Psalms 128

Anduane Homogohanda ibunaga bi mana hale haga karu mo bayale holebero lenego ogo

Wali agali Anduane Homogohanda hame ledadagua bialu karu
ibunaga bi mana lo ngadagua bialu hagabi karu
ti turuore ho ka.

Í̠ ogonibi keyagua í̠naga biabe bereruha howa karulape mo ngialu
mbirale burupale keru yu holebere.
Mbirale í̠na bereru damene bibahende bayale hai haragola
í̠ni turubiore holebere.
Í̠ one ibu ndegerebi lini dewaore daga kaligobi birulebira.
Ira olibe hongone dewa ira teneha anda ho mabu biralidagua
í̠naga waneiginiru ti í̠naga andagani ira dedagoria biru mabu bulebira.
Heneneore mbirali Anduane Homogonaga bi ledago taluwa biaga kago
ibuha mo turu holene ogonibi migi bulebira.

Anduane Homogo ibugua Saionoha howa í̠ mo bayale helo.
Í̠ dindini homa nabi wene keore Yarusalemeni mbirale uruni heneneore biaabo halu kane handabelo hameledo.
Í̠ dindi ogoria luore haabo howa
í̠naga waneigini aguaneru de handabelo hameledo.

Isaraele wali agaliru tiha mo palia holene wia helo hameledo.
Copyright information for `HUI