibu naibida tagi howa tígua Isaraelenaga tano bibahendeni biabe bulene ngaru biai naholeberami. s 

24 Bu manda biaga kagome ibunaga biawai haga kago bolangua nahaga. Ani biagago garabaya biabe ale bia haga kagome ibunaga anduane kago bolangua nahaga. t  25 Anigo bu manda biagame ibunaga biawai haga kagobi holene karulape mitangi bulene nga. Garabaya biabe ale bia haga kagomebi ibunaga anduane kagobi holene karulape mitangi bulene nga. Ani buwa tigua waneigini aba kago ibu mini Heyolabe laga kayagua ibunaga waneigini karubi ti mini koorene ko lolobada, lene. u 

Ngode Datagaliwabehondo hangu gi ho holene ngago ogo

(Lugu 12.2-7)

26 Anigo tígua wali agali hondowa gi nahalimu. Mbirale áyu do ho ngaru mani mo pani hai halu ohowa biniru manda biaihe lalu bulebira. v  27 I̱na arumaha howa langigi berogoni tígua horombe wá haragoria howa larodagua loyane bialu halimu. Tíni hangu howa layane hale harimigo tígua anda dangini howa awa lalu lope halimu. 28 Dinini heba ndo tingini hangu homelo baga karu hondowa gi nahalimu. Ai dinini tinginila kirabali heli dindiha mo bape habehe Ngode Datagaliwabe kago ibuhondo hangu gi ho halimu. w  29 Ogoninaga tígua muni emene toea ale mbirame ega pimbi ale kira yolo bibehe kami. Anigo ega pimbi ale homane mbira tínaga Aba kagome dindiha pu ereba henalaga ka hendeni. 30 Ai tínaga haguaneni mandari kamigo bibahendeore daga lai howa heleda hendeni. x  31 Anigo ega pimbi ale biru ngaru goyane lowa tí duniniore kamigo gi nahalimu, lene. y 

Kerisonaga kogoni lalu latagi holenebi Kerisohondo erembira mulenebi ogo

(Lugu 12.8-9)

32 Mbiralime wali agali bu karu wanakuini howa i̱ mini lalu, I̱ Kerisonaga kogoni, lalu latagi hayagua i̱na nde i̱ Aba dahuliya andagani kagonaga wanakuini howa o biagonaga mini lalu ani dege lolebero. z  33 Anigo mbiralime wali agali bu karunaga wanakuini howa i̱ mini nale erembira ngiyagua i̱na nde i̱ Aba dahuliya andagani kagonaga wanakuini howa o biagonaga mini nale erembira mulebero, lene. aa 

I̱na mo palia holene yalu ndo mo wai bia holene yalu ibiru, lenego ogo

(Lugu 12.51-53, 14.26-27)

34 I̱na dindi bibahendeni mo palia holene wule yalu ibiyada manda nabilimu. I̱na mo palia holene yalu ndo mo wai bia holene yalu ibiru. ab  35 I̱ ibirugo iginime ti aba baba hoba migi migi bu halu waneme ti ai̱ya baba hoba migi migi bu biralu igiri oneme igiri ai̱ya baba hoba migi migi bu biralu bilo ani mo bia hole ibiru. ac  36 Agalinaga waitigi hiriribiore ibuninaga onene waneiginibi ti holebira. ad 

37 Mbiralime i̱ gubalini harago goyane lowa ibu ai̱ya abala gubalini timbuniore hayagua ibu i̱naga talima piaga habe nahe holebira. Ani buwa mbiralime i̱ gubalini harago goyane lowa ibu waneigini gubalini timbuniore hayagua ibubi nde i̱naga talima piaga habe nahe dege holebira. ae  38 Ani buwa mbiralime ibuninaga ira banga yalu i̱ porodagua talima naibiyagua i̱naga talima piaga habe nahe dege holebira. af  39 Mbiralime ibuninaga holene ngago mo tene hayagua holene ogoni ereba holebira. Ai mbiralime i̱ mo tene howa ibuni holene hado wahayagua holene gahenge yu holebira, lene. ag 

Emena mulene ngago ogo

(Maga 9.41)

40 Mbiralime tíhondo, Ina hami̱ya ibidaba, layagua i̱bi ibula habiya i̱bu lara. Ani buwa mbiralime i̱hondo, Iya habiya íbu, layagua mbirali i̱ pu layagobi ibula habiya íbu laragoni. ah  41 Mbiralime Ngode Datagaliwabenaga bi latagi haga kago hondowa ibuhondo, Habiya íbu, layagua mani ibubi Ngode Datagaliwabenaga bi latagi haga kagobi libu harume ogoninaga emena yu holeberabi. Ani buwa mbiralime agali mini tigabiwi kago hondowa ibuhondo, Habiya íbu, layagua mani ibubi agali mini tigabiwi kagobi libu harume ogoninaga emena yu holeberabi. ai  42 Mbiralime i̱naga talima piaga mbira nira kago ibunaga talima piaga kagodago hondowa ibuhondo iba libule nelo hambu miyagua ogoni ibuhondo Ngode Datagaliwabehanda emena mulebiraore laro, lalu Yasuhanda lene. aj 

Copyright information for `HUI