a136.11 Bit 16.34, 2 Bit 5.13, 7.3, Esr 3.11, Iba 100.5, 106.1, 107.1, 118.1, Yar 33.11
b136.5Pig 1.1
c136.6Pig 1.2
d136.7-9Pig 1.16
e136.10Har 12.29
f136.11Har 12.51
g136.13-15Har 14.21-29
h136.16Har 13.18, 15.22
i136.19Dag 21.21-30
j136.20Dag 21.31-35

Psalms 136

Anduane Homogohondo ka̱i̱ lalu iba gana lenego ogo

Anduane Homogohanda inahondo bayale bialu haga kagonaga a 
iname ibuhondo ka̱i̱ timbuni lolene nga.
Ibugua ina gubalini ha ho wiaaboore haga kagoni.
Anduane Homogo ibu mbirale bi pupu wulenaga gime wabini ngaru bolangua haihe kago
iname ibuhondo ka̱i̱ lama.
Ibugua ina gubalini ha ho wiaaboore haga kagoni.
Anduane Homogo ibu dindini haguane hene karu bolangua haihe kago
iname ibuhondo ka̱i̱ lama.
Ibugua ina gubalini ha ho wiaaboore haga kagoni.

Agalime nabiagane aleru ibugua dege biaga ka.
Ibugua ina gubalini ha ho wiaaboore haga kagoni.
Hari daliga li karuni ibunaga mini bayale gigabi wiagome wabini. b 
Ibugua ina gubalini ha ho wiaaboore haga kagoni.
Ibugua iba andaneha berelowa dindi daliga wabu ngeleda. c 
Ibugua ina gubalini ha ho wiaaboore haga kagoni.
Ibugua ni egebi wabini. d 
Ibugua ina gubalini ha ho wiaaboore haga kagoni.
Ibugua nime horombe wá halu hondo helo heleda.
Ibugua ina gubalini ha ho wiaaboore haga kagoni.
Ibugua egebi yakundirubi urunime mbiraga dalu hondo helo heledagoni.
Ibugua ina gubalini ha ho wiaaboore haga kagoni.

10 Ibugua Iyibi wali agalinaga igini wahene bo wahai hene. e 
Ibugua ina gubalini ha ho wiaaboore haga kagoni.
11 Ibugua Isaraele wali agali Iyibi wahalu haru tagira pene. f 
Ibugua ina gubalini ha ho wiaaboore haga kagoni.
12 Ibunaga hongo timbuniore heagome ti ani haru tagira pene.
Ibugua ina gubalini ha ho wiaaboore haga kagoni.
13 Ibugua iba solowara Daramabi laga bereago bira migimigi bilene. g 
Ibugua ina gubalini ha ho wiaaboore haga kagoni.
14 Ibuni bamba halu ibunaga wali agali haru halu iba solowara Daramabi domaede hene.
Ibugua ina gubalini ha ho wiaaboore haga kagoni.
15 Ibugua ani biyagoyu Iyibinaga kinibi ibunaga ami agali hearubi iba ogoniha iba nalu homai helene.
Ibugua ina gubalini ha ho wiaaboore haga kagoni.

16 Ibugua dindi ko wali agali nahaga wiagoria ibuni bamba halu ibunaga wali agali haru halu pene. h 
Ibugua ina gubalini ha ho wiaaboore haga kagoni.
17 Ibugua kini hongohe hearu bo wahai hene.
Ibugua ina gubalini ha ho wiaaboore haga kagoni.
18 Ibugua kini mini lene hearubi bo wahai hene.
Ibugua ina gubalini ha ho wiaaboore haga kagoni.
19 Ibugua Amoro wali agalinaga Kini Sihono bo wahene. i 
Ibugua ina gubalini ha ho wiaaboore haga kagoni.
20 Basana wali agalinaga Kini Ogabi bo wahene. j 
Ibugua ina gubalini ha ho wiaaboore haga kagoni.
21 Kini uruninaga dindi wiaru ibunaga wali agaliruhondo mini.
Ibugua ina gubalini ha ho wiaaboore haga kagoni.
22 Ibugua dindi uruni ibunaga biabe biahaga Isaraelealiruhondo mini.
Ibugua ina gubalini ha ho wiaaboore haga kagoni.

23 Waitigime ina bopeore hayagola ibugua ina embeda nahene.
Ibugua ina gubalini ha ho wiaaboore haga kagoni.
24 Ina waitiginaga giha hemaria ibugua ina mo wialu haru dai biya.
Ibugua ina gubalini ha ho wiaaboore haga kagoni.
25 Ibugua wali agalibi ema bialu piaga damene bibahendebi tomo karulape nelo miaga ka.
Ibugua ina gubalini ha ho wiaaboore haga kagoni.

26 Ngode Datagaliwabe dahuliya andaga kagohondo iname ka̱i̱ lami̱ya.
Ibugua ina gubalini ha ho wiaaboore haga kagoni.
Copyright information for `HUI