a133.1Pig 13.8

Psalms 133

Ngode Datagaliwabenaga wali agali mo palia howa mandagi holene turubiore ngago ogo

Ngode Datagaliwabenaga wali agali ti baya hangu mini mo mbiraore howa mandagi hayagua nde a 
mana ogoni bayaleore halu ti miniha dungulo holebira.
Tigua mana ogonidagua bulenego bayaore
olibe lini ibaneme weli baya tara wabini mbira
Arononaga haguaneni odo wiyagola pugulalu ibunaga angarini pora bialu
aga lu biagoria pugulope hayagobi holebira.
Mini mo mbiraore holene mana ogoni Hari Hemononi dadimba mbiraga ibira haraligobi halu
Saiononaga hari bu karuha ibira hagagobi holebira.
Dindi ogoniha Anduane Homogohanda wali agali mini mo mbiraore ho karu
tihondo bayale dege bialu holebero lo winigo nga.
Bi lowinigo ogo, Tí haabo holene yu halimulonaga ngulebero, lene.
Copyright information for `HUI