a24.2Yar 26.18, Mai 3.12, Lg 19.44
b24.3Md 24.27, 24.37-39, Mg 13.3, 1Te 5.1
c24.5Yar 14.14, 23.21, 23.25, Md 24.23-24, Yo 5.43, Ab 5.36-37, 1Yo 2.18
d24.72 Bit 15.6, Ais 19.2, Hag 2.22, Seg 14.13, Ab 11.28
e24.9Md 10.22, Mg 13.9, Lg 21.12, Yo 15.18-20, Ab 4.2-3, Mo 2.10, 2.13
f24.10Md 11.6, 13.57, 2Ti 1.15
g24.11Md 7.15, 24.5, 24.24, Ab 20.29, 1Ti 4.1, 2Pi 2.1, 1Yo 4.1
h24.13Md 10.22, Mg 13.13, Hi 3.6, 3.14
i24.14Md 9.35, 10.18, 28.19, Lm 10.18, Kl 1.6, 1.23
j24.15Dan 9.27, 11.31, 12.11
k24.17-18Lg 17.31
l24.21Dan 9.26, 12.1, Yol 2.2, Mo 7.14
m24.22Ais 65.8-9, Seg 14.2-3
n24.23Md 24.5, 24.11, Mg 13.21, Lg 17.23, 21.8
o24.24Man 13.1-3, Mg 13.22, 2Te 2.8-9, Mo 13.13-14
p24.26-27Lg 17.23-24
q24.27Md 24.37-39
r24.28Lg 17.37, 2Pi 3.10
s24.29Ais 13.10, 34.4, Ese 32.7, Yol 2.10, 2.31, 3.15, Mo 6.12-13
t24.30Dan 7.13, Seg 12.10-14, Mg 13.26, Mo 1.7, 6.12-13
u24.31Ais 27.13, Md 13.41, 1Ko 15.52, 1Te 4.16
v24.33Ya 5.9
w24.34Md 16.28, 23.36, Mg 13.30, Lg 21.32
x24.35Iba 102.26, Ais 40.8, Md 5.18, Mg 13.31, Lg 21.33, Hi 1.11
y24.36Seg 14.7, Ab 1.7, 1Te 5.1-2
z24.37Pig 6.5-8
aa24.38Pig 6.3-5, Lg 17.26, 1Pi 3.20
ab24.39Pig 7.6-24, 2Pi 3.6
ac24.42Md 25.13, Mg 13.33, Lg 21.36
ad24.431 Te 5.2, 2Pi 3.10, Mo 3.3, 16.15
ae24.44Md 25.13, 1Te 5.6
af24.46Mo 16.15
ag24.47Md 25.21-23
ah24.51Md 8.12, 25.30

Matthew 24

Yasuhanda, Anduane Homogonaga anda gialo waholebira, lenego ogo

(Maga 13.1-2, Lugu 21.5-6)

Yasu ibu Anduane Homogonaga andaha howa tagira pialu piyagola ibunaga talima piaga biarume puwa Yasuhondo lalu, Anduane Homogonaga anda bayaleore o bidago de handa, lene. Ani layagola Yasuhanda lalu, E̱ o bidagoni hendedamigo ogoni bulebiragonaga i̱na tí langero. Ege to̱le̱ wia gimbu gimbu bima iraga kagoni homane mbiraore winidagoria ngeladai nabi bibahendeore mo ibira ibira biai holebira, lene. a 

Mo ko holenebi mo tandaga holenebi wulebira, lenego ogo

(Maga 13.3-13, Lugu 21.7-19)

Yasu ibu Hari Olibeni berearia ibunaga talima piaga biaru tini hanguore ibuwa lalu, O larigoni ogongi bulebira lalu ina langi. Agi birane hondowa í̠ ibulenebi horo hamaro bulenebi ha para haragonida lolomabe, lene. b 

Ani layagola Yasuhanda ladai bialu lalu, Mbiralime tí mo hondo holigo mamage halu de hondo halimu. Agali dewaoreme i̱ mini lowa lalu,Mbirali Dabo Helenego ibulebira lowinigo i̱ íbu kogoni, lowa wali agali dewaore mo hondo holebira. c  Ani buwa dindi kawareni wai biragonaga bi laruagolabi dindi kaundiaoreni wai bira laragolabi tí hale howa gi nahalimu. Mbirale uruni ani bia bulebirago ani laragome ha maro bulene nga lalu ndo larago gi nahalimu. Dindi mende mendela wai bia a̱i̱ na̱i̱ bialu gabumane tara tarala wai bia a̱i̱ na̱i̱ bialu holebira. Ogoningi dindi bibahendeha hina gari pume halu dindi dumbirumbi biame holebira. d  Mbirale uruni bibahende biai haragola walime waneigini taba honole howa tandaga pigane nagago aleore bulebira.

