a114.1Har 12.51
b114.3Har 14.21, Yos 3.16
c114.8Har 17.1-7, Dag 20.2-13

Psalms 114

Isaraele wali agalime Iyibi dindi wahalu tagira piyangi iba gana lenego ogo

Bamba Isaraele wali agalime Iyibi dindi wahalu tagira pene. a 
Yagaba aguaneru ti dindi tarani howa wahalu tagira pene.
Ogonidagua piyangi Yuda wali agali ti Anduane Homogonaga helo dabo helene.
Isaraele wali agali tibi nde ibunaga wali agaliore helene.

Iba solowara Daramabi bereagome de hondowa ibida pene. b 
Iba Yodana ibu ema bialu pu nabi berene.
Dindi hari timbuni wearume nogo memerume pogolama ibaga biradagua bialu
hari emene wearume nogo sibi iginime pogo laradagua bini.

Iba solowara Daramabi-o í̠ agua biyane ibida piribe.
Iba Yodana í̠bi nde agua biyagola pu nabi biraribe.
Hari timbuni wedemiru-o
tígua nogo memerume pogolama ibaga biradagua bialu harimigo irane agibe.
Hari emene wedemiru-o
tíbi nogo sibi iginime pogo laradagua bialu harimigo aginagabe.

Dindi-o Anduane Homogo áyu o ibiragonigo
í̠ gi howa duru lalu wia.
Yagabanaga Ngode Datagaliwabe o ibiragoni hondowa
í̠ duru lalu ema bialu wulene nga.
Ibugua ege to̱le̱ timbuni ngago mo iba hambiaga goriane berelalu c 
dindi hariha ege to̱le̱ timbuni kago mo iba timbuni pelaga kagoni.
Copyright information for `HUI