a126.1Ab 12.9
b126.5Yar 31.9

Psalms 126

Isaraele wali agalime Anduane Homogohanda ti biamogo bilonaga ibuhondo bi lenego ogo

Anduane Homogohanda ina dindi taraha garabaya hemaria haru dai bialu
Yarusalemeni lone helayagoni a 
Ibugua ani biyagonaga
iname ogoni henene ndo emaga handarimabe toba harimaya.
Ina Yarusalemeni daibu howa turuore gibi halu
oba hangu haho wiaabo halu
turu howa iba ganaru podaga podaga bialu gibiore laho wiaabo harimagoni.
Ina ani birimago hondowa wali agali hameigini tara tara paluyu pearume
tini dege dege lade̱le̱ bialu au laya.
Anduane Homogohanda ibunaga Isaraele wali agali biamogo bule
gibiore nabibehe wiagoni biya hendedemini, laya.
Ogoni heneneore ndobe.
Anduane Homogohanda ina biamogo bulenaga biabe gibiore biyagoni.
Ibugua ani biyagonaga ina turuore gibi halu
ina miniha dunguore lo harimagoni.

Anduane Homogo-o ina ala turuho dunguore lo haramalidagua holoma̱ya hela dai bibe.
Iba hundiragola gana iba piagagoha yobu ngaria dalu lone ibiragola iba piaga wiyadagua lone piaga.
Ogonidagua Anduane Homogo í̠na ina áyu kamaru lone mo gumbilo dai bibe.
Wali agali deiba ibalu howa tomo hangalu karume b 
mani tomo hangaragoni bu ngaria turuore halu bu hanaga bilo hameledo.

Wali agali dugu bialu tomo egene hongole yalu pialu hangayarume
mani tomo uruni bu ngaria bu hombedo hanalu
turu hama iba gana lamalama andaga dai bulebira.
Copyright information for `HUI