Ani buwa tí minuwa mo tandaga halu balu home lolene karuha minu mulebira. Ani biragola tígua i̱naga mini yu tiga bu kamigo hondowa wali agali bibahendeore karume tí handabe manga halu handa tara hai holebira. e  10 Horo uruningi dewaoreme Ngode Datagaliwabehondo mini mbiraore wu hayagoni wahalu tini handabe manga haga haga bialu ndelalu maruhondo minu migi bulebira. f  11 Ani biragola Ngode Datagaliwabe mana henene ngadagua ndolatagi haga dewaoreme ha pani howa wali agali dewaore mo hondo hai holebira. g  12 Ogoningi dege ko tara tara urunime anda haragola wali agali dewaoreme gubalini holene wu heneru ho amburi hama dai bulebira. 13 Ani bulebirago wali agali mbiralime wahalu pu nabi hongo howa ho ununu lo haabo hayagua hamaro birangi ogoni ibu pele mulene wulebira. h  14 Ani buwa Ngode Datagaliwabehanda Handame Ho Kagonaga Bi Mana Debene ogoni wali agali dindi bibahendeha karu hale hai helo lamiai halu kagola horo hamaro bulene ibulebira. i 

Hiriribi Gibiore Hondolene tagira ibulebira, lenego ogo

(Maga 13.14-23, Lugu 21.20-24)

15 Ngode Datagaliwabe manalatagi haga Danielehanda Hiriribi Hondolene Gibiore te lenego ogoni tagira ibuwa Ngode Datagaliwabehondo loma bia howa mini ngagoria ngagola tígua de hondoleberami lene. Bi ogoni daga lalu kamirume irane ogonaga layada lalu bayuwa manda bilimu. j  16 Yasuhanda ani lowa lalu, Uruni biragola de hondowa Yudiani karume hari hombene ngaruha hondo yalu gerai polene wulebira. 17 Ogoningi agali mbira ibuni anda dangini bedagome dalialu tamuha ibuninaga dabudabu wiyago mo anda polene henge nawulebira. k  18 Agali mende mabuni biabe bialu kagome ibuni andaga aga mo dai bulene henge nawulebira. 19 Horo uruningi wali gali bere bedarubi gali andu mialu bedarubi dara timbuniore holene wulebira. 20 Ira yuni gilope howa dagare biagane hororu ibirangibiSabada Horongibi tí ibida napolenaga Ngode Datagaliwabehondo bi lalu holene wulebira. 21 Horo uruningi hiriribi emene ndoore bulebiradagoni ale mbira ala dindi bibahende l  wabiyangi howa nabinigobi bialu mani nde lone ogonidaguaore mbira nabulebiragobi bulebira. 22 Ani buwa ogoni birangi Ngode Datagaliwabehanda horo mo tubagi hole manda bini. Ani manda nabi kale uruni birangi wali agali bibahende holene henge na mo ngale. Ngode Datagaliwabehanda ibunaga wali agali dabeneru manda buwa horo uruni mo tubagi holebira. m 

23 Anigo mbiralime tíhondo lalu,Mbirali Dabo Helenego ibulebira lowinigo o íbu kago de handadaba, layaguabi, Amu íbu kago de handadaba, layaguabi hale nahalimu. n  24 Agali marume ke̱ halu, Mbirali Dabo Helenego ibulebira lowinigo i̱ íbu kogoni, lole ibulebira. Marume ke̱ halu, I̱ Ngode Datagaliwabe mana latagi haga kogoni, lole ibulebira. Tigua wali agali Ngode Datagaliwabehanda dabeneru mo hondo habehedabe hondole agalime nabiagane ale timbuniorebi nahendene alebi bialu holebira. o  25 Uruni bia nabidaore i̱na tí ala langerogoni hale halu mamage ho halimu.

26 Anigo wali agalime lalu, Ibu dindi ko wali agali nahaga wiagoria íbu ka, layagua hondo napilimu. O tigua lalu, Ibu ogoni ha do kago, layaguabi hale nahalimu. p  27 Ogoninaga bialu ni tagira ibiragohayagi howa ni paliragohayagi hari daba mege lagadagua Agali Hole Ibiyago ibu ogonibiore ibulebira. q 

28 Homenenaga tingini ngagoha ega bodo hariaweme nole íbu ngoai holebira, lene. r 

Agali Hole Ibiyago lone ibulebirago ogo

(Maga 13.24-27, Lugu 21.25-28)

