a142.1-71 Sml 22.1, 24.3
b142.3Iba 77.3, 140.5, 143.4
c142.4Yob 11.20, Iba 88.8, 88.18
d142.7Iba 13.6, 143.11, 146.7

Psalms 142

Anduane Homogohanda biamogo bilo bi lenego ogo

Anduane Homogohanda i̱ biamogo bilonaga i̱na ibu olalu kogoni. a 
I̱na i̱ biamogo bia lalu haya howa bi lalu kogoni.
I̱ha genda ngangi i̱na ibu karia genda ogoni yalu piruli.
I̱ mini burugulo koru bibahende ibuhondo lamiai haruli.
I̱ mini dege dindi halu homolene kawareda lo manda bu kongi b 
Anduane Homogo ibugua i̱ ogoale bulene ngalo mandabu kagoni.
Waitigi karume i̱ gonoha do wuliya hariga poleberogoha gono wia ho ka.
I̱ni kogoria kaware handa ai nai bialu koria c 
mbirali i̱ biamogo bulene mbira naheda.
Agali ko karume i̱ bo waholilono
mbirali i̱ handayaho howa mamage holenebi naheoreda.
I̱ dara howa biamogo bulenebi mbira naheoredane hendedo.

Anduane Homogo-o í̠na i̱ biamogo bibelo olalu kogoni.
Í̠ni hanguore i̱ handayaho haga kegoni.
I̱ homa nabi kongi í̠nila habiya hamelo kogoni.
I̱na biamogo bia lowa í̠ olalu kogonigo hale habe.
I̱naga bu miniha mini dege dindi ho howa lalu kogoni.
Agali i̱ mo ko hagadaruni ti hongo timbuniorehe kago
i̱na ti bope habe naheore kogoni ndobe.
I̱ tinaga giha koria í̠na gi mialu yamibe.
Gendaru íbu ngagoha kogo bayaleore holiya í̠na i̱ biamogo bia laro. d 
Í̠naga wali agali ngoai ho kagoria
i̱na tinaga deni í̠naga mini yaraga halu holebero.
Í̠na i̱hondo bayale birigonaga i̱na ani bulebero.
Copyright information for `HUI