a15.1Iba 23.6, 24.3, 27.4, 61.4
b15.2Ais 33.15, Seg 8.16, Eb 4.25
c15.3Har 23.1, Iba 28.3, 50.20
d15.4Yos 9.18-20, Hgn 11.35, Ab 28.10
e15.5Man 16.19, Ese 18.8

Psalms 15

Ngode Datagaliwabehanda iname mana buluma̱ya hame ledago ogo

Anduane Homogo-o mbirali í̠naga andaha anda ibabehe ai kabe. a 
Mbirali Hari Saiono wali agali ge nahaga
í̠ni dege haga ngegoria íbu howa
í̠ mitangi bialu í̠hondo bi labehe ai kabe.

Mbirali Ngode Datagaliwabehanda bibe ledadaguaore hale howa biai halu b 
mana tigabi bulene ngadaguaore bialu
ibugua bi larago henene hangu lalu
ibu bu miniha ke̱ holene mbira nawi kago ibuore anda pobehe ka.
Tindule mbiralinaga mini mo ko hole ndinde lowa c 
agua laya laya lama ibaga nabiaga kago
ibu anda pobehe ka.
Mbirali ogonibi kago ibugua ibunaga damenehondo kagua nabiaga ka.
Wali agali mendeali lo guralu diburibu lama ibaga nabiaga ka.
Ani bialu wali agali maru Ngode Datagaliwabehanda handabe manga halu erembira mini karu d 
mbirali ogoni ibuguabi handabe manga halu erembira dege mulebira.
Anduane Homogo ibugua bibe ledadagua hale halu biaga karu hondowa
ibu turu halu wali agali uruninaga mini mo yaraga haga ka.
Ibugua mbirale mbira buleore lalu lo winiyagua
o lenedagoni gendabi bibe naheoreyaguabi tanabi biaore bulebira.
Mbiralime ibuhondo mbirale mbira dano habiya ngibe layagua mialu e 
danoali biagome yadai biragola nde huniane mbira pu helowa ndo
ibugua miyagobiore yadai bia lowa mo yulebira.
Marume ibuhondo dange hana howa
mendeali kagua nabini tigabi kago ndelo ngibe layagua
ibu ani nabiaga ka.

Mana bayale urunibi biaga karu ti ema nabi haabo holebira.
Copyright information for `HUI