29 Ani lowa Yasuhanda laabo halu lalu, Horo uruningi mo ko holene uruni ngagola abaleore ni hundialu ege nadalu yapibiya hariha howa dugu ibira ibira bialu hari daligaha hongo haga karu tarame mo ema bia holebira. s  30 Ani biragola Agali Hole Ibiyagonaga manane tara walia halu harini ha pani holebira. Ani biragola wali agali dindi bibahendeni karume Agali Hole Ibiyago hongo timbuni holenebi wá timbuni taraore holene hebabi hari beralibani ibirago hondowa gi halu dugu taraore yi yi lalu biai holebira. t  31 Ani biragola mbelo biguli timbuniore laragola dindi bibahendenaga gimbuni maria ngagoniha howa ibugua ibunaga dahuliyalirume wali agali Ngode Datagaliwabehanda dabeneru dindi bibahendeha karu, Mo mogo bule pudaba, lolebira. u 

Yasuhanda pogenaga te lenego ogo

(Maga 13.28-31, Lugu 21.29-33)

32 Tí mana mbira manda bilimulo pogenaga te langero. Poge mabirago hondowa ai ni poboyogobi dolene tu kawareda manda beramili. 33 Ogonidagua dege mbirale uruni bibahende bigi biragola tígua handalu kamiria horo kaware ha para kagonida manda buleberami. v  34 Ogoninaga tí manda biaabo halimulo i̱na bi heneneore laro. Wali agali áyu kamiruni nahome kamiore dege mbirale uruni bibahende bulebirago laro. w  35 Hari daligabi dindibi ereba hai holebirago i̱naga bi dege ereba nahe wiaabo holebira, lene. x 

Horo ogo angiore bulebiralo mbiralime manda nabi ka, lenego ogo

(Maga 13.32-37, Lugu 17.26-30, 34-36)

36 Ibugua ani lowa lalu, Uruni bibahende bulebirago horo ogo angiore bulebiralo mbiralime manda nabiore ka. Dahuliyali dahuliya andaga karumebi Igini ibuguabi manda nabi dege ka. Aba kago ibuni hangu manda bu ka. y  37 Agali Hole Ibiyago dahuliya andaga howa daibiragola Noa hayangi biyadaguaore bulebira. z  38 Iba li timbuni biago naibiaha Noa ibu iba talu biagoha anda piyago horo ha para naheaha wali agali bu hearume hina iba nalubi wali agali dabu bigi bialubi hene. aa  39 Wali agali bu hearume ogo ale bulubadalo manda nabiore hearia iba li timbuni ibiyagome bibahendeore ibame nai hene. Agali Hole Ibiyago lone ibirangi ogonidaguaore bulebira. ab  40 Ogoningi agali kirali mabuha biabe mandagi bialu karia mendego helalu mendego yamulebira. 41 Wali kirali widi dambialu mandagi bedaria mendego berelalu mendego yamulebira.

42 Anigo tínaga Anduane Homogo ogongiore ibulebiralo manda nabiore kamigo tí mamage bayuwa ho halimu. ac  43 Ani buwa galone mbira tí manda biaabo halimulo laro. Anda anduaneme pageali ogongiore ibulebiralo manda bidale pagealime ibu andaga duanialu anda naibilo lowa palia nabi halu gaeabu hagadagua kale. ad  44 Anigo Agali Hole Ibiyago ogongi ibulebiralo tí manda nabi kamiria íbupe holigo tíbi horo bibahendengi manda manda bu haabo holeneore nga. ae 

Biabe bia haga mini bilinahe nahelanaga te ogo

(Lugu 12.41-48)

45 Anigo biabe bia haga mini bilinahebi mini gigabiwibi haruago aibe. Ibunaga anduane biagome biabe bia haga biago ibugua biabe bia haga maru karu bayuwa hondo howa tomo tale bulene ngangi tale bilo helayago ogoni ibu haruagoni. 46 Anduane biago ibu andaga dai biragola ibunaga biabe bia haga biagome biabe ogonidagua bialu karia ibiyagua nde biabe bia haga biagome turu timbuniore holebira. af  47 Aniore bulebiragonaga i̱na tí langerogoni. Anduane ogonime biabe bia haga biagohondo, I̱naga mbirale bibahende ngaru í̠na hondo habe, lolebira. ag  48 Ani laragola ibunaga biabe bia haga agali ko kayagua ibunime lo manda bialu lalu, I̱ anduane luore howa dai bulebira, manda buwa 49 ibu biabe bia haga maru karu baba bo wahaga haga bialubi tomo na gimbu bialubi agali lulu iba naga karu baba lulu iba na gimbu bialubi holebira. 50 Ani bialu howa biabe bia haga biagome ibunaga anduane ogongi ibulebiralo manda nabi karia íbupe holebira. 51 Ani ibuwa anduane biagome biabe bia haga biago bo ba tagi howa tombene hondo kihe karu heba mandagi helaragola ibu dugu bialu howa ne gingirulo hayaga bialu holebira, lene. ah 

Copyright information for `HUI