a125.2Iba 121.8, Seg 2.5

Psalms 125

Anduane Homogohanda ibunaga wali agali handayaho haga kago ogo

Wali agali Anduane Homogoha mini mbiraore wu karu a 
ti Hari Saiono ale imiema nabi durubi nalaga hongo haabo haga ka.
Hari wedarume Yarusaleme ho hagira bu kadagua
Anduane Homogohanda ibunaga wali agali handayaho howa
ho mabu bu haabo holebira.

Wali agali ko biaga karume wali agali mana tigabi biaga karu
handayaho haabo naholebira.
Tigua handayaho haabo hayagua nde wali agali tigabi karume
tibi nde mana ko biaga holobada.
Anduane Homogo-o wali agali bayale í̠naga mana ngeru taluwa bialu haga karu
tihondo í̠na mana bayale biadai bibe.
Í̠na wali agali ko biaga karunaga pani nelo mialu howa
wali agali maru í̠naga mana ngeru mo wahalu piaga karubi
ti bibahende pani nelo miai habe laro.

Isaraele wali agaliru tiha mo palia holene wia helo hameledo.
Copyright information for `HUI