a24.1Har 19.5, Man 10.14, Iba 50.12, 1 Ko 10.26
b24.2Iba 104.5, 136.6, 2 Pi 3.5
c24.3Iba 15.1
d24.4Iba 15.4, Ais 33.15-16, Md 5.8, 1 Ti 2.8
e24.6Iba 27.8, 105.4
f24.7Ais 26.2, Hag 2.7, Mal 3.1, 1 Ko 2.8

Psalms 24

Anduane Homogo ibu dindi bibahendenaga kini kagonigo ogo

Dindi bibahendebi mbirale dindini karubi ngarubi a 
bibahendeore Anduane Homogo ibunaga hangu nga.
Wali agalibi mbirale tara tara dindini ema bialu piaga damenerubi
bibahendeore Anduane Homogo ibunaga hangu ka.
Anduane Homogohanda iba andaneha berelowa b 
dindi ogo daliga wabu ngeleda.
Dindi ogonaga gene dunini iba solowara timbuni bedago andaneha wa namu lowa
dindi ogo pagaho ngeleda.

Mbirali Anduane Homogo mitangi halu hari nene kagoria c 
iraga halu polene karulape ai kabe.
Anduane Homogonaga anda lomabia hene hari neneni kago
ge nahaga ogoniha ge yaanda halu polene karulape ai kabe.
Mbirali ibu gime mana ko mbira nabiagabi d 
ibu bu minime mana ko mbira mitangi nabiagabi
mbirale gime wabiniru mitangi nabiagabi
tindule ogoale buliya lowa lahondo nahagabi
uruniale nabiaga kago ibuni iraga halu polene karulape ka.
Wali agali urunibi karu
Anduane Homogohanda ti pele mialu mo bayale holebira.
Ngode Datagaliwabe ibugua tíha ko mbira nawi tí tigabiore kamigoni lolebira.
Wali agali urunibi karume e 
Ngode Datagaliwabe mitangi bialu ibu kagoria ibaga.
Yagabanaga Ngode Datagaliwabe kago mitangi bialu
ibuni kagoria kaware ibugu biaga.

Kini gibi kago ibu anda ibilo. f 
Panga payapai kamiruni amura dugu amu nana bidaba.
Panga haraba bambaore howa payaho wiaabo hene karuni dugupe hadaba.
Kini gibi biago ibilo ani bidaba.
Kini gibi ogoni ibu ai kabe.
Kini ogoni ibu Anduane Homogo hongo gibihe biago kagoni.
Anduane Homogo ogoni ibu wai bialu wayali haga gibi biagoni ka.

Kini gibi kago ibu anda ibilo.
Panga payapai kamiruni amura dugu amu nana bidaba.
Panga haraba bambaore howa payaho wiaabo hene karuni dugupe hadaba.
Kini gibi biago ibilo ani bidaba.
10 Kini gibi ogoni ibu ai kabe.
Anduane Homogo Bibahendeore Haru Haame Ho Haga biago
ibuniore Kini gibi ogoni kagoni.
Copyright information for `HUI